الأحد، 9 يونيو 2013

هل يشفع الحب؟... الحلقة 22

الحلقة 22
عالية وعصام قاعدين قدام اوضة العمليات
عالية ف حضنها المولود...عصام كل شوية يقوم يمشى شوية ويرجع يقعد تانى
عالية رغم قلقها بس فرحتها بالمولود اللى بين ايديها كانت مخففة القلق شوية

اتفتحت باب اوضة العمليات
خرجت هدير ...راحوا وراها لحد الاوضة
وقبل الممرضة ما تخرج
عالية"هى ما فاقتش ليه؟"
الممرضة"لا هى كده يعتبر فاقت...دقايق بس وهترد عليكم"
عصام"يعنى هى كويسة"
الممرضة"اه كويسة... الدكتور هيمر على اللى ولدوا الصبح وبعدين ييجي لها"
خرجت الممرضة... راح عصام وقف جنب هدير
"هدير...هدير سامعانى"
هدير مبتردش... مسك ايديها
"هدير"
سابت عالية المواود على السرير...وجت بقلق وقفت جنب هدير
اول ما نطقت هدير كانت بتتألم
اطمنوا الاتنين... وبالتدريج بدأت ترد عليهم
                 *********************

مها وطه طالعين شقتهم
واهلهم وراهم... ام مها ونرجس ونرمين

وصلوهم وهما بيزغرطوا وفرحانين
وقبل ما يمشوا... نادت مها على نرمين
"مش هوصيكى بقى ...عايزاها تولع"
نرمين"حاضر...من غير ماتقولى "

طه شافهم يتوشوشوا وهما ع الباب قرب منهم وسأل مها
"ايه فى حاجة"
مها"لا ابدا كنت بسلم على نرمين بس"
نرمين"يالا ...مع السلامة...ابقى كلمينى يا مها"
نزلت نرمين وقفلت مها الباب وراها وهى بتبتسم لطه متصنعة الكسوف
                      *******************

هدير ع السرير وعصام واقف جنبها
عصام"هدير...هروح اطمن على البنات وارجعلك"
عالية"متخليش البنات يباتوا عند حد...بات معاهم وانا هبات مع هدير"
هدير"اه ياعصام...اطمن عالية معايا"
عصام"خلاص اللى تشوفوه... هجيب البنات واجيلكم بدرى ان شاءالله"
عالية"وتجيب البنات ليه...مش الدكتور قال هنمشى بكرة بدرى...خليهم وابقى تعالى خدنا الصبح"
عصام"ماشى...تصبحوا على خير"
قرب عصام من عالية...وباس المولود اللى شايلاه...ومشى

عالية بعد شوية...
"هدير...حاسة بإيه دلوقتى؟"
"تعبانة اوى والله...مكنتش اعرف ان القيصرى متعب كده"
"الحمدلله انك قمتى بالسلامة... كله يهون علشان عيون القمر ده...ربنا يبارك فيه"
"عقبالك يا عالية"
ابتسمت عالية بحزن... حست بيها هدير
"انا اسفة انى تعبتك معايا"
"تعبتينى ف ايه بس..شايفانى يعنى بنحت ف الصخر ما انا قاعدة اهو"
"مش قصدى... بس انى اجيبك ف مستشفى ولادة وممكن ده يتعبك اكتر"
حست هدير بالندم انها اتكلمت كده...كملت
"انا ايه اللى بقوله ده...هو البنج بيخلى الواحد معندوش احساس للدرجة دى"
ضحكت لها عالية لما فهمت ان هدير خافت على زعلها
"ايه يا هدير... انتى خايفة ازعل منك؟ هو احنا بيننا كسوف ف اى حاجة...ده انا كل اللى جوايا بحكيهولك انتى زى ما بتحكيلى كل اللى جواكى"
"ربنا يعوض صبرك خير"
"انتى تعرفى انى النهاردة حسيت ان ربنا راضى عنى"
"النهاردة!! وجوزك رايح يتجوز"
"ايوه... انا من كام ساعة بس كنت بموت لوحدى ف البيت... مكنتش عارفة لحد ما يرجعوا هيلاقونى لسه عايشة ولا اكون مُت م القهر اللى انا فيه.... صليت ودعيت ربنا يصبرنى...قبل ما اخلص كان عصام بيتصل بيا ويقولى اجى لك... ربنا مخذلنيش واراد انى ابعد عن البيت خالص وانشغل معاكى وبيكى...شفتى ربنا حنين علينا ازاى"
"ونعم بالله... ده علشان انتى صابرة ياعالية"
"مفيش قدامى حل غير انى اصبر...ربنا كريم ...مقلتليش هتسموا النونو ايه؟"
"محمود ان شاءالله"
"اسم جميل زيه...وانتى حاولى تنامى اتكلمنا كتير وانتى مش قادرة... انا سهرانة مع محمود"
                    ********************

