الجمعة، 21 يونيو 2013

هل يشفع الحب؟... الحلقة 30 والأخيرة

الحلقة 30 والأخيرة
مها الصبح قاعدة ومعاها نرجس...الاتنين بيعيطوا
رن موبايل نرجس...ردت بلهفة
"ايوه ياعالية...عرفتى حاجة؟"
"لا ...انا كنت عايزة اطمن بس...طه بخير؟؟"
نرجس تعيط
"معرفش... لما روحت بالليل لقيت العربية مركونة تحت البيت وسألت نرمين قالت مجاش ولسه راجعة من الشغل عنده كنت بسأل عليه قالوا مجاش"
عالية بتسأل ودموعها نازلة
"يعنى ايه؟؟ حصل له ايه؟"
"معرفش...معرفش حاجة وعمرها ماحصلت انه يختفى كده ومحدش يعرف"
مها بتعيط وبتقول لنرجس
"حلفيها انها متعرفش؟؟؟ لو هى عارفة مكانه تقول بس ميكونش حصله حاجة"
سمعتها عالية...ردت قبل ما نرجس تسألها
"والله ما اعرف مكانه ولا شفته من اخر مرة كنت فيها ف البيت"
نرجس"يا حبيبى يا بنى...يكون عمل ف نفسه حاجة... انتوا الاتنين السبب ...لو عمل ف نفسه حاجة يبقى بسببكم كل واحدة فيكم مفكرتش الا ف نفسها بس وهو مبقاش عارف يرضى مين...منكم لله"
مها بتعيط...وعالية بترد على نرجس
"لا طه اكيد ميغضبش ربنا ويأذى نفسه...انا خايفة يكون حصل له حاجة ومحدش عارف"
نرجس برعب
"قصدك ايه؟؟ هنتصرف ازاى...انا تفكيرى اتشل خلاص"
عالية"انا هروح ادور عليه... يارب يكون بخير"
نرجس"طيب انا جاية معاكى... انتى فين"
عالية"انا ف الشغل دلوقتى...بشتغل ف مدرسة مصر التجريبية ...هستأذن واكلمك اقولك نتقابل فين"
نرجس"طيب...ربنا يطمنا يارب"
قفلت نرجس مع عالية...وقامت
مها"هتعملوا ايه"
نرجس"هنروح ندور عليه"
مها"وهتسيبينى لوحدى كده محتاسة بالعيال وقلقانة"
نرجس"اتصلى بمامتك تيجى تقعد معاكى"
مها بصوت واطى
"اتصلت بيها بالليل تيجى تبات معايا قالت مش هينفع تيجى وتسيب بيتها"
نرجس بعد لحظات تفكير
"قومى لبسى العيال وتعالى اقعدى معانا لحد مانطمن"
                      *********************

عالية ونرجس بيدوروا ف المستشفيات وبعد ما سألو عند فاتن ... بلغوا باختفاء طه
وبعد ما خلصوا واقفين مستنيين تاكسى
"انتى قاعدة فين من ساعة ما مشيتى"
"عند هدير"
"وايه حكاية الشغل ده...من امتى؟"
"من شهرين...كان لازم ابتدى افكر ف حياتى هتمشى ازاى بعد الطلاق"
"طه كانت نفسيته تعبانة اوى من بعد ما مشيتى...كان بيقول مش هيطلقك ابدا...ياحبيبى يابنى اتاريه بيقاسى ومحدش حاسس بيه"
دمعت عالية وقلبها موجوع على طه
"ربنا يرجعهولنا بالسلامة"
                         *******************

مها قاعدة ماسكة احمد ونرمين ماسكة اروى
"عملتى فيه ايه يامها خليتيه يطفش"
"هعمل ايه يانرمين انتى اتجننتى"
"ايه اللى يخليه يسيبنا كلنا كده ويختفى الا اذا كانت حصلت حاجة كبيرة"
"كبيرة ايه...مفيش حاجة كبيرة...مشاكلنا هى هى من اول ما اتجوزنا كلها عن الزفتة اللى مش قادر ولا راضى ينساها"
"اهى الزفتة دى اللى كنا بنتريق عليها حظها احسن مننا احنا الاتنين"
"ازاى يا فالحة"
"انتى جوزك طفش وسابك وطول الوقت عارفة انه بيحبها اكتر منك...وانا خطيبى اللى بحبه سابنى ومن ساعتها لاعارفة احب ولا حد حاول يتقرب منى اصلا"
"اسكتى يانرمين بلا جواز بلا خيبة...عاجبك حالى...اتجوزت وانا فاكرة انى هفرح واعيش مبسوطة واخلف واعوض احساس الاسرة اللى اتحرمت منه...كنت فاكرة هقدر اخليه ينساها...انما كنت بحلم...انتى متعرفيش يعنى ايه جوزك يكون بيحب غيرك وانتى عارفة وهو مش بينكر...حتى لما بعدت هو مش بينساها ويبدأ يبين كرهه ليكى"
"ارحم م الوحدة والفراغ اللى انا فيهم...كل اللى حواليا اتجوزوا... انتى اتجوزتى واتغيرتى معايا... بعد ما اتجوزتى اخويا كنت فاكراكى هتبقى اقرب لى م الاول بعدتى اكتر... البت المفعوصة بنت فاتن اتجوزت جوازة حلوة...كل اصحابنا اتجوزوا... مفيش غيرى اللى قاعدة زى ما انا"
"حسدوا الاعمى على وسع عينه"
"حسد... انا هحسدك؟؟... انا مش عارفة كان طه مستحمل طولة لسانك دى ازاى"
"لمى نفسك يانرمين وسيبينى ف مصيبتى...طه مش عارفة حصل له ايه وسابنى بعيلين وانتى تقولى اتجوزت واتغيرت وكلام خايب كده...ده انتى بقيتى لا تطاقى"
"دلوقتى لا اطاق... انما الاول كنت حلوة...خلصت حاجتى من عند جارتى خلاص"
اتفتح الباب ودخلت نرجس وهى بتزعق لهم
"ايه ده فى ايه؟.. صوتكوا واصل للشارع"
مها"طمننينى الاول فيه جديد؟"
نرمين"لقيتوه؟؟"
نرجس وهى بتقعد
"ولا فيه جديد ولا لقيناه"
وبصت لاحمد واروى وعينيها دمعت
                      ********************

