الثلاثاء، 3 سبتمبر 2013

ليلة حمرا... الحلقة 1

الحلقة 1
 دخل وليد مكتب محاماة
وقف لحظات امام مكتب السكرتيرة الخالى
تجاهل المكتب... واتجه لمكتب زياد
وجد باب المكتب مغلق وسمع اصوات مختلفة منها صوت زياد
فهم ان بصحبته موكلين ...رجع مرة اخرى لحجرة الانتظار

جلس على مكتب السكرتيرة
فتح الدرج... امسك سماعات موبايل كانت بداخله
قلبها بين يديه وهو بيبتسم

سمع صوت باب المكتب يُفتح
وزياد يخرج ومعه موكلينه ...اوصلهم حتى الباب الخارجى متجاهلا وجود وليد

بعد خروجهم عاد لوليد وجلس امامه
"ايه الاخبار"
"مفيش جديد...معندكش انت اخبار"
"لا معنديش... اتصلت بباباها امبارح وقلتله خليها ترجع الشغل وان الشغل مالوش دعوة رفض"
"انا مش عارف ابوها ده ايه... واحد داخل له من الباب يرفض ليه"
صمت زياد استياءا من الموقف ككل...واردف قائلا
"بص يا وليد... انا مش عارف هو بيفكر ازاى .. ومش مقتنع بسبب الرفض بس ارجع واقولك حاول تكلمه تانى"
"انا كلمته مرة واتنين...مصمم ان علشان قلتله بحب هاجر يبقى كان فيه بيننا حاجة ومشينا مع بعض وهو مش ممكن يوافق على كده...غبى"
لحظات صمت ثقيلة قطعها وقوف وليد
"روح يا زياد شوف شغلك وهروح اقعد عند هانى شوية وابقى تعالى لما تخلص"
قام زياد وربت على كتفيه قبل ان يغادر
"متقلقش يا وليد...انا هروح لباباها بكرة البيت واحاول معاه تانى وربنا يقدم اللى فيه الخير"
                         *********************

فى غرفة هاجر
هاجر تبكى والغرفة مظلمة
يُفتح باب غرفتها...تدخل والدتها
"هاجر... انتى صاحية؟"
تضئ نور الغرفة...ترى دموع هاجر التى لم تجف
"انتى لسه بتعيطى"
تكمل هاجر بكائها ولا ترد...تستطرد والدتها
"وبعدين معاكى... مكنش عريس واترفض"
"مش اى عريس يا ماما... ده الوحيد اللى حبيته"
"اهو حبيتيه دى اللى خلت ابوكى يعاند ويرفضه"
"ياستى والله كل شكوك بابا دى غلط... مفيش بيننا اى حاجة اكتر من الحب وبعدين اهو جه واتقدم يبقى فين المشكلة"
"اهو تفكير ابوكى اعمل ايه"
"كلميه علشان خاطرى"
"كلمته يا بنتى والله انا يعنى عايزة ايه م الدنيا غير انى افرح بيكى"
"كلميه تانى..وتالت...قوليله لو موافقش على وليد مش هتجوز حد تانى"
"اه اقوله كده علشان يشك فيكى اكتر واكتر"
تصرخ هاجر
"اعمل ايه ياربى...هموت ومحدش حاسس بيا"
تتأثر والدتها لحالتها وهى تبكى...وفى نفس الوقت تخشى ان يسمع زوجها
"بس ياهاجر...بس يابنتى ابوكى يسمعك ويعكنن علينا زيادة"
"يعكنن ايه اكتر من كده... الشغل ومنعنى اروحه... اللى بحبه ورفض انه يخطبنى... فيه ايه اكتر من كده"
"طب قومى كلى لقمة هتقعى من طولك من قلة الاكل"
"اكل ايه ياماما...ما اقع ولا اروح ف داهية"
"تفى من بؤك... هقوم اجيبلك كوباية لبن"
"مش شاربة"
"لو شربتى واكلتى لقمة صغيرة هتكلم مع ابوكى تانى واحاول معاه"
"احلفى"
"والله"
مسحت هاجر دموعها وحاولت ان تبتسم
"طيب هاكل... بس بالله عليكى ياماما تحاولى تقنعيه مش تقوليله واول ما يقولك لأ تسكتى"
"حاضر...هقوم اجيبلك تاكلى"
                         ********************