نرمين داخلة على نرجس اوضتها بتصحيها
"ماما...ماما"
نرجس بخضة"ايه ف ايه"
"الساعة 5 الصبح"
"اعمل ايه يعنى"
"عالية مجتش لحد دلوقتى"
"ايوه ما انا عارفة"
"عارفة ايه"
"كلمتنى وقالت هتبات عند صاحبتها"
"من اول يوم طه يغيب كده هتروح تبات بره...لو طه عرف مكنش سكت لها"
اتعدلت نرجس وقعدت
"بقولك ايه...ولا تقوليله ولا تجيبله سيرة خالص"
"ليه يعنى...مش لازم يعرف مراته بتروح فين"
"ياختى اتوكسى...هتروح فين يعنى"
"ياسلاااااام...ده ايه الثقة دى كلها"
"لو كانت وحسة كان بان عليها ...سيبك انتى بس منها"
قامت نرمين بغيظ
"طيب... خضرة الشريفة حضرتها وانا امبارح تشُكى فيا وتسألينى حصل حاجة بينك وبين طارق"
واتكلمت نرجس بلهجة تحذيرية
"شوفى يا نرمين... انا مبحبش الامخاخ الوسخة... لو بيتاخد بالمظاهر كانت الناس اتكلموا عليا بعد ابوكى ما مات... وكان الناس اتكلموا عليكى علشان اخدة حريتك بتخرجى وتدخلى اى وقت وبتقعدى طول اليوم لوحدك... متجيش بقى للى لا بتروح ولا بتيجى وتشكى فيها"
"مش عارفة عملت لك ايه خلتك تدافعى عنها كده"
"من جهة عملت فهى عملت"
"ايه بقى"
"كفاية انها نفذت كل اللى قلت لها عليه من غير ماتقول لطه ...ومكرهتش ابنى فيا طول السنين اللى فاتت...مش معنى انى مبحبهاش انكر اللى هى عملته"
نرمين بغيظ
"ماشى...انتى حرة...بس برضه مش طايقاها"
                      *******************

طه صحا من النوم... مها نايمة
قام من جنبها بهدوء... بيدور ع الموبايل بشويش قبل ما تصحا
ملقاهوش ف الاوضة...خرج يدور عليه فى كل حتة ف البيت

قامت مها م النوم...شافته ف الانتريه
"صباح الخير ياحبيبى"
"صباح النور"
"مصحتنيش ليه"
"لا ابدا انا لسه صاحى"
"طيب انا داخلة الحمام..وانت حضر الفطار"
"احضر الفطار ؟؟!!"
"اه...مش انا عروسة ولازم عريسى يدلعنى"
وقربت منه وحضنته بدلع
"مش انا كمان بدلعك"
ضحكت بصوت عالى وراحت ناحية الحمام...نادى عليها
"مهاااا...مشفتيش الموبايل"
"عايزه ف ايه"
"عايز اكلم ماما واطمن عليها"
"ماما برضه؟"
"مش فاهم ايه المشكلة...هكلمهم كلهم اكمن عليهم"
"لا يا حبيبى... احنا عرسان ...انا اخدت موبايلى وموبايلك وقفلتهم وخبيتهم والحمدلله ان تليفون البيت مرفوع ... انا عايزة نبقى انا وانت وبس من غير اى ازعاج خالص"
"يعنى منطمنش على اهلنا...ازاى ده؟"
"كده... ومتقلقش مش هتزهق خالص"
                      *********************

