الجمعة، 17 مايو 2013

هل يشفع الحب؟... الحلقة 5

الحلقة 5
فى الطريق... وهما ماشيين
كان الطريق للدار ممكن يمر من عند محل طه
فضلت عالية تدعى ف سرها ان السواق يعدى من قدام المحل مش من طريق تانى... وفعلا مشى السواق ف نفس الشارع

عالية كان قلبها بيدق بشدة وهى بتقرب من المحل وجواها تساؤل
"ياترى هشوفه ولا لأ؟"
                       ******************

طه ف المحل... نرجس قاعدة ع المكتب
"ماما يالا... الساعة 11"
"طب هقفل حساباتى واقوم...5 بس"
"طيب"

راح طه وقف على باب المحل...لحد نرجس ما تخلص

عالية بتقرب بالتاكسى... ولما لمحت حد واقف على باب المحل وهى مش مفسرة مين... بقى قلبها يدق بشدة

قرب التاكسى... وعالية اتأكدت ان اللى واقف طه
قرب التاكسى اكتر لحد ما بقى قدام طه...شافته... وعينيه جت ف عينيها...شافت نظرة مفاجئة سريعة وابتسامة

طه وهو على باب المحل... فجأة شاف عالية ف التاكسى
اتفاجئ... وابتسم لها بفرحة من المفاجئة

عالية مقدرتش تبعد عينيها عنه..كأنها بتحاول تشبع من نظرته...ولما التاكسى عدا...التفتت براسها كلها تبص له

طه فضلت عينيه على عالية ...حتى بعد ما التاكسى مشى فضلت نظراتهم متعلقة لبعض...وشافها وهى ملتفتة ليه... اتقدم خطوات على الرصيف وهو بيودعها بعينيه لحد التاكسى ما اختفى

رجع طه دخل المحل...نرجس قامت وقفلت المكتب
"يالا خلصت...طه ...طه"
"نعم ياماما...خلاص؟؟"
"اه خلاص...مالك مسهم كده ليه"
"البنت اللى قلتلك عليها شفتها معدية ف تاكسى دلوقتى مع مامتها...عارفة ياماما كل ما اقول خلاص مش هشوفها تانى ولا اعرف اوصلها ازاى اشوفها صدفة...مبعرفش انساها"
"محدش عارف يا بنى النصيب فين... لو ليك نصيب معاها هتشوفها هتشوفها"
                     ***********************

عالية ف اوضتها ف الدار
بعد ما غيرت هدومها وراحت تنام
كل ما تغمض عينيها تشوف نظرة طه ليها...تفرح انه شافها وفاكرها...وترجع تحس بالذنب من تفكيرها فيه
"استغفر الله العظيم... يارب...يارب يكون من نصيبى"
                  ************************

طه قاعد بيفطر لوحده
جت مها وقفت جنبه
"اجيبلك حاجة من طنط"
"لا شكرا"
قعدت معاه ع السفرة
"هو انتى زعلان منى ف حاجة"
"انا؟؟ ليه"
"بتتكلم معايا جد اوى كده يعنى"
واستغرب طه من كلامها
"لا انا بتكلم معاكى بطريقتى العادية...مش متعمد طريقة معينة"
"بالراحة عليا شوية طيب وبلاش الجد اوى ده... ده انا زى اختك"
قامت مها من جنبه وسندت على رجله وهى بتقوم
بعد ما مدخلت المطبخ...