دخل وليد مقهى الانترنت الذى يملكه صديقه هانى
المكان واسع... واجهزة الكمبيوتر بعيدة كل منها عن الاخر
من يدخل فى الممر الطويل حتى المكتب لا يرى شاشات الكبيوتر
الكراسى مصطفة ظهرها للحائط وبالتالى الشاشات متجهه للحائط
الاضاءة خفيفة جدا ...عبارة عن مصابيح صغيرة ملونة

جلس وليد بجوار هانى على مكتبه ...اخذ سيجارة من علبة سجائر الاخير
"ايه ياعم الناس تدخل تسلم الاول مش تدخل هجم ع السجاير"
"سلامو عليكو يا سيدى"
"وعليكم السلام... اهلا وسهلا تشرفنا... حضرتك وشك ده ولا مركب وش جبس"
"انت هتتريق"
"مكبر الموضوع اوى يعنى... واحدة عايز تخطبها وابوها رفض ...فكك وعيش حياتك بلا جواز بلا وجع دماغ"
"انا كنت راضى بوجع الدماغ... بس شكلى لازم اسلم بالامر الواقع واحاول انساها"
"تصدق انت كده صح... طيب بص"
نهض هانى وهو يسحب وليد من يده
وعلى اقرب جهاز كمبيوتر...اجلسه وهو يفتح احد المواقع الاباحية
"بص يا معلم... السيجارة اللى ف ايدك دى هتعلى الدماغ ع الاخر... والمزز اللى هنا هتنسيك الجواز واللى عايزين يتجوزوا... عييييش يا معلم"
ابتسم وليد وهو يسحب نفسا عميقا من السيجارة
"تصدق شكلها جامدة ...هى فيها ايه"
"ليك اكل ولا بحلقة... اشرب وانت ساكت ولو عايز تانى موجود... يالا اى خدمة"
                      *******************

فى منزل هاجر... جلست والدتها بجانب زوجها
الاب"اكلت؟"
الام"مكلتش غير لما قلتلها انى هتكلم معاك تانى"
الاب"وبعدين بقى"
الام"اسمع بس... انت منشف دماغك ليه...يعجبك يعنى لو البت جرالها حاجة من قهرتها كده"
الاب"وانتى عايزانى اوافق على وحد استغفلتنى ومشت معاه"
"مين قال كده...دى بتحلف ايمانات انها معملتش اى حاجة غلط"
"على مين يا ولية...اومال حبوا بعض ازاى باللاسلكى"
"ماهى قالت وهو قالك انه صاحب المحامى اللى بتشتغل عنده يعنى شافها وشافته هناك... امانة عليك ماتكسر بخاطرها...انت مش عاجبك الجدع ف حاجة"
"مسألتش عليه"
"طيب ما تسأل...ولو طلع كويس يبقى خير"
"مش بالعها الحكاية دى"
"لا اله الا الله... يعنى انت فاكر البت هيتقدم لها واحد ولا عمره شافها...ماتشوف الزمن اللى بقينا فيه واحمد ربنا على اخلاق بنتك"
صمت والد هاجر...ادركت الزوجة ان زوجها يفكر...فقررت ان تطرق الحديد وهو ساخن
"هااا قلت ايه...اقوم افرحها"
نهض والد هاجر من مكانه... ورد على زوجته
"سيبينى اقلبها ف دماغى شوية... انا داخل انام"
                          *******************