فاتن مع ميار وايمن بيشتروا حاجات
ايمن"طنط...كده لسه فاضل نحجز الجاتوه"
فاتن"خلاص نمشى احنا وكمل مشاويرك انت"
ايمن"طيب ممكن ميار تيجى معايا"
فاتن"ماشى... انا هروح اعمل كام مشوار كده وابقوا كلمونى لما تخلصوا"
ميار"رايحة فين"
فاتن"هروح اعزم خالك"
ميار"ماتكلميهم ف التليفون"
فاتن"لا ميصحش مش كفاية انى من زمان مسألتش عليهم...لازم اروح اعزمهم واديهم الكارت بنفسى"
ميار"وهو خالو هيبقى ف البيت دلوقتى"
فاتن"هسيب الكارت مع عالية...يبقى اسمى اهتميت وروحت بنفسى"
ايمن"ناخد تاكسى نوصلك وبعدين نكمل انا وميار"
                       **********************

فاتن واقفة بتضرب الجرس

مها وطه يسمعوا جرس الباب...يقوم طه
مها"مين؟؟"
طه"يمكن مامتك رجعت تانى لاى سبب ...هشوف مين"

طه بيفتح الباب...شاف فاتن قدامه
طه مستغرب..وف نفس الوقت رحب بيها قبل ما تاخد بالها من استغرابه
"فاتن...اهلا وسهلا"
فاتن وهى بتسلم عليه وتبوسه
"ازيك يا طه...ايه ده انت مش ف المحل النهاردة"
طه بيوسه لها تدخل وهو مرتبك
"اتفضلى "
دخلت...قفل الباب وراها
جت مها م الاوضة...لابسة قميص نوم وروب
فاتن كانت لسه هتقعد...اول ما شافتها قامت تانى من الخضة لما شافت واحدة تانية غير عالية
كل اللى فكرت فيه ان طه جايب واحدة البيت وبيخون عالية
فاتن"مين دى؟"
مها وهى رايحة ناحية فاتن
"انتى اللى مين؟"
طه"دى فاتن اختى"
مها"آآآآه... اهلا وسهلا ...اتفضلى"
فاتن باستغراب ونفس الفكرة ف دماغها
"مين دى؟؟"
طه بصوت واطى...
"مراتى"
فاتن"مراتك!! وعالية فين؟"
مها"اتفضلى الاول اقعدى وقوليلنا مبروك بدل كل الاسئلة دى"
فاتن برقت عينيها من الطريقة اللى مها بتتكلم بيها
طه"اتفضلى اقعدى يافاتن"
فاتن حست انها مش عارفة تتكلم ولا تقول ايه
قعدت على طرف الكنبة... وقعد معاها طه
"مها لو سمحتى اعملى حاجة لفاتن تشربها"
مها"انت عايزنى امشى علشان تتكلم من ورايا...اللى عايز تقوله قوله قدامى"
قعدت مها معاهم متجاهلة كلام طه
طه اتفاجئ برد فعل مها اللى تجاهلت كلامه واتصرفت زى ماهى عايزة
فاتن"انا عايزة افهم حاجة بس...انت وعالية اتطلقتوا؟"
طه"لا...عالية عند ماما"
فاتن مستنكرة "وانت اتجوزت هنا"
مها"مش ملاحظة انك لسه مقلتيلناش مبروك..ده حتى احنا عرسان بقالنا يومين واستغربنا مين جاى لنا من غير معاد"
فاتن"انا اسفة جدا انى جيت من غير معاد... اصل انا لما كنت باجى لعالية مكنتش باخد مواعيد قبلها"
طه"انتى تنورى ف اى وقت يافاتن"
فاتن وهى قايمة...فتحت شنطتها طلعت كارت
"خطوبة ميار يوم الخميس وكنت جاية اعزمك انت وعالية... انا هتصل بعالية واعزمها...هستناكم"
مها"مبروك...هنيجى ان شاءالله"
فاتن وهى بتبص لها
"انا شفتك قبل كده"
مها"اه...اتقابلنا.. انا صاحبة نرمين من زمان"
فاتن متعمدة تغيظها
"اه شفتك ف كتب كتاب طه وعالية ويوم الفرح كمان"
اتغاظت مها... وحبت ترد الغيظ لفاتن
"ياترى عزمتى نرمين وطنط ولا لأ...مش نرمين خالة العروسة برضه ودى اصول"
فاتن مكنتش ناوية تعزمهم... واضطرت ترد على مها
"اه هعزمهم طبعا...انا هبقى اودى الكارت لابلة نرجس ف المحل... استأذن انا"
راحت فاتن ع الباب...راح طه يوصلها ومها واقفة مكانها