عالية بتعيط بالليل ف الاوضة...تدخل لها هدير
"لسه بتعيطى ياعالية...انا افتكرتك نمتى"
"هتجنن ياهدير... هموت واطمن عليه... الايام بتعدى ومفيش لا حس ولا خبر ولا عارفة اذا كان عايش ولا بعد الضر حصل له حاجة"
"ربنا يستر...للدرجة دى لسه بتحبيه"
"ايوه بحبه...بحبه اوى ونفسى يرجع... حتى لو مش هشوفه خالص بس اعرف انه رجع وكويس هرتاح...انما وانا مش عارفة حصل ايه كده حاسة انى هموت روحى بتتسحب منى وقلقانة"
"متخافيش...بدل مفيش اى خبر وحش يبقى متخافيش...يمكن بيأديهم شوية وهيرجع"
"يارب...ان شاءالله يكون كويس ويرجع باللسلامة"
"عالية... انتى خلاص نهيتى مع طارق"
"طبعاااا... انا اتأكدت انى بحب طه ومش ممكن هقدر ابقى مع راجل غيره... ممكن افضل لوحدى انما مبقاش مع غيره ابدا"
                    *********************

ام مهاعندها ف بيت نرجس
احمد واروى قاعدين بيلعبوا على الارض...بتبص عليهم وبتسألها
"كبروا ماشاءالله... نينتهم مش هتعملهم عيد ميلاد؟"
"عيد؟؟ نحتفل ازاى وابوهم منعرفلوش طريق"
"وانتى هتفضلى قاعدة كده... بقاله 4 شهور لا حس ولا خبر وانتى ساكتة"
"ف ايدى ايه اعمله"
"اطلبى الطلاق طبعا...انتى لسه صغيرة والف مين يتمناكى"
بصت لها مها باستغراب
"اتطلق؟؟!! سهل طبعا انى اتطلق بس ولادى اجيبهم واقعد عندك...هتصرفى عليا وعليهم؟؟"
"تعالى اه وسيبيهم اهل ابوهم اولى بيهم"
بصت لهم مها
"اسيبهم؟؟ عايزانى اسيبهم وهما ف السن ده ويبقوا من غير ام ولا اب...عايزاهم يتربوا زيي صح... يكبروا وعمرهم ما حسوا بأمان البيت والاسرة"
مامتها ساكتة مش بترد عليها...كملت مها بحزم
"انا قاعدة هنا لما اشوف جوزى حصل له ايه؟"
"اش اش يا جوزك... من امتى يا بت... انتى اتجوزتيه علشان مبسوط وهيعيشك عيشة كويسة ويهنيكى... كل ده طلع ع الفاضى لا قاعدة ف شقتك ولا جوزك معاكى يبقى متمسكة بيه على ايه"
"انا قاعدة هنا علشان مش هقدر اقعد بالعيال لوحدى...لا هعرف اراعيهم لوحدى ولا اصرف عليهم..والشقة موجودة ومقفولة هتفيدنى بأيه وجوزى مش معايا"
"وضرتك؟"
"مالها؟"
"مش خايفة تاخد منك الشقة؟"
ضحكت مها بسخرية
"دى طلعت غير ما كنت فاكرة خالص... هى سابت لى كل حاجة...الشقة وطه وهنا... وكل اللى هى سابته انا مش قادرة اتهنى بيه... ياريتها كانت اخدت الشقة وقاسمتنى ف طه بس فضل بيننا مش سابنا احنا الاتنين"
قامت الام وهى ماشية
"طيب...انا ماشية مش عايزة حاجة؟
"لا شكرا"
راحت وصلتها ع الباب ورجعت لقت نرمين قدامها
"مها"
"نعم"
"هقولك حاجة بس مش قصدى حاجة وحشة والله"
"قولى"
"امك واطية اوى"
لسه مها هترد عليها... لقت نفسها بتضحك
نرمين"طب وحياة امك لنعملهم عيد ميلاد بالعند فيها... غاظتنى اوى"
"بس بقى يانرمين ...دى امى برضه"
"بس قوليلى انتى طلعتى بتحبى طه اوى كده"
مها بانكسار"مش جوزى وابو ولادى...لما هتخلفى هتعرفى ان جوزك قبل ما يبقى ابو ولادك حاجة ولما يبقى ابو ولادك حاجة تانية خالص"
نرمين بانكسار"اتجوز!! انا قربت افقد الامل خلاص"
                         ********************

عالية ف المطبخ عند هدير... سمعت صوت الموبايل ف الاوضة
راحت ترد...بصت ع الرقم...رقم غريب...ردت
"الو"
وسمعت صوت طه
"وحشتينى ياعالية"
صرخت وهى مش مصدقة
"طه.... حبيبى انت فين؟ كده تعمل فينا كده؟؟ انت كويس؟؟؟ انت وحشتنى اوى"
"انتى وحشتينى اوى يا حبيبتى... عاملة ايه طمنينى عليكى... بتشوفى ماما واحمد واروى ونرمين"
"ايوه يا طه...بشوفهم وكلهم كويسين... كلنا هنتجنن عليك انت فين طمنى"
"اطمنى... اسمعى الكلام اللى هقولهولك ده...افهميه ونفذيه بالحرف الواحد"
"خير؟؟"
                         *******************

عالية ماشية ف مطار الكويت بعد ما وصلت
بتدور بعينيها على طه... اول ما شافها جرى عليها وجريت عليه
حضنوا بعض بكل شوق وحب وحنين
"وحشتينى اوى يا حبيبتى... اوى"
"حبيبى انا مش مصدقة انى شفتك تانى"
كانت بتعيط من فرحتها...حست ان الناس منتبهه لهم
"طه الناس بتتفرج علينا"
بص طه حواليه كان فيه ناس بتبتسم وناس مكسوفة
"احم...ايه الاحراج ده...اعمل ايه نسيتينى الدنيا"
"فهمنى بس انت بتعمل ايه هنا وجيت امتى"
"انتى قلتى لحد انك جاية؟"
"لا هدير وابلة فاتن بس زى ما قلتلى...بس حرام يا طه كلهم هيتجننوا عليك مامتك ومها ونرمين"
"متجيبليش سيرتها يا عالية"
"حرام يا طه...دى اتكسرت خالص والله وبقت واحدة تانية"
"مش مصدق ...يالا بينا بس ونكمل كلامنا ف البيت"
                          *******************

