الثلاثاء، 11 يونيو 2013

هل يشفع الحب؟... الحلقة 23

الحلقة 23
فاتن قاعدة جنب سرير هدير
عالية بتقدم لها حاجة ساقعة وبتقعد
فاتن"معقول ياولاد كل ده يحصل"
عالية"حقُه يا ابلة"
هدير بانفعال"كَسر حُقُه... لامؤاخذة يا ابلة... متزعليش يا عالية بس بتنرفز ...منها لله اللى كانت السبب"
فاتن"نرجس برضه؟"
هدير"تخيلى يا ابلة... تخليها هى اللى تطلب انه يتجوز...انا مش عارفة ازاى فيه ناس بالجبروت ده"
فاتن"ليه وافقتى على كلامها ياعالية؟؟...ليه مرفضتيش"
عالية"علشان طه... علشان عارفة انه نفسه يخلف ومعندوش اللى يمنعه من الخلفة غيرى... علشان طه صرف عليا كتير علاج وعمليات وكل ده من غير فايدة... علشان خفت يزهق منى ويطلقنى واترمى ف الشارع...انا كده احسن كتير"
هدير"احسن ف ايه... بالذمة ده اسمه كلام...دى حتى الشقة خرجك منها"
عالية"وانا ليا فيها ايه... طه اخدنى بطولى حتى هدومى هو اللى جابهالى... انا راضية باللى حصل"
فاتن"معاكى حق"
هدير"معلش يا ابلة...هو بس علشان اخوكى مش قادرة تغلطيه"
فاتن"لا مش علشان اخويا بس... علشان حاسة بظروف عالية اوى ومريت بنفس ظروفها..مش قلتلكم قبل كده ظروفكم شبه ظروفى"
هدير"ازاى؟؟ جوزك اتجوز عليكى"
فاتن بتضحك"لا مش قصدى"
عالية"قصدك ايه يا ابلة"
فاتن"مش انا حكيت لكم انى اتجوزت جوزى اول ما خلصت علشان ابعد عن نرجس... وكان اكبر منى ب 17 سنة وولا بحبه ولا حاجة... لما اتجوزنا اكتشفت انه بخيل...بخيل اوى الا ف الضروريات بس... قلت مش مهم هعيش وخلاص ولما حملت ف ميار قلت اكيد هيتغير لما يبقى له طفل ..واتعشمت ع الفاضى وبعد ما خلفت ولا اتغير ...بقيت ادعى ربنا يحلها من عنده لحد ماجالى التعيين واتوظفت وبقيت اصرف على نفسى وعلى بنتى ف اللى مبيرضاش يجيبه... ياما زهقت واتخنقت وفكرت اتطلق...بس قلت لو اتطلقت هروح فين ببنتى وكان بابا مات وقتها...يعنى استحالة نرجس هتساعنى ببنتى...سكتت وصبرت سنين طويلة عايشة ف غلب"
هدير وعالية بيبصوا لبعض بتصَعُب على حالها
هدير"بس برضه الوضع مختلف... ده اتجوز عليها وهى بتحبه"
فاتن"الظروف والتفاصيل مختلفة...انما السبب فى الخوف من الطلاق واحد...اننا مالناش حد غير ربنا"
عالية"ونعم بالله"
فاتن"ارمى حمولك ع الله ومش هتنضامى ابدا يا عالية"
عالية"مليش غير ربنا بدعى ف كل صلاة يصبرنى"
فاتن"والله ياعالية جوزى دلوقتى اتغير خالص ولوحده من عند ربنا...انا معملتش حاجة غير انى كنت مفوضة امرى لله"
هدير"اتغير ازاى...بقى بيصرف كويس؟"
فاتن"مش كده وبس... ده انا بقيت كل حاجة ف ايدى وكل فلوسه اللى مكنتش اعرف عنها حاجة بقت قدامى وتحت تصرفى"
هدير"عقبال اما ربنا ينصفك يا عالية"
عالية"يارب"
فاتن"يالا اقوم انا علشان اروح قبل ما ميار...هستناكى ياعالية يوم الخميس..وانتى ياهدير لو تقدرى تيجى ياريت"
هدير"لا صعب يا ابلة مش هقدر...مبروك وربنا يتمم لها بخير"
                    **********************  