بعد منتصف الليل بدقائق قليلة...وصل زياد لمقهى الانترنت حيث تواعد مع وليد منذ ساعات
رأى وليد يجلس على احد الاجهزة... ويضع السماعات فى اذنيه ويبدو انه يتحدث لشخص ما
لوح له بيده واتجه لهانى...صافحه وجلس بجواره
"ازيك ياهانى...ايه الاخبار"
"تمام الحمدلله... صاحبك شكله هيفك اهو"
"ياريت...والله صعبان عليا الاتنين"
"ياعم هانى هو فيه احلى من الحرية"
"لما تحب هتغير رأيك"
"انا كده مرتاح بلا حب بلا وجع قلب..خد سيجارة"
مد هانى يده بعلبة السجائر لزياد... سحب زياد سيجارة اشعلها له هانى
بعد ان نفث دخانها...سعل كثيرا
"يخربيتك ياهانى...السيجارة دى فيها ايه؟"
"ايه يا زياد انت بقيت خرع كده ليه...الله يرحم ايام ثانوى"
شرع زياد ان يطفئ السيجارة...اخذها منه هانى بسرعة
"اييييييه.... انت هتكفر بالنعمه...هات ياعم"

نظر زياد لوليد...لوح له بيده باشارة تساؤل عما لديه من وقت فى حديثه
رد وليد اشارته بأنه لم ينتهى من حديثه بعد

نهض زياد...فسأله هانى
"ايه رايح فين"
"هروح ...عايز انام ورايا محكمة الصبح"
"بدرى كده...ادى الجواز وسنينه"
"سلام ياهانى"
غادر زياد بعد ان اشار لوليد المنهمك فى الحديث بأنه مغادر على وعد باتصال تليفونى لاحقا
                        ********************

قبل الفجر قليلا... اغلق وليد محادثته وهو يتثاءب
نهض مترنحا واقترب من هانى
"انا ماشى"
"ماتخليك قاعد"
"انا مش عارف هقوم اروح الشغل ازاى... هروح الحق انام لى ساعتين"
"مش تحكى لى كنت بتكلم مين كل ده"
وابتسم هانى ابتسامة ذات مغزى
"شكلها غمزت يا معلم...مزة صح؟"
ضحك وليد بغرور
"صح"
"احكيلى طيب"
"بكرة بكرة...انا خلاص هنام وانا واقف"
"طيب طمنى... نت بس ولا تليفون ولا ايه"
"هههه صاحبك مش بتاع الكلام ده... هنتفق بكرة على معاد"
"كداب... يا تلاقيها نصابة"
"وهكذب عليك ليه بس...اما موضوع نصابة مفتكرش هى هتاخد كارت شحن الاول تضمن انى جد وباقى الفلوس لما نتقابل... يعنى لو نصب هتيجى ف حاجة بسيطة...ولو جد يبقى لقينا حتة طرية تطرى علينا الارف اللى احنا فيه ده"
"يا معلم يا معلم... انا قلت الادب والاخلاق اللى نزل عليك فجأة الفترة اللى فاتت دى مش لايق عليك"
"مكنش ادب ولا اخلاق... انا كنت مش شايف قدامى غير اللى بحبها... وراحت اللى بحبها يبقى اعيش انا بقى زى ما انا عايز... كفاية رغى انا هنام هنا...سلام"
                        *****************

عصر اليوم التالى...استيقظت ساندى من نومها
فتاة فى بداية العشرينات...ممشوقة القوام... بيضاء البشرة... سوداء الشعر... حوراء العينين
حجرة نومها واسعة جدا ومفروشة على طراز حديث
دخلت الحمام الملحق بالغرفة... اخذت حماما باردا
ثم خرجت وارتدت "هوت شورت وبادى"
جلست امام مرآتها... جففت شعرها وصففته "ديل حصان"
ووضعت بعضا من مساحيق التجميل المناسبة لوجودها فى المنزل

شقة ساندى... تأخذ شكل المستطيل
يقسمها من المنتصف ردهة طويلة تقسم الشقة نصفين متقابلين
النصف الذى يطل على المنور... يضم غرفة المعيشة وحجرة نوم اضافية والحمام والمطبخ فى اخره قرب باب المنزل

اما النصف الاخر والذى يطل على الشارع
فيحتوى على غرفة النوم الرئيسية والصالون والسفرة تجمعهم شرفة واحدة

كعادة ساندى يوميا بعد ان اهتمت بمظهرها... قامت لتفتح شبابيك البيت جميعها... ودخلت المطبخ لتعد كوبا من النسكافيه
ثم فتحت مجمد الثلاجة لتختار اى وجبة سريعة ستعدها اليوم