طه بيفتح باب شقة...وبيسبق عالية
"اتفضلى...بيتنا اللى بعيد عن الناس كلها"
دخلت عالية... وهى بتبص حواليها
"سيبك من البيت اى حتة معاك تبقى جنة بالنسبة لى...احكيلى انت اختفيت فين كل ده وازاى قدرت تبعد عننا كده وبالطريقة دى"
دخلوا وقعدوا...وبدأ يحكى لها
"لما حسيت انك فعلا مش عايزانى ومش راضية تردى عليا وف نفس الوقت مها بتضغط عليا بولادى كرهت الدنيا وعيشتى وكنت بتمنى الموت كل لحظة... قابلت واحد صاحبى بيشتغل ف مكتب سفريات ولقيت انه عنده عقود عمل مضمونة هنا ف الكويت... مشيت ف الحكاية دى واستلفت فلوس ودفعتله حق العقد واخدت اجازة بدون مرتب ومقلتش لحد خالص وجيت... جيت وانا مقرر انى هجيبك نعيش هنا بعيد عن كل حاجة فرقتنا"
"وولادك يا طه؟؟ هانوا عليك تبعد عنهم"
رد بوجع" اه... علشان اتعود لما اطلق مها على بعدهم عنى"
"تطلقها؟؟"
"ايوه؟"
"لا ياطه... المرة دى لأ"
"لأ ليه"
"علشان ولادك مالهمش ذنب ف حاجة خالص"
"انا عايزك انتى بس... انا سألت هنا على دكتور كويس وكنت مستنى لما تيجى واحجزلك عنده... انا عايز عيال منك انتى يا عالية... ولو مجوش يكفى راحتى معاكى"
"بس عيالك اللى جم فعلا دول متاخدهمش بذنب امهم"
"اعمل ايه؟؟"
"اول حاجة لازم تطمنهم عليك... وبعد كده نبقى نشوف الحياة بيننا كلنا هتمشى ازاى"
                        *******************

مها فى اوضة عالية ف بيت نرجس
ولادها جنبها نايمين وهى بتعيط
تدخل عليها نرجس...تبص لها وتقعد قصادها على طرف السرير
تطبطب عليها
"الحمدلله اننا اتطمنا عليه"
مها بتعيط بحرقة
"مش عايزة اضايقك زيادة بس انا قبل جوازك بيوم قلت لك اى مقارنة معاها هيختارها هى... انتى مسمعتيش الكلام وعاندتى وخيرتيه وقارنتى...وصلتيه انه سابنا كلنا واخدها هى بس معاه"
"هو غلط انى اكون عايزة جوزى ليا لوحدى"
"محدش كذب عليكى... انتى اتجوزتيه وكنتى عارفة كل حاجة"
"انتى مش حاسة بالنار اللى جوايا... انا قاعدة هنا وهى معاه هناك"
"يا مها...هى كمان كانت بتبقى هنا وهو معاكى وكنتى مانعاه يجيلها"
"قصدك انى بشرب من نفس الكاس... شمتانة فيا"
"لا اله الا الله...هشمت فيكى ليه بس ده انا شايلاكى انتى والعيال ف عينيا"
مها بتعيط بحرقة... طبطبت عليها نرجس تانى
"هو قالك ايه عامل فيكى كده؟"
"قالى انى لو عايزة اتطلق هيطلقنى... ولو مش عايزة هخلينى هنا وهى هتبقى معاه هناك وهينزل اجازة كل سنة شهرين"
"انتى عايزة تطلقى؟"
ردت مها وهى بتعيط "لأ مش عايزة"
"خلاص امسحى دموعك واحمدى ربنا انه بخير... ومهما غاب مسيره يرجع ان شاءالله"
                      ********************

عالية وطه قاعدين ف عيادة دكتور
الاتنين متوترين والدكتور بيبص ف الورق اللى قدامه
الدكتور"التحاليل متمنعش اننا نجرب العملية تانى"
عالية بقلق"هى ممكن تفشل تانى؟"
الدكتور"وممكن تنجح...خليكى متفائلة"
طه"يعنى يادكتور اى نسبة اكتر...النجاح ولا الفشل"
الدكتور"والله مفيش حاجة تبين انها ممكن تفشل ومع ذلك دى حاجة منقدرش نجزم بيها...لو موافقين نعمل العملية وربنا ييسر ان شاءالله"
طه وهو بيبص لعالية
"نعمل العملية ونتوكل على الله"
                     **********************

عالية على السرير.. وجنبها طه... عالية بتتكلم ف التليفون
"الحمدلله يا ابلة... طه شايلنى ف عينيه والله وخصوصا بعد العملية... اه تعبانة شوية بس مبتحركش من السرير الا بسيط... ميار عاملة ايه هتولد امتى؟؟ لا هى هتسبقنى ان شاءالله... ابلة عايزة اقولك على حاجة... قولى لطه انزل اولد ف مصر... هو مش عايز ينزل اول اجازة علشان زعلان منهم... اهو معاكى"
ناولت طه التليفون
"ايوه يافاتن ازيك... الحمدلله كويسين... ماتولد هنا وخلاص... اه بكلمهم كلهم بس مش عايز انزل علشان عارف انى هرجع للمشاكل تانى... ربنا يسهل هبقى اعرفك طبعا...مع السلامة"

بعد ماقفل سألته عالية
"اقنعتك ولا لسه؟"
"الحكاية مش اقتناع...انا ما صدقت بعدنا عن المشاكل"
"حرام ياطه... مامتك واختك نفسهم يشوفوك..وولادك كبروا من غير ما يعرفوك... ومها برضه ليها حق عليك"
"يا سبحان الله...ده انتى المفروض تخلصى حقك منها"
"يعنى اساعدك ع الظلم؟؟ انا بحبك ومش عايزاك تظلم خالص ياطه... ننزل اجازة اولد هناك ونقعد كلنا مع بعض نحدد نظام حياتنا باللى يرضينا كلنا"
                          ********************

طه وعالية خارجين من المطار...عالية بطنها كبيرة
نرجس ونرمين ومها مستنيينهم...وماسكين احمد واروى ف ايديهم
اول ما شافوهم جريت نرجس على طه وحضنته وهى بتعيط
نرمين سلمت عليه وحضنته... شاف ولاده
نرجس قالت لهم "سلموا على بابا"
حضنهم طه وهما ساكتين لانهم مش عارفينه
مها واقفة مكانها....قربت منه على استحياء تسلم عليه
سلم عليها ... عيطت... حضنها وهو بيطبطب عليها
                    **********************