طه نايم... مها بتقفل الباب عليه وهى بتتسحب
خرجت قعدت ف الانتريه...والموبايل ف ايدها
فتحته...واتصلت
"الو... بت يانرمين عاملة ايه"
"انتى ندلة اوى ... تقفلوا التليفونات"
"ما تسيبينا ياختى عايزة مننا ايه"
"عايزاكى تحكيلى"
"بعدين لما اشوفك... المهم ايه الجديد عندك"
"مفيش جديد ولا قديم...اللى ماتتسمى قاعدة عند صاحبتها من يوم جوازكم"
مها بفرحة"سابت البيت"
"لا يا حبيبتى دى لازقة"
"طب اسمعى اختك كانت عندنا"
"يووووه فاتن الرخمة"
"اه..بس انا ايه بقى ...كيدتهالك ولسه... عزمتنا على خطوبة بنتها وانا احرجتها وقلت لها تعزمكم ونروح كلنا"
"ودى نروح لها ليه واحنا لا بنطيقها وبتطيقنا"
"علشان اخوكى يا هانم هياخد اللى ماتتسمى ويروحوا"
"وانا مالى"
"هاتى طارق وتعالى...اهو نكيد الارشانتين اختك واللى ماتتسمى"
"طيب ماشى"
                     *******************

مها خارجة من الحمام بتنشف شعرها
"قدامك قد ايه وتجهزى"
"ساعة بالكتير"
"التليفونات فين"
سكتت مها تفكر
"خلاص بقى...بقالنا 5 ايام عرسان وقاعدين ف منفى...انام واصحى الاقيكى تقوليلى كلمتى ماما ونرمين...متزوديهاش بقى"
"انا اتكلمت... هجيبه "
قامت على مضض... طلعت التليفونات من وسط قدومها
حدفت الموبايل على السرير
"خد اهو"
قعدت مبوزة وهى بتتسرح... بص لها طه
"فى ايه؟"
"طريقتك معايا وحشة اوى ياطه"
"كل ده ووحشة...كل يوم اقول لنفسى معلش متزعلهاش حقها تتدلع شوية بس كفاية بقى"
كان بيكلمها وهو بيفتح التليفون
"هتكلمها طبعا"
"اه"
خرج م الاوضة... خرجت وراه
"انتى مش هتلبسى"
"عايزة اعرف هتقولها ايه"
اتصل طه بعالية
                   *******************

عالية وهى ف الشارع... رن موبايلها
اول ما شافت اسم طه... ردت بكل فرحة وشوق
"الو...طه ازيك"
"ازيك ياعالية...عاملة ايه"
"الحمدلله ياحبيبى...انت عامل ايه وحشتنى اوى"
"انتى فين صوت دوشة"
"رايحة ع البيت"
"كنتى فين"
"كنت عند هدير"
"ليه انتى مش عارفة ان النهاردة خطوبة ميار"
"ايوه عارفة علشان كده رجعت النهاردة من عند هدير"
"النهاردة؟؟ ليه هو انتى عندها من امتى"
عالية بحزن"من يوم جوازك"
طه"ازاى ياعالية... قاعدة عند صاحبتك 5 ايام"
مها فرحانة وهى جنب طه بالشد اللى بينهم
ارتبكت عالية"ماهو اصل"
"اصل ايه..هو انا مش موجود تتصرفى بمزاجك"
"انا استأذنت من ماما وهى قالت هتقولك"
وافتكر طه ان التليفون كان مقفول
"خلاص خلاص...لما اشوفك نبقى نتكلم... هعدى عليكى اخدك"
"حاضر"
قفل معاها طه...وبص لمها
"ماتقومى البسى بقى"
"الله... انت هتتنرفز عليا انا ليه هو انا عملت لك حاجة"
وقامت مها دخلت الاوضة... وطلع طه البلكونة
                        *******************

عالية بتخبط ع الباب...فتحت لها نرمين... بعد ما القت السلام
دخلت عالية على اوضتها...على طول...وقفلت عليها
قعدت على السرير وهى مذهولة من طريقة طه معاها
اسلوبه وهو بيتكلم واول مكالمة بعد الفترة دى يكلمها كده
صعبت عليها نفسها...عيطت من تغيير طه السريع
                      ********************