قعد طه مستغرب مسكتها ليه
"هى البت دى قليلة الادب ولا عبيطة ولا ايه"
جت نرجس وقعدت معاه
"ايه يا طه"
"ايه؟؟"
"مها جت المطبخ ومكسوفة انها لما بتتكلم معاك عادى انت بتصدها"
"لا بصدها ولا حاجة ...انا عادى"
"هى اتكسفت منك وبتعتبر نفسها زى نرمين وواحدة م البيت... ابقى خلى بالك من كلامك معاها لانها حساسة شوية"  
"حاضر...لو انى شايف ان ميصحش وجودها كتير ف البيت كده"
"ششش لتسمعك...اهى بتونس اختك واحنا مش موجودين.. كتر خير امها انها سايباها مع اختك"
                        **********************

طه عند فاتن ف البيت
"والنبى يا طه تتغدا معانا"
"معلش يافاتن...مش هقدر"
"مش عايز تتغدا معانا ليه...انت موراكش حاجة النهاردة"
"معلش ...النهاردة اليوم اللى بتغدا فيه ف البيت...طمنينى بس عليكى انتى عاملة ايه...وميار عاملة ايه"
"الحمدلله ..ميار راحت تجيب حاجة وزمانها جاية..هتفرح لما تشوفك"
"ان شاءالله... يوم ما كلمتك كنت جاى لك...الحمدلله انى اتصلت الاول"
"كنت ف فرح عقبالك"
"يارب...فرح مين؟"
"واحدة من الدار عندى...والله ياطه البنت والولد ايتام بس اتعمل لهم ليلة ع القد كده بس كانت جميلة"
"ربنا يسعدهم عقبال ما تفرحى بميار"
"وانت مش ناوى تفرحنا"
"ادعيلى"
"ربنا يراضيك يارب"
وطلع طه فلوس من جيبه
"خلى دول معاكى يا فاتن"
"ليه بس...ربنا يكرمك يارب"
"هو انتى ف الملجأ بتقبلوا تبرعات؟"
"اه طبعا"
طلع فلوس تانية
"طب دول للملجأ"
اخدت منه الفلوس...
"والله يا طه الايتام دول بيحتاجوا المشاعر والحنية اكتر من الفلوس...دول بيستنوا يوم اليتيم من السنة للسنة علشان الناس بتروح تسأل عليهم وتقعد معاهم"
سكت طه شوية وبيفكر
"هو يوم اليتيم قدامه شهرين تقريبا...هما اللى عندك اطفال؟"
"اه بنات صغيرين"
"يوم اليتيم هاجى واعملهم مفاجئة حلوة ان شاءالله"
"بجد يا طه... ربنا يفرح قلبك على قد نيتك الحلوة دى"
                       *********************

فى الدار... وفى الجنينة... بعد صلاة الجمعة
بنات الدار كلهم ف الجنينة... وناس تانيين موجودين
فاتن بتمر بينهم والاطفال مبسوطين
هدير جت هى وعصام...وعلى باب الدار راحت عالية تستقبلهم بفرحة...وبعد ما سلمت عليهم
هدير"يالا يا عالية...جايبين بالونات...شدى حيلك وتعالى اتفخى معانا"
عالية"شكلنا كده نَفَسنا هيتقطع النهاردة"
هدير"فين ابلة فاتن"
عالية"تعالى...هى وميار هنا"

راحوا يسلموا على فاتن...وبعدها راحوا يقعدوا مع البنات الصغيرين

عالية كانت واقفة مع فاتن لما رن موبايلها
"الو...ايوه ياطه انا ف الدار...انت فين؟؟ هقابلك ع الباب حاضر...ايه المفاجئة دى؟؟ماشى هصبر...هتلاقينى حالا"
بعد ما قفلت
"اخويا بيقول عامل مفاجئة للاطفال...هروح استقبله"
"وانا هروح انفخ البلالين"

فاتن واقفة ع الباب... شافت عربية طه بيركن
نزل سلم عليها
"افتحى الباب الكبير يا فاتن...فيه عربية عايزها تدخل"
"عربية ايه؟"
"دى المفاجئة"
قالت فاتن للبواب يفتح الباب...ودخلت عربية ربع نقل
"ايه ده يا طه؟"
"ده dj  ومسرح عرايس واراجوز للاطفال"
"الله... هيفرحوا اوى "
"هقف معاهم لحد ما ينصبوا حاجتهم واجيلك"