بعد ان انهت اعداد كوب النسكافيه... وجدت جارتها الارملة الخمسينية فى الشقة المقابلة..والتى يفصلهمها عن بعضهما البعض...المنور فقط
تتلصص عليها من خلف شباكها...ابتسمت وعلقت فى نفسها
"مش هتبطل ابدا تتفرج عليا ليل ونهار"

سمعت جرس الباب يرن... ذهبت لتفتح... وجدت كشاف الغاز خارجا من شقة جارتها
"كشف ووصل الغاز يامدام"
تنحت جانبا
"اتفضل"
دخل كشاف الغاز المطبخ...لاحظت ساندى نظراته المختلسة لها وهو يتصبب عرقا... وقفت ثابتة بعد ان شبكت يديها منتظرة ان ينجز مهمته فى قراءة العداد
بعد ان انتهى... اقترب منها وهو يناولها الايصال
وعندما وجدته يقترب منها اكثر من اللازم
اوقفته بيديها
"عندك يا بابا... معنديش حاجة ببلاش"
زاد ارتباك محصل الغاز وناولها الايصال بيد مرتعشة وخرج مسرعا ووقف خارج الباب حتى اعطته المال المطلوب واغلقت الباب خلفه

دخلت المطبخ لتأخذ كوب النسكافيه...وذهبت لتجلس فى غرفة المعيشة...وجدت جارتها تتلصص عليها من الغرفة المقابلة
فأشارت لها بيديها وهى تبتسم بجرأة ولا مبالاة ما يعنى انه ليس لديه مال
فأغلقت الجارة الشباك بشدة فى وجهها وهى تتمتم
"قلة ادب"
                       *******************

عاد وليد من عمله.... مرهق للغاية لقلة نومه فى الليلة الماضية
استقبلته والدته"حمدالله ع السلامة ...اجهزلك الغدا"
"لا ياماما انا داخل انام"
"يا ابنى متعملش ف نفسك كده... لو عايزنى اروح لاهلها اكلمهم هروح"
"لا يا ماما متتعبيش نفسك علشان محدش يحرجك... انا خلاص هحاول انساها..واكيد هى مش اول ولا اخر واحدة فى الدنيا"
اتجه وليد لغرفته بعد ان انهى حديثه مع والدته...بينما كانت والدته تنظر له بقلب ينفطر لحاله
بدل وليد ملابسه...وألقى بنفسه على السرير
فى نفس اللحظة التى رن فيها موبايله



ملحوظة لمتابعى المدونة
سيتم نشر القصة 3 حلقات اسبوعيا ان شاءالله


هناك 76 تعليقًا:

  1. حلوة جدا

    ردحذف
  2. انا اول كومنت شكلها هيبقي فها ندم واثارة جامدة يعنى بس الحلقه صغيرة كالعاده

    ردحذف
  3. حلوة اوى كملى يا دينا

    ردحذف
  4. جمييييييييييييييييييييييييلة اوى وبانتظار التكملة

    ردحذف
  5. D شكلها تحفــــــــــــــــه اوى كالعااااااااااده وحمدالله على السلااامه كنا مستنيين قصصك من زمااااااااااااااااان :)

    ردحذف
  6. فييين الباقي ..كده بس ليه :o

    ردحذف
  7. جميله بجد ربنا يعينك .. مستنيه بقيه الحلقات ان شاء الله :)

    ردحذف
  8. اانا هتبعها عشان عارفه يا دينا ان كل قصصك حلوه انا دايما بتابعك

    ردحذف
  9. shklaha 7elw ya dina
    ana aret mo3zam rwyatk bas de awl mara atab3 rwaya ywmyn :D

    ردحذف
  10. حلوه جدا جدا جدا نزلى حلقه كمان بكره علشان انتى كنتى متاخره علينا اوى فى القصص

    ردحذف
  11. ♥دينا عماد♥3 سبتمبر 2013 في 10:21 م

    بدايه روووووووووووعه يا دودو تسلم ايدك :* ♥
    بس سؤال يا دودو ليه دخلتى كلام باللغه العربيه يعنى مش كلها عاميه اوى ؟