مها خرجت من الاوضة...وطه قاعد لابس ومستنيها
اول ما شافها
"ايه ده اللى انتى عاملاه ف نفسك"
"ايه ف ايه؟؟"
"رقبتك باينة...ده حجاب ده؟"
"اه ...سبانيش علشان الفرح"
"انا مالى سبانيش ولا بتاع...وال10 كيلو الوان اللى ف وشك دى ازاى كده"
"ايه ياطه...هى تلاكيك ولا ايه"
"مش تلاكيك بس انا خارج مع مراتى مش مع رقاصة"
"والله دى طريقة لبسى ومش جديدة عليك"
"مليش دعوة بقبل كده...هتخففى اللى ف وشك وتغطى رقبتك ولا انزل انا"
"ااااااااه ...انت بتتلكك علشان تروح لها لوحدك... ماشى يا طه... هعمل اللى انت عايزه ... اما نشوف"
                      ********************

خرجت عالية من اوضتها...راحت اوضة نرمين
"هى ماما مش جاية معانا؟"
"لأ"
"طه قال جاى ياخدنى...انتى جاية معانا صح؟"
"هو قال جاى؟ هكلمه واشوف"
واتصلت بطه وعالية واقفة
"الو.. ايه ياطه انتوا جايين تاخدونا... قدامك قد ايه؟؟ طيب هنكون جاهزين...سلام"
"جاى امتى"
مردتش عليها نرمين...واتصلت بطارق
"الو...انت جاى؟؟ خليك هنعدى عليك احنا...سلام"
"هو طه جاى امتى"
"ف السكة...لما يوصل هيرن علينا"
                     ********************

طه قاعد ف العربية...مها جنبه
ظهرت نرمين وعالية خارجين من العمارة
فتح طه الباب وقبل ما ينزل
"نازل ليه"
"اسلم عليهم"
حضنته نرمين اول ما شافته
"مبروك يا طه"
بيحضنها وعينه على عالية...اللى شاف الحزن ف عينيها رغم ابتسامتها الباهتة
نرمين بتسلم على مها...اللى مركزة نظرها عليهم
طه سلم على عالية وباسها من خدها
مها بتبص لهم شذرا
نرمين وهى بتركب
"طه هنعدى على طارق ناخده"
ركبت مها تانى جنب طه... وركبت عالية جنب نرمين

طول الطريق وعينين عالية وطه بتنطق بالاشتياق وهما بيتبادلوا النظرات ف المراية
مها ملاحظة... بتحاول تتكلم مع نرمين وكل ما تكلم طه يرد باختصار
                          ********************

وصلوا القاعة... وطالعين السلم
مها ماسكة ف دراع طه
ونرمين ف دراع طارق
وعالية ماشية لوحدها وهى مكسوفة

طارق مال على نرمين
"اخوكى فاجر وقادر"
"لم لسانك ع المسا"
"مش بيقولوا جوز الاتنين يافاجر ياقادر... ايه رأيك بقى ان اخوكى ده برنس"
"اشمعنى"
"شوفى واحدة ف ايده والتانية وراه...يابخته"
"هتستعبط...ده انت يوم ماتفكر اولع فيك وفيها"
"ليه يعنى ما اخوكى اهو ومتدلع اخر دلع"
"يا حبيبى انا مش عالية...هى ساكتة وراضية انما انا لأ...بس اطمن مش هتستحمل كتير وهنزيحها من طريقنا"
"عملتوا عصابة يعنى"
"بذمتك دى لياقتنا ولا شبهنا"
بص وراه بطرف عينه...لمح عالية وهى بتمسح دموعها بطرف منديل قبل ما تنزل...رجع بص لنرمين
"لا فعلا مش شبهكم ولا زيكم خالص"
                 
دخلوا القاعة... شافتهم فاتن
سلمت ببرود عليهم كلهم ماعدا عالية سلمت عليها بترحاب شديد

قعدوا كلهم على ترابيزة دائرية
طه بين عالية ومها وقدامهم طارق ونرمين
مها طول ماهى قاعدة ماسكة فى ايد طه وبتتدلع وتهزر معاه
طه ساكت...وعالية متحكمة لاقصى درجة ف اعصابها