راح طه للناس وهما بينزلوا حاجتهم
اتلموا عليهم بعض الاطفال وهما فرحانين

طه بيدور بعينيه على فاتن.... شافها من بعيد..راح لها

عالية مع هدير وعصام وحواليهم اطفال كتير
"انا تعبت...هروح اشوف ابلة فاتن وارجعلكم"

طه ماشى... وعالية ماشية... واتقابلوا قصاد بعض
بينهم 3 امتار... متقابلين...المفاجئة وقفتهم
لحظات بيفوقوا من المفاجئة...طه بيتقدم ناحية عالية وهو مبتسم بفرحة الصدفة...عالية ثابتة مكانها

لما بقى بينهم خطوات...مد ايده يسلم عليها
"ازيك"
مدت ايدها تسلم عليه...واول ما ايديهم تلامست
سحبت ايديها بسرعة لما حست ان قلبها بيرتجف
"دايما كانت بتجمعنا صدف...بس احلى صدفة صدفة النهاردة... على الاقل هعرف اسمك ايه...انا طه"
عالية بتحاول تتكلم... صوتها طلع همس
"عالية"
"الله...اسمك حلو اوى يا عالية"
"شكرا...بعد اذنك"
خطت خطوات تبعد... راح وراها
"انتى رايحة فين؟؟ انا ماصدقت قابلتك وعايز اتكلم معاكى... انا مكنتش اعرف ان ليكى ف العمل الاجتماعى...انتى هنا لوحدك ولا مامتك معاكى؟"
اتفاجئت باستنتاجه... وحست ان الكلام صعب عليها...فضلت ساكتة
جه واحد من العمال
"يا استاذ لو سمحت...حاسب السواق قبل ما يمشى"
التفت له طه"حاضر ثوانى"
بص لعالية"ثوانى هحاسب السواق وارجعلك...انتى قاعدة لامتى؟"
ردت باستلام لقدرها وتواجدها فالدار
"قاعدة"
"هرجعلك"

راح طه يحاسب السواق... وراحت عالية قعدت جنب هدير
عالية ماشية مغيبة...فرحتها انها شافت طه تانى راحت لما افتكرت وضعها ووضعه الاجتماعى
عالية سرحانة وهدير جنبها بتكلم الاطفال
التفتت لها هدير
"مالك"
"بصى"
وبصت عالية ناحية العربية وطه بيحاسب السواق
"ابص على ايه؟؟"
"طه هنا"
"طه مين؟ مالك يا عالية انتى بتخرفى ولا ايه"
"طه اللى حكيت لك عنه"
"بتاع المحل"
"هو"
"وايه اللى جابه هنا...وبدل ماتفرحى تعملى كده"

وهما بيبصوا عليه...شافوا ميار بتسلم عليه وتبوسه
هدير برقت عينيها
"ايه ده؟؟ ميار بتبوسه؟؟ هو قريبها ولا ايه؟"
"اخو ابلة فاتن"
سكتت هدير هى كمان لما عرفت وهى مستغربة من الصدف اللى جمعتهم...والفرق الكبير بين عالية وطه

طه واقف عينيه على عالية وهو بيكلم ميار...ولما جت فاتن واخدته يقعد على ترابيزة معاها... وكان ال dj بيبدأ

عالية شايفاه قاعد مع فاتن... عينيها غصب عنها بتيجى ف عينيه...تبعدها عنه بسرعة

طه بيتكلم مع فاتن عن الدار وفرحة الاطفال وبييجوا الاطفال يسلموا عليه...وكل ده وعينيه مش بتفارق عالية الا لحظات
وتوقع انه موجودة مع اختها وجوز اختها اللى كان شافها معاها