    ردحذف
  12. حلوه اوي الحلقه تسلم ايدك والقصص كلها جميله اوي

    ردحذف
  13. حلوة اوووووى يادودو بس هى لية مش بالعامية

    ردحذف
  14. تحففففففففففففففة يادينا شكلها قصة حلوة ربنا يوفقك

    ردحذف
  15. جامد جدا يا استاذه دينا منتظر الحلقه القادمه وربنا معاكي ^_^

    امير

    ردحذف
  16. حلوة جدا جداااااااااا كالعادة يادينا ووحشتنا قصصك اوي

    ردحذف
  17. يااااااااااااااااااااااااااه وحشتينى اوى يا استاذة .... ربنا يوفقك يارب ...

    ردحذف
  18. تلم ايدك شكلها هتبقى جميله اوى اوى يا دندن كملى

    ردحذف
  19. لا يا دينا بليز بلاش تخلى اخرها نكد زى حكم القلب

    ردحذف
  20. كل قصصك بتجنن
    بس قليل 3 حلقات في الاسبوع

    ردحذف
  21. جمييييييييييييييلة اوى اوى يا ديناا

    تسلمى

    amira slama

    ردحذف
  22. جميله اوووووووووووووى تسلم ايدك :) شكلها مشوقه جدا

    ردحذف
  23. جميله اوى تسلم ايدك

    ردحذف
  24. gamdaaaa awii aywa b2a astamrrrrrrry

    ردحذف
  25. حلووة اووى كالعادى بس هيا رومانس ولا رعب ولا ايه ؟؟؟

    مى

    ردحذف
  26. جمييييييييييييييييله اوي يادندونة

    ردحذف
  27. حلوه اوىىىىىىىىىى يادودو بجد ...بس بلاش حبه اللغه العربيه دى حسه انى تهت كده,,,,,ويلا مستنين الحلقه الجايه بقى

    ردحذف
  28. حلوة اوووى ..بس شكلة هيندم فى الاخر

    ردحذف
  29. جميله جدا وبدايتها جميله جدا رفض ابو هاجر غلط جدا لانه خلق من وليد الاكان كويس وماشى صح شخص غلط قد قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره. وهو حتى لسه مسألش رفض وساب عقله لشكوكه بدون مايتاكد منها

    ردحذف
  30. حلووووووووووووووووووووووووووووووووووووة اوووووووووووووووووووووووووووووي بس وليد ليه كدا ما صدق !!!!!!!!!!!!!!!!!!!!!!!!!!!!

    ردحذف
  31. جميله بس انا مش لاقيه رابط الحلقه التانيه

    ردحذف
  32. ايه القرف ده ايه الي شرع ان يطفئ

    لما انتي مش عارفة اللغة بتتنيلي تكتبي فيها ليه !

    ردحذف
    الردود
    1. ايه القرف اللى بتقوليه ده
      لما تتنيلى تفهمى ابقى علقى

      ده من المعجم البسيط لو تعرفيه..."ابقى دورى واعرفى يعنى ايه"
      شَرَعَ :
      شَرَعَ الوَارِدُ شَرَعَ َ شَرْعًا : تناول الماءَ بفيه .
      و شَرَعَ المنزلُ : دَنَا من الطريق .
      و شَرَعَ فلانٌ يفعل كذا : أخذ يفعل .
      و شَرَعَ الشيءَ : أعلاَه وأظهره .
      و شَرَعَ الدِّينَ : سَنَّهُ وبيَّنَه .

      الرد بنفس اسلوب كومنتك ..اى خدمة :D

      حذف
    2. طبعا انا بحب انى اقول لحضرتك متتعبيش نفسك و تردى على حد قلل من شأن نفسه الشخص بيبان من اسلوبه اذا كان متحضر او جاهل و احب اهنيكى بالمدونة الرائعة و ان كل قصصك معظمها قرأتها و لم ارى فى براعة كتابتك و بالتوفيق.