فى بيت نرجس...قاعدين كلهم
طه اخد ولاده على حجره
مها ونرمين بيحضروا السفرة
طه نادى على مها...راحت له
طه"اقعدى يامها... عاملة ايه؟"
مها"الحمدلله...حمدالله على سلامتكم"
طه"الله يسلمك... جهزى هدومك وهدوم احمد واروى علشان هنروح النهاردة"
بصت له مها وبصت لعالية...حست انها مش فاهمة حاجة
طه"حاليا ... ف الاجازة هنقعد ف بيتنا وعالية هتقعد هنا عند ماما ...عالية هتسافر معايا ولو حابة تسافرى معانا ماشى وهتبقى كل واحدة فيكم ف شقة مش عايزة خليكى هنا والاجازة هبقى معاكى... لحد ما العقد بتاعى يخلص وهنستقر هنا وكل واحدة فيكم تقعد ف شقة بولادها"
مها"ولادها؟"
طه"اه...اصل عالية حامل ف 3 توائم...تقريبا انا تخصص توائم يا اما انتم متفقين عليا"
عالية"الحمدلله يا طه انا مكنتش طايلة ضفر عيل"
طه"الحمدلله...وان شاءالله الاخوات يتربوا وهما قريبين من بعض... هااا يا مها قلتى ايه؟؟ تسافرى معانا ولا تقعدى هنا لحد العقد ما يخلص"
مها بتردد"مش عارفة"
طه"طيب فكرى براحتك ولسه قدامنا وقت"
نرجس تنادى عليهم
"يالا ياولاد... الغدا جاهز"

                     النهاااااااااااااااااااااااااااية





هناك 136 تعليقًا:

  1. اووووووووووووووووووووووووووول كومنت فى الحلقه الاخيره هييييييييييييييييييييييييييييييييه يعنى تسلم ايدك يا دندون بس النهايه كانت المفروض تبقى غير كده بس تسلم ايدك يا جميييييييييل بحبك يا رضوا هع هع

    ردحذف
    الردود
    1. والله حرام النهايات رخمه جدا

      حذف
    2. ملاحظات علي القراءة :

      1 - اول آية نزلت علي سيدنا محمد صلي الله علية وسلم كانت تحث علي القراءة كذلك قال رسولنا الكريم :
      ( طلب العلم فريضة علي كل مسلم )
      صدق رسول الله صلي الله علية وسلم .

      2 - القراءة الصامتة في وجود بعض الأشخاص القريبين منك تكون مهمة لأنة لا يتضرر احد منها .

      3 - القراءة الجهرية مهمة مع الأشخاص المشتتين الذهن لأنها تساعدهم علي التركيز بشكل اكثر من القراءة الصامتة .

      اذهب لغة انجليزية من اجلك

      حذف
  2. روعه روعه بجد يا ديناااااااااااااااااااا تسلم ايدك بجد اكتر من رائعه

    ردحذف
  3. هههههههههههههههههههههه حلوة

    ردحذف
  4. تحففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففه يا دينااااااااااااااااااااااااااااااااااااااااااااااااااا بجد

    Eman Beais

    ردحذف
  5. نهاية مش حلوة لان عالية مثالية جداااااااااااااا مش حلوة يا دينا اول مرة لما يصيبك الاختيار

    ردحذف
    الردود
    1. انا مع الرأى ده مثالية عالية وتغير مها القصة مش زى مستوى كتباتك اللى متعودين عليها

      حذف
    2. أنا معكم و النهايه لم تكن موفقه كما بقيت القصص
      و لكن تسلم يدك يا استاذه دينا

      حذف
  6. كنت فاكراكى هتموتى عاليه :-D :-D بس الحمدلله الحلقة تمام تسلم ايدك :-D

    ردحذف
  7. بجد تحفه يادينا فرحتيني اوي وخليتي جسمي قشعر من النهايه رووووووووووووووووووووووووووعه بجد وتسلم ايدك

    ردحذف
  8. ههههههههههههههههه نهايه غير متوقعه بالمره بس احسن حاجه ان مها اتكسرت و عرفت ان الله حق

    ردحذف
  9. حلوة اوى

    ردحذف
  10. 7lwa aweeeeeeeeeeeeeeeeeeeeeeeeeeeeeeeee bgd tslm edk
    keep going y a7la dodo :):):):) mwaaaaaah

    ردحذف
  11. لا في حاجه لازم تكون موجوده في حاجه ناقصه يا دينا بقي هعيط

    ردحذف
  12. يااااااااااااااااااااااه اخرة صبرها خيرررررررررررر

    ردحذف
  13. نهايه جميله ومقنعه
    تسلم الايادي


    موجا

    ردحذف
  14. جميييييييييييييييله حلوة جدا والنهاية روعة وترضى الطرفين

    ردحذف
  15. يالهووووووووووى روعة يادينا
    فرحتينى قوى
    تسلمى

    ردحذف
  16. جااااااااااااااااااااااااااااااااااااامده موووووووووووووووووووووووووووووووووووووووووووووووووت جدااااااااااااااااااااااا

    ردحذف
  17. النهاية جاااااااااااااااااااااامدة

    ردحذف
  18. t7fa bgaad tslm edk w shabooh leey w l3alya kman tgnn bgad tstahlalnashr w tsta7l al tbgeel w alaa7tram al ksa al w7edaaly 5'ltney a2dr atab3 w a3ml comments 3andk hna bgaad tslm edk ya dena

    ردحذف
  19. اللللللللللللللللللللللللللللللللللللله بقي انتي عسسسسسسسسسسسسسسسل بامموووت فييييييكي ربنايخلييييييكي علي النهايه الجميييييييله دي انا باتنطط من الفرحه هييييييييييييييييييييييييييييه :))))))))))))))))))))))))))))))
    بجدربنايخليكي لينا ياعسسسسل انافرحانه اووي يااحلي دودوفي الدنيا
    الحممدللله يااارب بجددداناطاااايره من الفرحه علشان عاليه ..بحبك ياربناياعاادل كنت واثقه ان النهايه لااازم تكون كده لان ربناحنين اوي وعادل (ونحن أقرب اليه من حبل الوريد ) بحبببببببببببببببببببك ياارب وبحبك يادندوونه :)))

    ردحذف
    الردود
    1. انادموعي نزلت من الفرحه يادنيا مش هاممني عقااب لاي حد قدماانافرحت لعاااليه ياارب تفرح ااي واحده زيهافي الحقيقه وترضيها ياارب :* :)

      ^ومن يتق الله يجعل له مخرجا ويرزقه من حيث لايحتسب ^صدق الله العظيم
      علمتيني دروس كتيراوي في القصه دي عمري ماهانساهاطول عمري :)