هدير بتابع نظراتهم من غير ما ياخدوا بالهم وهى قلقانة من الجاى

جت طفلة "ابلة عالية ...ابلة عالية... نورا وقعت واتعورت وبتخر دم"
جريت عليها عالية...شافت البنت واقعة
"مالك يانورا...تعالى ياحبيبتى متخافيش"
شالتها عالية...وراحت بيها الحمام
غسلت لها الجرح...وطبطبت عليها
"رجلى بتوجعنى يا ابلة"
"معلش يا حبيبتى تعويرة صغيرة...هنروح نلفها وهتبقى كويسة...علشان تلحقى تتفرجى على الاراجوز"
ضحكت البنت ولسه الدموع ف عينيها

راحت عالية على اوضة مكتب فاتن...كان فيها صيدلية صغيرة
اخدت منها ميكروكروم وشاش وبلاستر وقعدت البنت قدامها

وفجأة دخل طه...اتفاجئت عالية ...وتماسكت وكملت لف الجرح
طه واقف ساكت... لحد ما عالية خلصت
"اروح العب يا ابلة؟"
"روحى يا حبيبتى"
خرجت البنت من المكتب...وقامت عالية تحط الادوات ف الصيدلية
"عالية مالك؟؟؟ انا كنت فاكرك هتفرحى لما تشوفينى"
"اه طبعا...فرصة سعيدة"
"انا عايز اتكلم معاكى ومحبيتش اكلمك واختك وجوزها معاكم... ممكن نتكلم هنا علشان مسببلكيش مشاكل"
"لا ابدا مفيش مشاكل ولاحاجة"
"هى مامتك جاية؟"
"استاذ طه...حضرتك فاهم غلط... اللى شفتها قبل كده مش امى... انا مليش ام ولا اب ولا عيلة... انا من فتيات الدار هنا"
وقف طه جامد للحظات...بدون اى رد فعل...من المفاجئة
لاحظت عالية تغير تعبيرات وشه
قالت ف سرها"كنت متوقعة"
وبصوت مسموع
"عن اذنك اروح اشوف البنات...دى مسئولية وشكرا على تعبك والحاجات اللى عملتها"
"استنى هنا رايحة فين"
"ماشية"
"مش بقولك عايز اتكلم معاكى"
"اتفضل"
"احنا اتقابلنا مرات قليلة...ومع ذلك مغبتيش عن تفكيرى ابدا...وكنت بدعى ربنا انى اقابلك تانى واعرف اتكلم معاكى ...وبعد ما لقيتك مش هضيع وقت...عايز اخطبك...موافقة؟؟؟؟"




هناك 29 تعليقًا:

  1. جميلة جدا جدا جدا وكنت متوقعة انهم هيتقابلو ف الملجأ بس الخوف من نرجس العقربة دى
    همس

    ردحذف
  2. حلوه اوى اوى اوى يا دينا
    ماشاء الله
    اخيرا اتقابلوا تانى
    اكتر من جميله
    بس الله يخليكى ماتخليش نرجس تعمل حاجه فى عاليه البت غلبانه

    ردحذف
  3. واااااااااااااااااااااااااااو يارب يخطبها بس نرجس هتعترض اكيد

    ردحذف
  4. اكيد مامته مش هتوافق خصوصا لما تعرف ان عالية تعرف فاتن

    ردحذف
  5. جاااااااااااااااااااااامددةة اوووووووووووووووووووووى بجد بقى ازااااااى هستنى ليوم السبت بجد مش عارفة بجد قصة حلوة اوووووى
    بس انا مش مستريحة لمها دى حساها وراها حاجة

    ردحذف
  6. انا ليه حاسة ان طه مالوش شخصية مستقلة بنفسه حاسة ان نرجس بتأثر عليه ومتسلطة عليه هل احساسى صح ؟

    ردحذف
  7. جااااااااااااااامدة اوى بجد
    لسه هنستنى ليوم السبت ياربى يارب يعدو بسرعة

    loly

    ردحذف
  8. حلـــــــــــــــــــــــــــــــــــوه اووووووووووووووى الحلقه

    ردحذف
  9. جمبلة اووووووووووووووووووى بس يا خوفى من ال جاى

    ردحذف
  10. الله يا سلااااااااااام يا دودو جامدةةةةةةةةةةةةةة جدااااااااااااااااااااااااااااااااااااااااااااااا
    ايوة بقي :) :) :) :) :)