نزلت فاتن من عند طه وهى متضايقة وموجوعة علشان عالية
"يا حبيبتى يا عالية...هو الغلبان ياربى مبيشبعش غُلب... اخص عليك يا طه تتجوز عليها وتسيبها مع العقارب"

اول حاجة عملتها وهى ف الشارع... اتصلت بعالية تطمن عليها وتواسيها
"الو...ازيك ياعالية...عاملة ايه ياحبيبتى"
"الحمدلله...وحشانى يا ابلة والله"
"وانتى ياحبيبتى... انا جيتلك البيت وعرفت اللى حصل"
"نصيب يا ابلة...الحمدلله"
"لو مكنتيش ف بيت نرجس كنت جيتلك...ابقى تعاليلى يا عالية وخطوبة ميار يوم الخميس والكارت مع طه"
"الف مبروك يا ابلة ربنا يتمم لها بخير...على فكرة هدير بتسلم عليكى"
"هى عندك؟"
"لا انا اللى عنها...هدير ولدت من يومين وانا قاعدة معاها"
"والله؟؟ طيب انا جاية لكم شوية"
"اهلا وسهلا يا ابلة تنورى...مستنيينك"
                        ********************

مها قاعدة تحط ميك اب... وطه قاعد ع السرير
"ليه كلمتى فاتن بالطريقة دى مش عيب"
"انا عملت حاجة؟انا بس حسستها انى بقيت مراتك زى عالية"
"وهتيجى معايا الخطوبة؟"
"اه طبعا...هنروح كلنا...انا وانت وطنط ونرمين وطارق اكيد"
"وعالية"
ردت مها وهى بتنفخ
"وعالية"


هناك 51 تعليقًا:

  1. كل اللى اقدر اقوله لا يجب ان يشفع الحب في هذه الحالة

    ردحذف
  2. الواحد علشان بيحب المسلسل اوووووووووووووووووي حاسس ان الحلقة قصيرة اوووووووووي...تسلم ايديك

    ردحذف
  3. جامده الحلقة بس قصيرة

    ردحذف
  4. انا مش عارفه طه ازاى بعد من عليا كده وعادى
    احنا عاوزين اى حاجه عدله تحصل لعليا بقه تهون اللى حصل ده عليها :(

    ردحذف
  5. صغيره جداااااااااااااااااااااا

    ردحذف
  6. مها طبعا بدأت تبان علي حقيقتها حلوه جدا يا دندن

    ردحذف
  7. حلوة جدااا

    ردحذف
  8. عاليه غلبانه اوووي ف القصه دي و مها انا نفسي اقتلها هي و نرمين بس بجد الحلقه حلوة اوي
    تسلم ايدك يا دودو

    ردحذف
  9. الله يخربيتك يامها
    بس شكل عليا هتحمل
    وطه هيرجعلها
    ومها هى اللى مش هتخلف
    يا رب يا رب يا رب
    ونرجس بقت مش وحشة اوى يعنى
    اما نرمين تتحرق هى وطارق ومها بالمرة

    ردحذف
  10. صغيرة اووووووووووووووووووووي

    ردحذف
  11. مها خنييييييييييييييييييييييقه

    ردحذف
  12. >_< واخره الغيظ ده ايه
    انا اللى هطق يا دينا والله

    ردحذف
  13. ربنا ياخدك يا زفتة الطين ياللي اسمك مها انتي

    ردحذف
  14. قصيرة أوي ... بس جميلة أويييي

    ردحذف
  15. يولع الحب الي يعمل فينا كده معظم الرجاله مش هم امان فعلن

    ردحذف
  16. دينا بالله عليكي طفي نارنا واعملي في مها ونرمين حاجه مستفزيييييييييييين وطه معاهم كمان
    بس تسلم ايدك انتي روووووعه

    ردحذف
  17. مها دي بنت ................... وعايزة تتربى اللهي يارب تتطلق وتترمي ف الشارع :/ حلوة القصة بس بقت توجع اوي

    ردحذف
  18. جميله اوى

    ردحذف
  19. أزال المؤلف هذا التعليق.