نرمين"البت ميار المعفنة يتعملها خطوبة هنا"
مها"ابخات يا بنتى"
نرمين"اذا كانت القاعة بس كده اومال الشبكة هتبقى شكلها ايه"
مها"يمكن ولا شبكة ولا حاجة وعاملين خطوبة يتمنظروا بيها وخلاص"
نرمين"اما نشوف"
ومالت على طارق
"شايف"
"نعم... ما انا قلتلك نستنى انتى اللى كنتى مسروعة ع الخطوبة"
سكتت نرمين وهى بتبص لمها والاتنين بيحقدوا على ميار اللى لسه موصلتش القاعة

فاتن كل شوية تبص عليهم وهى بتستقبل الناس
حست بقهرة عالية...راحت لهم
فاتن"ماتقومى ياعالية تقعدى معايا شوية...بعد اذنكم"
قامت معاها عالية..وقعدت معاها على نفس الترابيزة

لما وصلوا العروسين... وبدأ الفرح
نرمين"مها ...طرحتك اتفكت"
مها بتمسك طرحتها
"فين... معاكى مراية"
طه"مراية ايه هتعدلى هنا...قومى روحى الحمام"
مها"تعالى معايا يانرمين"

قاموا مها ونرمين...راحوا الحمام
طه وطارق قاعدين مفيش بينهم كلام
طه وعالية بيتبادلوا نظرات صامتة
طارق بيتفرج عليهم من باب الفضول والتعجب

قام طه فجأة... راح ناحية عالية
عالية وهى شايفة طه جاى ناحيتها... خايفة منه ومن سكوته طول الوقت من ساعة ما كلمها بجفاء ف التليفون
قرب منها... اخد ايدها
"قومى معايا"
"فى ايه يا طه؟؟"
"يالا بس"
قامت معاه وهو ماشى بخطوات سريعة وهى بتمد تحصله وكأنه بيجرها
نزلوا ع السلم... بخطوات اهدا
"مالك ياطه...انا عملت حاجة زعلتك؟"
طلع طه تليفونه وقفله...وحط ايدها ف دراعه وهما نازلين
"وحشتينى اوى وعايز اقعد اتكلم معاكى كتير اوى ...عايز نبقى انا وانتى وبس...بحبك اوى ياعالية"
عالية من الفرحة حست ان الدنيا كلها بترقص قدامها
                     ********************

مها ونرمين راجعين من الحمام
مها بتدور على طه وهى بتبص على مكان عالية
طارق بيضحك وبيقهقه
مها بغضب"فين طه؟"
طارق"ههههههههههههههههههههههههههه"
مها"ايه ام البرود ده...بتضحك على ايه..طه فين؟"
طارق بيحاول يرد... بيضحك ومش قادر يتكلم
نرمين"يا باى ...ايه ده ماتنطق"
طارق من وسط الضحك
"ههههه اخدها وطاروا من هنا ههههههههههههههه"

هناك 81 تعليقًا:

  1. جميلةةةةةةةةةةةةةةةةة اووووووووووووووووى اووووووووووووووووووووووى يسعدنى انى اكون اول رد ليا في القصة دى وفي كل قصصك

    ردحذف
  2. برضه مبقتش بحب طه ده خالص عشان اناني متحاوليش تحسني صورته :D :D :D

    ردحذف
  3. نعم دي طويله والله انتي بتهزري حرام عليكي بقا يا دينا الله انتي بتذلينا كده ليه

    ردحذف
  4. ايوااااااااااااااااااااااا بقه خلى الحكايه تتعدل شويه
    ويارب مها تطق من الغيظ بقه

    ردحذف
  5. هههههههههههههههه والله طارق دة عسل
    الحلقة جااااااامدة اووووووى
    الهى تطقى تموتى يامها انتى ونرمين

    ردحذف
    الردود
    1. اميييييييين تروح فيها يارب واخلص منهم العقربتين دول ونرجس كمان
      بس جمييلة الحلقة
      bosy mohamed

      حذف
    2. هههههههههههههههههههههههههههههههه اخدها وطاروا هههههههههههههههه

      حذف
  6. الحلقه تحفه تسلم أيدك يا دينا

    وأحسن فرحانه في مها جداً
    وياااا رب في الحلقات الي جايه كلها نرمين ومها يموتوا بغيظهم

    =)

    ردحذف
  7. والله حرام صعبان عليا عاليه وطه اوى

    ردحذف
  8. ايوه كده اخيرا هيفرح عاليه

    ردحذف
  9. بجد انا اول مرة اعلق على قصة لحضرتك مع انى متابعاهم كلهم بس عجبانى جدا بجد اتمنى حضرتك تستمرى وربنا يوفقك ان شاء الله :)