      حذف
  33. روووعة كاعادتك بس اتمنى تخليها بالعامية لن في بعض الحاجات ما فهمتهاش باللغة العربية الفصى الى الامام ومستنية الحلقة التانية


    مها

    ردحذف
  34. بلاش لغه عربیه تانی انتی متمیزه باللغه العامیه المشوقه اکتر
    ده رای المتواضع

    ردحذف
  35. شكرااااااا جزيلاااااااا على كل الاراء
    والقصة دى هتكون مزج بين الفصحى البسيطة فى السرد والعامية فى الحوار

    اعتبروها تغيير او تجربة جديدة واتمنى انها تعجبكم

    ردحذف
  36. هتعجنا ان شاء الله انتى مبدعه وتستهالي كل تقدير واحترام

    ردحذف
  37. بالتوفيق ان شاء الله وننتظر الباقى.....بجد اسلوبك واقعى وجميل

    ردحذف
  38. جميلة اوى
    انا بحب كل القصص بتاعتك بس متعودة استنى لحد مكل الحلقات تخلص واقرأها مرة واحدة عشان بصراحه التشويق اللى ف حلقاتك بيكون غير عادى



    انجى

    ردحذف
  39. قصصك كلها روعة انا قريتهم كلهم ودي اول مرة هتابع يوميات واكيد هنشتاق اووووي بس اسلوبك حلو اووووي ماشاء الله


    روضة

    ردحذف
  40. أنا عندى تعليق بسيط يا استاذ دينا ..طبعاً أنا مختلف مع الشخص اللى نقد "شرع أن يطفىء"..فى طريقة كلامه لأن ده أسلوب ميصحش بس عندى تعليق صغير أن الجملة فعلاً غلط..لأنه فى اللغة العربية يُمنع اقتران "أن" مع "شرع"..الصحيح الجملة تبقى ..شرع يطفىء من غير "أن",,وأنا شايف أنه عادى يعنى مفيهاش حاجة كل الكتاب بيغلطوا و بيبقى ليهم مصححين لغويين كمان :)

    ردحذف
  41. جميلة قصصك بس اعرف اجيب باقى حلقات ليلة حمرا منيين؟؟؟

    ردحذف
  42. انا اول مره اتابع بس قعلا القصه جميله اوى

    ردحذف
  43. جميييييييييييييييييييييييييييلة اوووووووووووى بس فين باقتها بقلا

    ردحذف
  44. جميلة اوووووووووووووى

    ردحذف
  45. جميله جداا وبدايه حلوه بالتوفيق

    ردحذف
  46. حلوی اوي بس اللغه العربيه دي غتته اوي معلش يعني

    ردحذف
  47. شدتنى القصه شكلى كده هتابع بقيه الاجزاء :)

    Rosittanita

    ردحذف
  48. جمييييييييييله يا دودو وشكلها مشوقه

    ردحذف
  49. حلوة اوى واحداثها تشد

    ردحذف
  50. حلوه اوي

    ردحذف
  51. اتنماء انا يكون الحلقة الثانية اجمل من الحلقة الاولى وتسلم ايد الا كتب

    ردحذف
  52. ههههههههههه8 يناير 2014 في 6:48 ص

    هوووووع القصه مش مفهومه

    ردحذف
  53. القصه بايخه ومالها داعي هالقصص المخالفه لشرع الله من الافظل انكم تجيبون قصص فيها عبره للي يقراها

    ردحذف
  54. القصه بايخه ومالها داعي هالقصص المخالفه لشرع الله من الافظل انكم تجيبون قصص فيها عبره للي يقراها

    ردحذف
  55. والله العظيم انتى روعة جدا وانا اصلا بموت فى قصصك تسلم ايدك ويارب نشوف الاجمل

    ردحذف
  56. بصى هى حلوة بس موضوع السجاير خلانى اقلب على الاخر فبلاش سجاير تانى علشان خطرى ومعتقدش انها هتأسر اوى تانى حاجة اتغظت اوووى منموضوع النت بأذن هكولها واقلك رأيي

    رقى

    ردحذف

  57. العاب طبخ 2014,لعبة طبخ,لعبة المطبخ,العاب طبخ بنات,games cooking
    http://gamescookingg.blogspot.com

    العاب بنات 2014,العاب بنات طبخ,لعبة بنات,العاب تلبيس بنات,girls games
    http://gamescookingg.blogspot.com/2014/05/girls-games.html