      حذف
  20. تسلم ايدك يا دينا روووووووووعة بجد بس كنت متوقعة نهاية غير كده
    بس دي نهاية حلوة اووووووووي لعالية ربنا كرمها وفي 3 ما شاء
    وبينت انها اصيلة
    تسلم ايدك

    aya

    ردحذف
  21. انا متابعة قصصك كلها فى صمت تاااااااااام ,وطبعا تابعت وهل يشفع الحب؟ , انتى مبدعة فعلا فى تفاصيل قصصك وبتمتعينا , بس نهاية هل يشفع الحب من وجهة نظرى غير مقنعة , ازاى مها تتهد كده مرة واحدة واستهتارها بكل حاجة يختفى وتبقى تحت طوع طه وتفضل مستنياه وهى عارفة انه بيكرهها مش طبيعى التحول ده , وازاى طه ذات نفسه قدر يسيب عياله المدة دى كلها وهو روحه فيهم , ومعلش اقولك حاجة عالية دى مثالية زيادة عن اللزوم مفيش شخصية كده ابداااااااااا

    بس بردو تسلم ايدك ومستنية قصة (ليلة حمرا) =D
    وليا رجاء خاص عندك يا أ/ دينا نفسى تعملى قصة تكون نهايتها حزينة اعتبرينى نكدية شوية =D بس فعلا فى الواقع مش كل النهايات سعيدة

    ردحذف
    الردود
    1. اسمحيلي ارد عليكي
      اولا هي مها اتهدت عشان طه بعد عنها وهي معاها طفلين عايزه تربيهم ومفيش حد تتسند عليه حتي مماتها
      غير كده أنها كان نفسها أطفالها يحسوا بالأمان الي هي مكنتش حساه مع مامتها
      حتي لو عارفه انه بيكرهها هتعيش معاه عشان أطفالها وعشان هي تعتبر ملهاش حد تاني يقف جنبها ويساعدها في تربيه أولادها
      أما فكرة ان طه يسيب أولاده فده رد فعل طبيعي لانه أتحط تحت ضغط فكان لازم يأخذ موقف
      ويبعد عنهم لغاية مايو صل لقرار
      بس بصراحه فكره ان عالييييه مثاليه زياده عن اللزوم أوافق معك/ي تماماً عليها
      فشخصيتها مثاليه وتعتبر غير موجوده بمجتمعنا
      ولكن يمكن ده راجع لتربيتها في دار أيتام حيث لم تعرف الحب والحنان والعاطفة إلا مع طه فتمسكت بهم حتي ولو علي حساب كرامتها

      حذف
  22. نهاية دبلوماسيا أرضت كل الأطراف
    و بصراحه مكنش ينفع غير كده
    عشان ولا تبقي نكد ولا تبقي الحياه بمبي

    بس بجد بجد
    تسلم أيدك يا فنانه وأحلي مبدعه وكاتبه في الدنيا
    القصه تحفه وفي انتظار القصه الجديده
    ليله حمرا

    ويا رب دايماً تبهرينا بإبداعاتك وكتاباتك

    ردحذف
  23. ALAH 3ALEKY BEGAD GNAN TO7FA

    ردحذف
  24. انا استنيت اما القصه تخلص و اقول رأيى بس انتى المره دى ابدعتى ... مع ان ده شئ متوقع منك اصلا ... ربنا يوفقك القصة رائعه جدااااااا ... و فى انتظار ليله حمراااااااااا

    ردحذف
  25. حلوه ومش حلوه بنفس ذات الوقت :/

    ردحذف
  26. لا حلوه يادينا وواقعيه جدا طه عجبني اوي بصراحه منه حافظ علي عاليه وعوضها عن اللي فاتها ومنه ربي مها وخلاها اتعدلت هههههههه انا مبسوطه انه عمل فيها زي ماعملت في عاليه بالظبت
    ام طه عاجباني بغض النظر عن اللي عملته في فاتن رغم انها شديده الا انها عاقله جدا ومكانتش بتزعل عليا وبتعمل اي حاجه عشان طه
    حلوه النهايه واحلي حاجه فيها ان عاليه حامل
    şahsia enide

    ردحذف
  27. لا طبعا مش موافقة على النهاية دى

    ردحذف
  28. نهايه مش مقنعه ومش واقعيه ومش حلوه خاااااااااااااااااااااااااالص مفيش حد مثالى كدا ومها دى كبرت على انها حد حقير وهتفضل كدا طول عمرها وطه لازم يختار وعاليه ذى اى واحده عايزه حبيبها ليها نهايه مش حلوه فعلا

    ردحذف
  29. انا مش كنت عاوزة مها تفضل معاه عشان هى وحشة وبتاعة ولاد ازاى المحترمة والمش محترمة يتساوو :(

    ردحذف
    الردود
    1. بس مها فعلا اتغيرت وده بان من معاملتها

      حذف
  30. نهايه غبيه جداا سورى بس كل مؤلف ليه فلتات عادى بانتظار جديدك

    ردحذف
  31. ليييييييييييييييييييييييييييييه يعني فين عقاب مها ونيرمين و فين مكافأة عالية ؟؟

    ردحذف
    الردود
    1. عقاب مها أنها آتكسرت وعرفت انه مفيش غير طه هو الي هيقف جنبها ويربي معاها العيال ومامتها اتخلت عنها
      عقاب نرمين أنها ماتجوزتش لحد دلوقتي وان كل أصحابها اتجوزوا وهي حاسه بالوحدة وأنها اقل من أصحابها
      جاااااايزه عاليا ان ربنا رزقها وخلاها تبقي حامل مش في واحد ولا اتنين لا تلاته وده كان أملها في الحياة أنها تخلف من طه وتعوض إحساس العيلة الي افتقديتوا عشان كانت عايشه في ملجأ للأيتام

      حذف
  32. حلوة اوووووووى بس النهايه غريبه شويه

    ردحذف
  33. دايما بتبهرينا يادينا بجد دايما نهايات قصصك غير متوقعه ومنتهى اللباقه والروعه تسلمى ياقمر ومن الاجمل للأروع دايما

    ردحذف
  34. ويشـــــــــــــــفع الحب
    و يشفع الحب لطه في إهماله على لحبيبتة ما يحملة لها من حب وعشق
    يشفع له عندها فؤادة الذي اكتوى بنار الحب
    يشفع له عندها إنها تسكن بفؤادة وتعيش في عروقة وشراينة
    يشفع له مقلتة التى لا ترى غيرها
    يشفع له قلبة النابض بحبها ودقات قلبه التى تذكرها مع كل حين ولحظة أو همسة أو حركة