    ردحذف
  11. يخربيت كده بجد جميله اوووووووووووووووووووووووووووووووووووووووووووووووووووووووووى

    ردحذف
  12. جمييييييييييييييييييييييييله اووووووووووووووووى ربنا يستر من نرجس والبت مها دى وبجد تسلم ايديك

    ردحذف
  13. الله بقققققققققققققققققققى تحفة بطريقة يالهووووووووووووووووي بجد عجباني اووووووووووووووووي تسلمي يا احلى دوندون

    ردحذف
  14. لولولولولوى ههه
    هييييييييييييييه اخيرا بقى

    بس مها دى رخمة اوووى ومش مؤدبة

    ردحذف
  15. حلزه اووووووى اوووووووووى تسلم ايديك بجد

    ردحذف
  16. حلوه اوي تسلم يديك وربنا يخليك ي رب

    ردحذف
  17. جامده اوى يا دودو وهل يشفع الحب باين طبعا ان نرجس هتعارض جدااااااااااااااااااااااا

    ردحذف
  18. وااااااااااااااااااااااااااااااااو بس يااااااااخووووووووووفي من الجاي اكيد نرجس دي عمرها ماهتقبل دي ست مغرورة اوووي ومتعجرفه كدا :D :D

    ردحذف
  19. حلووووووووووووووووة جداااااااا النهارده

    ردحذف
  20. جميلة اوي اوي كمليها بئا واحسن حاجة ان الحب متبادل وانه ما اترددش يسالها هتوافق ولا لا لانه لو فكر اكتر كانت هي هتزعل وممكن ترفض

    ردحذف
  21. جميلــــــــــــــــــــــــــــــــــــــــــــــــــــــــــــــــــــــــــــــة

    ردحذف
  22. لا لالا جامدة جدا والله

    ردحذف
  23. ana 3an nafsy mwaf2aa :DD, n homa l etneen yt5etbo ya3ny :D ,

    ردحذف
  24. امممممممم فرحانو و زعلانة
    فرحانة : علشان طلب يخطبها ففرحنالها اووووووووووووى
    زعلانة : علشان اكيد نرجس ديه هتعمل حاجة مش هتسيبهم كده فى حالهم و خاصة لان عالية تعرف فاتن و لان باين على نرجس ديه انها مغرورة و متكبرة و هتبص لعالية بنظرة طبقية وحشة اوووووى

    و البت مها ديه سوسة ووراها مصيبة و كارثة كمان ............

    طه حتى الان شخصيته مش ظاهرة اوى بالنسبة ليا ، بحس انه بيحاول يريح مامته علشان يتقى شرها بس واضح انه طيب اوى .

    فاتن برضه طيبة و ربنا معاااااااااااااااااهم كلهم

    مستنية ابداعك فى الحلقة الجديدة :) :) :) :)

    ردحذف
  25. يخربيت الافورة يا دينا بجد هم لحقو
    لالا القصة ديه افورة اوي لانهم ملحقوش يتعرفو ع بعض ده يدوبك عرف اسمها

    ردحذف
  26. mwqfhm ely shafo b3d sodfa fih bta3 eltkxi da gamed awe bgd 3gbny gedn m really touched :')

    ردحذف
  27. اعتقد ان الاسم بتاع القصه اختارتيه علشان هل سيشفع الحب ؟؟ ونرجس توافق على بنت يتيمه ملهاش اهل ؟؟ هل سيشفع الحب ولالا؟؟

    "manar"

    ردحذف
    الردود
    1. القصة اسمها هل يشفع الحب مش هل سيشفع الحب :) تفرق اكيد ^^
      حبيت الفك نظرك مش اكتر .. ^_^

      حذف

قول رأيك بلاش تقرا وتقفل من سكات...ارائكم تهمنى