    ردحذف
  20. جتك نفخة يابعيدة فى قلب بركان اعوذ بالله منك :@@
    وعالية الغلبانة دى يارب تفرح بقا :(
    حلووووووة اوووووى الحلقة يادودو ^^

    ردحذف
  21. رووووووووووعه بس ربنا يخلصنا من مها على خير

    ردحذف
  22. الحلقه مستفزة جداااا وطه بقى تييييييت عالاخر وطلع مالوش شخصيه احلى مافيها زياره فاتن عشان عرفت تغيظ الزفته مها ربنا ياخدها بس معقول عاليه تعرف تسامح طه بعد اللى بيعمله ده

    ردحذف
  23. حلوة :)
    مها هاتبتدي تبان , يارب ياخد باله بقا :D

    ردحذف
  24. الحلقه قصيره اوووووووي يادينا وكمان بكره اجازه حرام كدا ابقي طوليها شويه معلش عشان بجد حلوه اووووي ومش عيزنها تخلص خالص تسلم ايداك

    ردحذف
  25. ايييييه بقى شوفى حل ف مها يا دينا

    ردحذف
  26. الغلبان فعلااا مبيشبعش غلب......

    ردحذف
  27. ممكن عاليه متخلفش تاني ..
    بس مها هاتطلع عينه لغاية ما يقول يا بس :D
    ويرجع لعالية بقا , ويقول لنرجس تطلع من نافوخنا كلنا :D

    ردحذف
  28. دينا‏ ‏هو‏ ‏انتى‏ ‏قاصدة‏ ‏توجعى‏ ‏قلبنا‏ ‏على‏ ‏عاليا‏ ‏‏ انا‏ ‏بس‏ ‏عايزة‏ ‏منك‏ ‏طلب‏ ‏متخليش‏ ‏عاليا‏ ‏تتبهدل‏ ‏عشرين‏ ‏حلقة‏ ‏وترجعيلها‏ ‏حقها‏ ‏فى‏ ‏اخر‏ ‏مشهد‏ ‏احسن‏ ‏كدا‏ ‏هازعل‏ ‏منك‏ ‏اوى‏ ‏‏ ‏‏ ‏‏ ‏‏ ‏‏ ‏منار

    ردحذف
  29. عاليه ديه ربنا معاها بجد ... و بعدين نرجس ملقيتش غير مها ديه :@ و طه عايز يسترجل شويه :D
    Norhan

    ردحذف
  30. الحلقة حلوه بس ياريت تعملي حاجه في مها ونرمين دي زهقت منهم وكمان خلي عاليه تغير موقفها شويه وتخلي عندها كرامه الدنيــا مـش بتـقف علـى حـد

    ردحذف
  31. بصى بقى يا دينا انا كنت بقرأ القصه فى صمت بس بصراحه حسه ان الموضوع بدأ يأفور قوى و لازم طه ياخد بالوا من تصرفات مها لان انا كرهاها جدا فياريت يعنى لو تخلصينا منها
    و بنسبه اسم القصه الحب ساعات كتير بيشفع بس لما الموضوع بيجى على اعصاب الواحد و كرامتوا ف ف داهيه الحب ده اولا و ثانيا انتى كنتى سألتى ايه راى الشباب فى موقف طه انا من رائيى طه زى اى راجل نفسوا فى نونه زى ما هوا حلم اى بنوته ( و انا منهم ) بس لو طه هوه اللى مش بيخلف كان سمح لنسوا انوا يطلق عاليه كانت عاليه هتعمل وى ما هوه عمل و يا ترا كانت هتسكت على نرجس دى كتير
    و انا من وجهه نظرى ان الحب قوى كده بيموت ( مع العلم انى بموت فى خطيبى ) و ان مش فى بنت بتفضل طيبه كده و مطيعه كده على طول اى انسان حتى لو بنت ساعات كتر بتتتعصب



    و سورى انى طولت عليكى انا متبعه كل قصصك على فكره و عجبانى جداااااااااااااااااااااا ,,, ةانا صديقه عندك على الجروب بس زى ما قلتلك انا كنت بتابع بصمت او ( لايك)

    سمسمه

    ردحذف
  32. لالالالالا ايه طه ده بجد ده يحرق الدم و مها دى عايزة يتولع فيها بجد و بعدين حب ايه اللى يعمل كل ده بس جامده طبعا