    ردحذف
  10. هههههههههههههههههههههههههههههههههههههههههههههه

    ردحذف
  11. بجد جامدة اووووووووووووووي

    ردحذف
  12. بجد حلقه النهارده جميله جدا تسلم ايدك

    ردحذف
  13. حلوه جدا تسلم اييدك

    ردحذف
  14. hhhhhhhhhhhhhhhhhhhhhhhhhh gmela

    ردحذف
  15. ههههههههههههههههههههههههههههه طااارق ده مشكلة بس مش مرتحاله مش عارفة ليه بس طه برده مش تمام و ياااااارب بقى افرح فى مها ونرمين دول اكتر واكتر

    ردحذف
  16. يارب النهايه تكون قربت بقا علشان احنا كده مش قادرين نعرف او نحدد ايه النهايه
    و الحلقه جميله جدااااااااااااااااااااااااااااااااااااااااااااااااااااااااااااااااااااااااااا
    و ياريت طه بقا يورى مها الوش تانى كفايه دلع زياده عن اللزوم
    علشان بجد عاليه صعبانه عليا و مفيش حد كان هيعمل ال هى قبلته ده خالص ...................
    و ربنا يوفقك يارب يا استاذه دينا

    ردحذف
  17. ههههههههههههههههههههههههه

    ردحذف
  18. انا بكره طه دا اووووى ازاى يعمل في عاليه كدا ويارب مها مش تخلف

    ردحذف
  19. بجد انا اول مره اعلق على قصه لحضرتك بس مقدرتش امسك تفسي القصص كلها احلي من بعضهااااا ... انا متبعاكي .. و القصه دي حلوووةوه اوووووي نزليييي الباقيييي بسرعه بقى

    ردحذف
  20. انا بقيت بعيش القصة لدرجة اني لما طه اخد عالية انا فرحت اوي يااااااه الواحد بقالو كتير متغاظ فرحانة في مها اوي علي فكرة انا اول مره اعلق بس بصراحة انهارده الحلقة تستاهللل حلوة اوي

    ردحذف
  21. حلووووووووووووووة اووووووووووووووووووي ايوة فرحينا شوية

    ردحذف
  22. انا عيطت اووى من كتر فرحتها وف نفس هى صعبان عليها نفسها وصعبانة عليا انا كمان لما شدها من ايدها ونزلوا قلبى اتوجع اووى من العقربة اللى كانت حرماها منه
    وموتت ضحك ف الاخر هههههههههههههههههههههههههههههه

    ردحذف
  23. الحلقه جاااااااااااااااااااااااااامده اوي اوي ياخرابي يا دينا دانا فضلت ازغرط لما شوفت عالية فرحانه كده ايوه بقي يا شيخه فرحيها وفرحينا شويهوالحلقه جامده فحت يارب تبقي كل الحلقات طويله كده بقي ها يا دودو وتسلم ايدكdina raffat

    ردحذف
  24. والله كنت متضايقة علشان عالية اوووى
    وبجد حرام اللى حصلها كل دة
    ولو اى حد تانى كان زمانه مات من قهرته
    بس بجد تسلم ايديك جميلة اوووى
    ومت من الضحك بسبب طارق دة ^_^

    Soolly

    ردحذف
  25. ههههههههههههههههههههههههههههههههههههههههههههههههههههه اوووووووووووووووووووووووف اخيرااااااااا عمل حاجة عدله ده انا كنت قربت اكرررررررررررررررررررررررررررررررررررهه

    ردحذف
  26. ايوووووووووووة كده ايه الجمال ده يا رب تموتي يا مها من الغيظ

    ردحذف
  27. اهو كدة انا اخدت نفسى اما عمل الموقف دى يادودو اخيراً بداتى تبردى نارنا شوية

    ردحذف
  28. الحلقة جميلة اوى اخيرا حاجة مفرحة الحمد لله

    ردحذف
  29. هههههههههههه هوووووووووووووووو دة الكلاااااااااااااااام ايوة يا دينا فرحي قلبي وانصفي عالية انا عايزة مها تموت من الغيظ

    ردحذف
  30. هههههههههههههههههههههههههههههههههههه والله تحفة جدا وطارق دا لاسع :D ايوه كدا يا طه رجعت سكرة زي الاول والقصة تجنن يا دندون