    العاب طبخ

    العاب بنات

    friv

    تحميل العاب

    ردحذف
  58. روووووووعه

    ردحذف
  59. قصة ليلة حمراء .. اسلوب سلس رائع متناسق بين الكلمات والافكار .. حبكة درامية ممتازة متلاحقة تخطف الانفاس .. العيب الوحيد في هذه الحلقات انها متناثرة .. ارجوا تجميعا ونشرها مرة واحدة .. ولماذا القصة وقفت عند الحلقة العاشرة فقط

    ردحذف
  60. يا ريت بس الاحداث تكون اكتر من كده بس الاسلوب حلو وشوق

    ردحذف
  61. واضح انك موهوبة يا دينا كن اتقني ادواتك فر كبير بين الرواية والقصة وبين الحدوتة انتي بتحكي حواديت لكن افضل أنك تكتبي للسينما لأنك هايلة في الحوار أكثر واضح ان لك جمهور انا شفتك بالصدفة لكن بصراحة ليس عندي طول بال أقرأ بالعامية والحوارات المستمرة مجهدة وتحتاج لجهد رغم بساطتها ووقت هي مناسبة للشباب لكن استمري مع التجويد -بالتوفيق

    ردحذف
  62. انتى كويسه جداااااااا بس ياريت تغيرى قالب المدونه دى وتدى مظهر افضل ولااااااازم يكون فى زر لايك
    واى اسفسار راسلينى ....خالد الشابورى _خبير سيو_خبير بلوجر
    www.masrawygeeks.com

    ردحذف
  63. الشركات الرائدة فى ذلك المجال وهى شركة تسليك مجارى بالدمامفهى شركة تمتاز باحدث الالات والماكينات والعربات بالاضافة ان ان الشركة لها عدة فروع وليس فرع واحد وافرع الشركة كالتالى شركة تسليك مجارى بالأحساء وشركة تسليك مجارى بالخبر وايضا ان اكثر الاشياء خطوره على صحة الانسان وخاصة الاطفال هى الحشرات بكل انواعها سواء كانت حشرات زاحفة او حشرات طائرة فهذة الحشرات خطيرة للغاية وتسبب العديد والعديد من الامراض ولذلك يجب مكافحتها وابادتها نهائيا ولذلك لحماية انفسنا وحماية اطفالنا ولاننا نهتم فى المقدمة بصحتكم وراحتكم فنقدم لكم شركة مكافحة حشرات بالدماموفرعها شركة مكافحة حشرات بالخبر فهى شركة تمتاز عن باقى الشركات الاخرى وترفع الشركة دائما شعار لسنا الوحيدون ولكننا الافضل فى مجال مكافحة وابادة الحشرات والتخلص منها نهائيا دون راجعه وذلك لنساعد عملائنا الكرام فى العيس فى حياه هادئة وسعيدة وخالية من الامراض ولان رش المبيدات من اخطر الاشياء التى توثر على الصحة ويلزم لها شركة متخصصة فى انواع المبيدات التى تلزم للقضاء على كل نوع من الحشرات ولذلك قدمنا لكم شركة رش مبيدات الدماموفرعها شركة رش مبيدات بالخبر وان اكثر الحشرات خطوره علي الانسان والتى يلزمها رعاية خاصة عند مكافحتها هى حشرة النمل الابيض فهى حشره يجب ان تكافح قبل بناء المنزل لانها تقوم باكل الاخشاب والخرسات وتعمل على انهيار ودمار المنزل ولذا قدمنا لكم شركات مكافحة النمل الابيض بالدمام وافرعها الاخرى شركة مكافحة النمل الابيض بالاحساء وشركات مكافحة النمل الابيض بالقطيف اما شركة كشف تسربات المياه بالدمام وفرعها شركة كشف تسربات المياه بالخبر تقوم بالكشف على تسربات المياه ومعالجتها فى الحال باحدث الاجهزة والمعدات والادوات بدون تكسير

    ردحذف

قول رأيك بلاش تقرا وتقفل من سكات...ارائكم تهمنى