    ردحذف
  35. بعد عذاب 29 حلقه تتحل كدا

    ردحذف
  36. تحفه تحفه تحفه بجدددددددددددا مش ممكن لالالالا انا بحلم عاليه حامل و3 كمان ربنا يخليك يا دودو والله بدعيلك ههههههههههههههه

    ردحذف
  37. بجد بجد بجد تحفه اوى اوى اوى :D

    ردحذف
  38. بجد الحلقه حلوه اوووى بس فعلا انا تصورتها غير كده والنهايه خلصت بسرعه اووى

    ردحذف
  39. انا عجبني جدا ان عالية ربنا فرح قلبها وعوض صبرها خير ومن وسع كمان

    ردحذف
  40. تسلم ايديك على النهايه الجميلة كنت هزعل اوى لو نهايه مش ل صالح عاليه كده نهايه بعدل كل الاطرف متكاملة  

    ردحذف
  41. بجد نهايه اكثر من رائعه تسلم ايدك مستنين قصه جديده بالتوفيق

    ردحذف
  42. رووووووووووووووووعه

    ردحذف
  43. بصي هي حلووووووة وانا مبسوطة لعالية بس حاساها قافله قافله مش تمام يعني مقتنعتش ّّّ!! حاسه ان لسه ف باقي :D :D تلعي الباقي بقي يادينا ومتخبيهوش

    ردحذف
  44. بصراحة جميلة اووووووووووووووووووووووووووووووووووى والنهاية جميلة اوى بحب النهايات الحلوة دى والفكرة مختلفة خالص مجتش ف بال اى حد خالص
    بجد انتى مبدعة وربنا يوفقك يارب
    نهى

    ردحذف
  45. تحفة جداااااااااا بس معرفناش نرمين هتعمل ايه ؟

    ردحذف
  46. 3 توائم مرة واحدة
    العب

    ردحذف
  47. حلوووووووووووووة اووووووووي ا دندن :) :)

    ردحذف
  48. والله النهاية جميلة بس كنت عايزاه يخلص حق عالية منهم الاندال كلهم وهو اولهم :/ بس جميلة استمري في ابداعاتك

    ردحذف
  49. الله 3 توائم يا خراااااااااااااااااااااااااااشي هي دي اخرة الصبر بجد برافو عليكي يا ديناااااااااااااااا تحفة جدا واتبسطت اوي من النهاية :) بجد انتي رااااااااااااااااااائعة

    ردحذف
  50. تحفه بجد قصه تحفه يا دينا .... نهايه تجنن ايوااااااا بجد هو ده الصح
    والحمد لله مها اتعدلت وربنا كرم عاليه :) :)

    ردحذف
  51. رووووووووووووعه يا دينا عنجد... انا كتبت الكومنت ع الحلقة 29 قبل ما اعرف انه الاخيره نزلت ... الدنيا عندي صارت فجر بس بصراحه ما قدرت اترك القصه من لما بديت باول حلقة انشديت ما تركتا لخلصت الليله ... استمري عنجد اسلوبك بيسحرني ^_^

    ام البراء

    ردحذف
  52. احييك دودو على هذة القصة الرائعة بجد اطلعتنى على جزء من الحياة انا عمرى ما توقعت انى ساراه يوما ما وعشت فى هذة القصة وكانها واقع اشهده امامى اشكرك على ابداعك الرائع واحترامك لقرائك
    dentist aya

    ردحذف
  53. النهايه مش حلوه كان نفسى تبقى احلى من كدا

    ردحذف
  54. yaaaaaaaaaah el7 elkesa gamda a5er 7aga

    ردحذف
  55. ايه النهايه بنت الكلب ديه ؟

    ردحذف
  56. بصراحة النهاية مش عجبانى يادندن
    كان نقسى عالية تجوز طارق وطه يعرف انه غلط لما سمع كلام مامته وبقى انانى
    ونرمين تتغاظ ان طارق اتجوز عالية وتعرف انها غلط فى غلط وتفوق بقى
    وطه يتحمل نتيجة افعاله ويظبط حياته مع مها واولاده
    ونرجس تندم انها اتصرفت على افعالهاوانها تمشى على مزاجها كل ماتبص لطه وتلقى زعلان

    ردحذف
    الردود
    1. انا كمان كان نفسى فى النهايه دى

      حذف
    2. آلنهآية دى درآمآتيكية أكتر ... بتأكد نظرية آلثوآب وآلعقآب أيوهـ
      لكن نهآية " دينـآ " بتتسم بآلنظرة آلوآقعية ")
      آلحل آلوآقعى إللى ممكن يفتح سكة تصرف لنآس جآيز يمروآ بتجربة زى دى ( ربنآ مآ يكتبهآ لحد من آلقرآء آلأفآضل )

      نهآية آلإحتفآظ بآلحب وآلإلتزآم تجآهـ آلأبنآء :)

      حذف
  57. نهاية روووعة وواقعية جداااااااااااااااا

    ردحذف
  58. النهايه جنيييييييييييله ومتنفعش تبقى غير كده
    صحيح عاليه اتظلمت بس ربنا عوضها لما طه سفرها معاه عوضها كمان لما حملت ده غير ان هيحصل العدل ما بينهم الل كانت بتتمناه
    ومها عقابها كان لما طه سابها هى بولادها وسافر مع عاليه وده كان السبب الاساسى الل خلاها تتغير وتعرف ان الله حق
    بس نرمين هى الل منعرفلهاش حاجه دى O.o

    ردحذف
  59. من المفروض ان الحلقة نطول شوية مع عليا الانها كانت اكتر واحدة مطلومة فى المسلسل لحد ما تولد و حياتها تستقر هى و مها و يبقوا كويسين مع بعض و يكبرو ولادهم مع بعض

    ردحذف
  60. ♥دينا عماد♥21 يونيو 2013 في 1:02 م

    يااااااااااه على جمال الحلقه يا دينا مش مصدقه القفله بتاعتها دى ماحصلتش
    انا مش لاقيه كلام اوصف بيه جمال الحلقه والله مش ممكن يا دينا ماشاء الله عليكى انت مبدعه جدا تسلم ايدك