    ردحذف
  31. هههههههههههههههههههههههههههههههههههههههههههههههههههههههههههههههه
    يا دودو يا جاااااااااااااااااااااااااامده
    الحلقة فوق الفظيعة بجد
    وطارق دا جاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااامد اخر حاجه رغم انه غلس وبارد شويتين بس شكله هو الى هيجيب حق عالية

    ردحذف
  32. الصراحه انا كنت بتابع فى صمت بس القصه خلتنى بجد متشوووووقه ليها ولاحداثها

    ردحذف
  33. روووعة وحلووة اووي الحركة اللي عملها طه في الاخر
    عايزة اعرف حيصل اييه بعالية صعبانة عليا اوووي

    ردحذف
  34. ههههههههههههه طارق ده تحفة ايو كده بقى شويه فرحة كده قبل ما اتقهر :)

    hadil gasser

    ردحذف
  35. هههههههههههههههههههههههههههههه ايوة كدا بقي

    ردحذف
  36. ايمة كدة يا وديع

    ردحذف
  37. فرحت كانى انا الى نادانى طه ايه الهبل اللى احنا فيه و اللى عملتيه فينا يا دينا ههههههههههه

    ردحذف
  38. و الله ي استاذه دينا انا اول مره اعلق مع انه بتابع كل قضك و انا اول وحده بتدور على الحلقه بس بجد تحفه صعبانه علي عاليه اوي و بحط نفسي مكانها دايما و بحس بوجعها هو طه طلع ما عنده شخصيه و ضعيف بس البت مها دي شيطانه و اكيد هتخلف و ي رب تموت و عاليه تربي ابنها و طارق ده ي خوفي يتقرب لعاليه اصله باين عليه واطي و بيحتقر نرمين سوري طولت
    و شكرا مدام دينا

    ردحذف
  39. ميروحوووش بقيي خليهم كده شويه خلييها تفرح حبه
    اماا طارق ده شكله ورااه كارثه انا مش مرتحاله

    ردحذف
  40. هههههههههههههههههههههههههه وربنا انا الى هموت من الفرحه ههههههههههه بجد حلقه جامده جدا بس قصيره اووووووووووووى

    samar

    ردحذف
  41. thanks ya Dena 3ala al 7la2a al gmeela di bs yaret mtt2a5reeah 3leena kteer :)

    NahoOl .

    ردحذف
  42. جميله اووووووووووووووووووى

    ردحذف
  43. تحفه بجد واحلى حاجه. فى الحلقه موثه طه فى الاخر

    ردحذف
  44. ههههههههههههههههههههه واو تجنن الله بقى هوا دا الكلام

    ردحذف
  45. aywa ba2a kan feen da mn zaman :D

    ردحذف
  46. رووووووووووووووووووووووووووووعه جميله جدااااااااااااااااااااااااااا

    ردحذف
  47. ههههههههههههههههه حلوه نهايه الحلقة النهارده ياريت بس نهاية القصة تبقي حلوة وما نزعلش

    ردحذف
  48. تحفه الحلقه بس ياترى الحلقه الجايه امتااااا

    ردحذف
  49. راجل يا طه جامده يا دودو
    ايوا كده بقى خليه يطلقها ونخلص منها ويرجع لعاليه

    ردحذف
  50. ايوووووووووووووووووووون بقى كده يا طه يا ابو الطهطيه فرح البت شويه
    ده انا قلبى وجعنى وشبع وجع عليها
    يارب ياخدك يا مها انتى ونرمين وطارق الكلب ونخلص بقى
    نحفـــــــــــــــــــــــــــه يا دينا

    ردحذف
  51. حلوة اوي تسلم ايدك يا دينا

    ردحذف
  52. ايوووووووووووووووووووووووووووووة بقى يا طه يا جامد انت حبيبتى يا دينا فشى غلى بقى فى البت اللى اسمها مها دى جاتها داهية

    ردحذف
  53. والنعمة طه ده عسللللل

    ردحذف
  54. انا متبعالك مسلسلات كتيييير يا دينا و اعمالك بتعجبنى وبس دى اول مرة اعلق و مش اخر مرة ان شاء الله ... بس رجاء شخصى فرحينا فى مها و نرمين عشان عاليا صعبانة عليا بجد

    rEeM

    ردحذف
  55. والنعمة طه ده عسللللل

    ردحذف
  56. اخيرن يا طه ده انا كونت قربت اولع في نفسي من برودك

    ردحذف
  57. اوووووووووووووووووووووف اوووووووووووووووووووووووف اووووووووووووووووووووووف