    ردحذف
  33. مهاااا دي زبااااااااالة اوووووووووووي

    ردحذف
  34. عاليه دى على فكره مفيش منها بجد ربنا يعينهااا ولا اعتقد ان فى واحده ممكن تستحمل كل ده وبالنسبه ل هدير كفايه خلفه بئا انا اعصابى تعبت مش كده ^_^ وبالنسبه لمها اشوفها ولعه هى ونرمين ونرجس بئا ربنا يهديها انا طه بئا فيلم نفسه وايااااااااااك يزعل عليا او يظلمها عشان مقتلهوووووش وبالنسبه لحضرتك بئا يا استاذه ديناا انا بحبك اوى وبحب فصصك كلها بس بجد بتشل وانا مستنيه الحلقات بنا يعيينك وتنزللى كل يوم 10 حلقات كده ولا حاجه :* :*
    منه

    ردحذف
  35. يادينا انا اسمي مها وبعداللي حصل ذه كله وكومنتات الناس اناقررت اغير اسمي اناكرهته اسااااااااااسا الاهي تولعي بجاز يامها ان شاء الله ياحربايا

    جاااااااامده اووووووي يا دودو ^_^ :D

    ردحذف
    الردود
    1. وانا كمان ومع انى بحب اسمى جداااااااااااا بس دينا خليتنى اكرهه من تصرفات المؤذيه مها دى

      حذف
  36. 7aSa Ny hmOoT waLaHy

    ردحذف
  37. جميلة اوى تسلم ايدك بس البت مها دى باردة اوى مش مرتحالها

    ردحذف
  38. الحلقة حلوة بس قصيرة اوى وكمان الاتنين اجازة يعنى يومين على ما نعرف الحلقة الجديدة حرام عليكى كدة يا دينا شوقتينا

    ردحذف
  39. انااااااااااااااااااا تعبت من حرقة الدم والله بجددددددددددددددددددددددددددددددددد :/ :/ حرام اللي بيحصل ده

    ردحذف
  40. ايه البروووووووووووووووووود ده

    ردحذف
  41. حرام عليكي يا دينا والله انا مرارتي هتتفقع يلا بقى لخصيهالنا اول مرة ابقى مش عايزة القصة تطول :( دمرتي نفسيتي

    ردحذف
  42. ياريت يا استاذة / دينا تشرفينى فى مدونتى دى http://sha8bta.blogspot.com/ وياريت يا جماعة بليز تشرفونى

    ردحذف
  43. همووووووووووووووووووت من البت مها دى والزفتة نرمين كمان بس حلوة الحلقه يا دينا وابقى طوليها علشان خطرنا :)

    ردحذف
  44. انتي بتشوقينا والا ايه بس ازاي هايشفع الحب هنا

    ردحذف
  45. امانه الحلقه الجايه تطوليها شويه بس سؤاااااااااال هوانتي بتالفيها في يوم واحد ؟؟؟؟؟؟؟؟؟؟؟؟؟؟
    بجد انتي رووووووووووووووووووووووووووووووعه بس مشكله القصص بتاعتك كلها النهايه عامله زي الافلام الهندي

    ردحذف
  46. انا تابعت قصص كتير ليكي اوووي بس عمري ما عملت كومنت هو لايك بس عشان انا مابكونش عارفه اكتب ايه انا دلوقتي القصه ديه عجبتني جدا وبجد عاايزه اعرف النهايه بسرعه وعلي فكره انا لو حطيت نفسي في مكان عاليه انا اه بصبر كتيير بس للصبر حدود وعمري ما هاقدر اصبر زيها كده بس هيا ممكن تكون صبرت عشان هيا يتيمه ومالهاش مكان تروحي فيه بس بجد شخصيتها حلوه

    ردحذف
  47. هو انتى مش حسه ان طه سلبى يعنى مش حساه راجل ولا بيحب عالية ازاى بنت زى مها قدرت عليه وبعدته عن عاليا كدا

    ردحذف
  48. قصة مشوقة فعلاّ وى جميلة

    ردحذف
  49. اعصابي راح تحترق فرحلنا عليا بقى بحاجة عدلا في حياتها هو الطيب بيحصلوا كده ليه ياربي

    ردحذف
  50. عاليه دى واجعه قلبى قوووووووووى

    ردحذف

قول رأيك بلاش تقرا وتقفل من سكات...ارائكم تهمنى