    ردحذف
  61. To7faaaaaaa awiiiii

    ردحذف
  62. تحفة .. تسلم دماغك xD

    ردحذف
  63. Begaad Tegnn tu7fa Gdddn ^___^

    ردحذف
  64. مرحبا يادينا يسلموا ايديك كتاباتك رائعة جدا وقريتها عدة مرات نهاياتك محبوكة تمام وبتكون افضل من اللي بنتوقعه او بنكون عايزينه احيانا بس فعلا واقعية وبستنى الجديد مع تحفظي عالعنوان يعني محسسنا انها مش محترمة تزعليش بس عن جد مش مناسب لمستواك الراقي في الكتابة وحابة اوجه كلمة للمعترضين عالنهاية ل هل يشفع الحب ان الاحداث واقعية جدا وهاد اللي تفتقر له معظم المسلسلات اللي بتبالغ وبتحكم العاطفة في ناس كتير ابسط من عالية في الواقع وناس اقوى من مها والظروق ادبتهم
    طه معذور في كل الللي عمله ما خضعش لاغراء مها ومحاولاتها انه ينسى عالية اما نرجس ما كرهتها لانها في امور كتيرة كانت عادلة وفي النهاية هي ام وهادمبرر قوي جدا لتصرفاتها

    ردحذف
  65. حلوه ومش حلوه بنفس ذات الوقت :/

    ردحذف
  66. القصة حلوة بس النهاية كانت المفروض تبقي حلوة كان نفسي مها تاخد بالجزمو علي دمغها و يطلقها و ياخد منها العيال و فرحانة في نرمين اوي انها عنست كان المفروض عالية تبقي الوحيدة في حياته

    ردحذف
  67. القصة جميلة جدا فوق الوصف والنهاية جميلة جدا ومش متوقعة وبقولك تانى مفيش كلام يوصفلك مدى روعة كتاباتك

    ردحذف
  68. المدونه رائعه اناخلصتهاكلهاوانا بدات اقري فيهاقريب معدتش بعرف انام الا لما اخلص قصه بجد المدونه جامده كل قصصك تحفه تسلم ايدك اسلوبك مشوق جدا ياريت تنزلي القصه الجديده بسرعه انا مستنيه علي ناااااااااااااااار

    ردحذف
  69. فظيعه فظيعه فظيعه بجد القصه فوووووووووووووق الروعه لرغم انك بهدلتينا اوى فيها بس بجد تسلم ايدك انتى هايله

    ردحذف
  70. سلم ايديكى يا دودو ما شاء الله

    ردحذف
  71. ده انا عيطت عياط يا جودعاااااان
    بس جامده اوى يا دندن

    ردحذف
  72. بجد حلوه اووووووووووووووووووووى والحمد لله ان ربنا جبر بخاطر عاليه لانى كنت هموت عليها بصراحه وعجبنى طه اوى فى كلامه مع مها واصلا احسن حاجه فى القصه عاليه بحبها ليه وانها محبتش تظلم مها زى ماظلمتها ....دمنتى مبدعه :)

    ردحذف
  73. النهاية حلوة بس كنت متوقعة ان انسانة مستهترة زي مها مكنتش تتمسك بطه اوي كده كانت النهاية هتكون واقعية اكتر لو هي حست بخنقة وهربت من تحمل المسئولية خصوصا ان ظروف طه المادية تعتبر عادية يعني كنت متوقعة انها هتهرب وتطلب الطلاق عشان تتجوز واحد غني وطبعا تسيب ولادها عشان متشيلش مسئوليتهم و عالية تربيهم ويشيوا حياة طبيعية بعد كده

    ردحذف
  74. جامده جدا وفرحت بالنهايه اوي
    بس فين القصه التانيه اتأخرت اوي

    ردحذف

  75. هومافيش قصص تانية ولا اية

    ردحذف
  76. شكرا جدا على موضيعك الجميله والمفيده

    ردحذف
  77. هو امتى هتنزل قصه جديده

    ردحذف
  78. جميله يا دندون ومستنين القصه الجديده كنتى بتقولى انها هتنزل قريب

    ردحذف
  79. اية دة يا دينا ازاى يعنى يرجع لمها وعالية ازاى موافقة على كدة انا دمى اتحرق عايزة اصرخ فيها واقولها تغور بقى كفاية اللى عالية شافتة بسببها ـــــــــــــــــ بس بصراحة القصة تحفة وانا مستنية الرواية الجديدة تسلم ايدك mayar mero

    ردحذف
  80. انا اتصدمت من النهايه بس بجد انا عيط كتير حلوه جدا

    ردحذف
  81. قصة روعة ونهآية أروع ....
    أكتر شئ عجبنى إنهآ غير تقليدية , ومع ^نهآ بتوجع بس رحيمة وعآدلة " خصوصاً بآلنسبة للأطفآل "

    أشكركـ جداً كآتبتنــآ آلجميلة :))

    ردحذف
  82. القصة تحفة !! بس النهاية مش حلوة ليه يا دينا ؟:/

    ردحذف
  83. جميييييييييييل ... اول مرة اقراء ليكي وكابتك اكثر من روعة

    ردحذف
  84. جامده جدا

    ردحذف
  85. جميله جدا بس حاسه ان القصه ناقصها حاجه او كنتي المفروض تطلقي مها انا كان نفسي عاليه تبقي هي بس اللي علي زمته :( :(

    ردحذف
  86. القصة تحفةةةةةةةةةةةةةةةةةةةةةةةةةةةةةةةةةةة جداااااااااااااااااااااااااااااااااااا جداااااااااااااااااااااااااااا يا دينا عجبتنى خاااااااااااااااااااااااااااااااااااااالص

    ردحذف
  87. جامده كالعاده كل قصصك يا دينا
    هند

    ردحذف
  88. جامدة جدااااا بس النهاية وحشة كان نفسى يطلق مها وعليا تخلف وهى اللى تبقى على ذمته

    ردحذف
  89. رو9و9و9و9وعه
    http://brmgny4okrn.blogspot.com/

    ردحذف
  90. بعتررف يا ديناا ان القصه تحقه اوي و ملهاش حل و واقعيه الي حد ما بجد الله عليكي :D استمري

    ردحذف
  91. http://www.gamzary.com/game/86/%D9%84%D8%B9%D8%A8%D8%A9_%D9%85%D9%86_%D8%B3%D9%8A%D8%B1%D8%A8%D8%AD_%D8%A7%D9%84%D9%85%D9%84%D9%8A%D9%88%D9%86.html

    ردحذف
  92. يا الهى جميله جمال ما يتوصفش تسم ايدك مليون مرة

    ردحذف
  93. جميلة اوى يا دينا بس كان نفسى مها تتعاقب عقاب عادل هى ونرمين مش تاخد حقها زيها زى عالية المظلومة طول الرواية بس القصة كلها تحفة واكتر قصة بحبها ليكى يا دندونة