    ردحذف
  58. اول مرة القصة تخلص وانا بضحك هههههههههههههههههههه

    ردحذف
  59. أيووووة بقي يا طه , هو ده الكلاااام :D
    جامده الحلقة يا ديناااا اوووى

    ردحذف
  60. هتموتني مفروووووووووووووسه حرام عليكي >.<

    بقيت بتقهر ع عاليه لما اقرأ القصه تاني قصه اقراها ليكي و توجعني اوي كدا الاولي كانت فوق احتمالي

    خلصيها بقي

    Esraa

    ردحذف
  61. الحلقة جميلة ! أنا كنت من الصامتين على فكرة بس بجد كان لازم أعلق :)
    بس مش عارفة ليه حاسة من كلمة طارق بتاعة لا فعلا مش شبهكم خالص ولا زيكوا انه شايف احترام عالية و عاجبه مش قصده بالطريقة الوحشة.

    ردحذف
  62. الحلقه تجنن و خاصتا اخرها يا دندونه بجد تهوووووووس

    انا من الصامتين بس الحلقه محتاجه كومنت بجد

    ردحذف
  63. thanks ya Dena 3ala al 7la2a al gmeela di bs yaret mtt2a5reeah 3leena kteer :)

    NahoOl .

    ردحذف
  64. ايوه بقي كدا انا فرحت اوي والله الحلقه تحفه يادينااااااااا كملي والنبي بقي تذلي في مها كمان وكمان

    ردحذف
  65. الحمد الله ان عالية فرحت و طه دا حس بيها بس طارق دا مش مريحني حاسة انو معجب بعالية و الموضوع هيكبر و كمان الحمد الله ان مها اتغاظت احسن

    ردحذف
  66. ايووووه بقى .. يا رب طه يفضل يغيظ في مها كده .. مستنييين الجديد على ناااااتتو متتأخريش

    ردحذف
  67. ♥دينا عماد♥12 يونيو 2013 في 2:01 م

    هههههههههههههههههههههههههههههه الله المشهد دا عسول اووووى وانا عماله اضحك واضحك اكتر على طريقة طارق :)

    ردحذف
  68. الحلقة جميلة جداااااااااااااا بليز الحلقة الجديدة فين انا متشوقة

    ردحذف
  69. انا كنت خلاص هبطل ائرا القصه دي تاني من كتر الظلم إلي عاليه بتشوفه بس الحمد لله اهي إبتدت تفرح شويه يارب تستمري عاي كده (بكره النكد بتعب نفسيا و بتأثر جدا حتي في حياتي الشخصيه) :)

    ردحذف
  70. انا حاسة ان طارق معجب بعالية مقدرا حب طه لكنه ساكت اوي ومتردد ومش عارف ياخد قرار بصراحة شايفاه ضعيف ازاي سايب ناس تتحكم فيه بالطريقة ديه ومها بتعرف تخليه يعمل الي هيا عايزاه وعشان كده هوا ضعيف في نظري عالية اقوى منه بكتير لانها بتتحدى كل حاجة حتى نفسها عشانه الفرق بينهم كبير اووووووووي

    ردحذف
  71. ياريت تجمعى كل قصصك فى كتاب
    او فى موقع كلها جميله بس صعبة شويه نلاقى القصص كلها

    ردحذف
  72. عايزة الحلقة 26

    ردحذف
  73. ايووووووووووووووووه بقاااااا الله عليكي دوندن

    ردحذف
  74. بالرغم من انى حاسه بحب طه لعاليه الا انى لسه حاسه بقهر وحزن عاليه وبجد لو فى شخصيه كدا فى الحقيقه يبقى يتعملها تمثال
    وربنا يستر من الزفت اللى اسمه طاارق دا

    ردحذف
  75. المهم مين يلي في القلب عاليا متربعة في العرش

    ردحذف
  76. هههههههههههههههه طارق ده استاذ كبيييييييير

    ردحذف

قول رأيك بلاش تقرا وتقفل من سكات...ارائكم تهمنى