    ردحذف
  94. جميله اوووووووى يا استاذه/دينا بس فى حاجه زى ماحضرتك دخلتينا فى جو الحزن اللى عاليه فيه كان لازم فى نهايه الروايه تدخلينا فى الفرحه يعنى انا بالرغم من ان عاليه ممكن تكون اخدت حقها او ربنا نصفها بس برده لسه الحزن مسيطر علينا مش عارفه دا عيب فيا انا بقا ولا ايه

    ايات

    ردحذف
  95. http://alllordyousef.blogspot.com/ نورني هنا علي مدونة احلام المصراويه

    ردحذف
  96. قصة توجع القلب بجد
    بس جميلة مقدرتش مخلصهاش كلها
    تسلم ﺍﻻﻳﺎﺩﻱ

    ردحذف
  97. بجد حرأم أنأ بقألي يومين بقرأ ألقصه ونفسيتي مدمره بسبب عأليه مع أن ألقصه خلصت ونهأيتهأ حلوه بس سأبت أثر فيأ وبجد أنأ موجوعه أوي
    وطه ده كأن كويس فﻻول بس كرهته لمأ أجوز مهأ ألحربأيه دي
    بس أﻻحسأس أللي عأليه حأسيته ربنأ مأيوريه ﻻي بنت ويرزقنأ جميعأ بلزوج ألصألح وألذريه ألصألحه
    وربنا عوض صبرعأليه خير ومهأ نهأيتهأ حلوه
    بجد مكنتش متوقعه نهأيه حلوه كده
    متألقه كعأدتك يأدودو
    تسلم أيديكي
    أحبك فلله♥♥♥♥♥♥♥♥♥♥♥
    حور

    ردحذف
  98. بجد انا مش عارفة اقولك ايه
    انا بغلط انى مش بحضر المناديل جنبى علشان العياط والتأثر اللى بتأثر بيه ف حكاياتك الرومانسية
    بجد تسلم ايدك
    وربنا يكرمك
    <3
    " إسراء "

    ردحذف
  99. حسبي الله ونعم الووكيل :D

    ردحذف
  100. حلوة بس نهايتها مش زي مانا كنت حاسة ومتوقعة !!
    بس جمييلة بالتوفيق :) :)

    ردحذف
  101. القصة حلوة بس النهايه مش حلوه وفي القصة عاليه اتظلمت اوي ومها مشكويسه وهي خلفت قبلها المفروض كانت عاليه هي اللي تخلف الاول

    ردحذف
  102. انا القصه دي اثرة فيا جامد وخصوصا اني لسه ربنا مكرمنيش بالاطفال وانا بحب جوزي وهوه كمان وخايفه يتجوز عليا علشان كده انا حاسه بظلم عاليه وياريت هوه كان طلق مها علشان هي مش كويسه وهوه كان نفسه يخلف من عاليه وخلف وعاليه دي مياثليه قوي المفروض تاخد بطارها من مها مش تقوله ارجعيله بس القصة جميله بس النهايه مش حلوه علشان مطلقش مها
    ومعرفناش هتغور مها معاه ولا لا والمفروض لما يرجع يخلي عاليه في شقتها وتتسدح مها عند امه ياكل امه

    ردحذف
  103. قصة رائعه جدا تسلم ايدك

    ردحذف
  104. دينا بجد قصتك جميله ومن القصص اللى انا حبتها وتابعتها للنهايه بس انا من بفضل النهايه كانت تكون احسن من كداا بكتييير وانا اول مرة اكتبلك كومنت بس حبيت اقولك رأيى وذى ما القصه بتكون فى نص الحلقات شديده انا عايزاها اشد فى النهايه لان نهايتها معجبتنيش ذى القصص التانيه ولقيت ناس كتييير رأيهم ذى رأيى بس انا بحيييكى جدااا على مجهودك اللى بتعملى وابدااااعك الجمييل

    ألاء

    ردحذف
  105. بس 3 توائم دي اوفر شوية
    كانوا اتنيين كفايه وتعادل بس النهاية حلوة رغم اني قعدت لنص الحلقة مش فاهم حاجة

    ردحذف
  106. جاااااااااااااااااااااامدة

    ردحذف
  107. رووووووووووووووووووووووووووووووووووووووعه بس انا عيطت كتييييييييييييييييييييييييييرجدا وعاليه دى شخصيه جميييييييييييييييييييييييييييييييييييييييييييله جدا
    اما الحب الصادق بين طه وعاليه جميل لأبعد الحدود

    ردحذف
  108. القصه حلوه جدا وعايزه اقول ان رغم ان مها تعاملها مه الناس غبى بس هى ضحيه اهلها والدليل انها كان ممكن تتطلب الطلاق وتسيب العيال وتتجوز بس هى خافت ليطلعوا زيها انا كان نفسى تطولى النهايه شويه

    ردحذف
  109. تجنن رهيبة برافوووو عليكي

    ردحذف
  110. دينا معلش يعني قصصك كلهت بتبقا رائعه وتيجي النهايات دايما وحشه فياريت تهتمي بالنهايات اكتر لاننا كلنا بنتابع وبنبقا متشوقين نغرف النعايه وفي الاخر كل مره بتطلع كدا ومش مناسبه ولا منطقيه يعني ما هو كدا اصلا متغيرش حاجه والقصص التانين كمان صحيح مش كلهم بس اغلبهم نهاياتهم وحشه وبتضيع حبنا للقصه :( متزعليش مني دا مجرد راي انتي كاتبه رائعه وربنا يباركلك ويخافظ علي موهبتك :* ^_^

    ردحذف
  111. بجد رهيبة وعالية ازاى فى حد كده مش معقول

    ردحذف
  112. عارفة يا دينا انت قهرتينى انا حاسة بعالية اوى يمكن لانى زيها وخايفة من لجظة ان زوجى يقولى اتجوز غيرك ربنا ما يكتبها عليا ولا على غيرى

    ردحذف
  113. بجد جميلة جدا انا خلصتها كلها في يوم

    ردحذف
  114. انت بتصدمينا بالنهايات غير توقعتتا ومش بيجيني نوم الا لما اطمن ع ابطالك يعني ع الصبح بنام يوميا

    ردحذف
  115. ملاحظه ان معظم الردود صباحا واعتقد ان ده دليل انها كانت سهره صباحي زي مابعمل بالنسبه للنهاية واقعية ومنطقية

    ردحذف
  116. ملاحظه ان معظم الردود صباحا واعتقد ان ده دليل انها كانت سهره صباحي زي مابعمل بالنسبه للنهاية واقعية ومنطقية

    ردحذف
  117. روووووووعه روووووووعه برافو عليكي �� ��

    ردحذف

قول رأيك بلاش تقرا وتقفل من سكات...ارائكم تهمنى