الأربعاء، 25 سبتمبر 2013

ليلة حمرا... الحلقة 9

الحلقة 9
اليوم التالى صباحا
مراد يبحث عن حجرة على سليمان فى المستشفى
يصل بعد البحث لعنبر به عدد من الرجال
يقترب من على سليمان
"صباح الخير ياعم على...ازى صحتك"
يعتدل على مرحبا
"صباح النور ياباشا... اتفضل"
جلس مراد على حافة السرير
"ايه اخبارك الدكتور قال هتخرج امتى"
"مش عارف ياباشا...بس ادينى هنا ارحم من الحجز واللى فيه"
"حجز ايه... انت مش ملاحظ ان الحراسة اللى كانت عليك والكلابشات اتفكت...انت خرجت من القضية خلاص... كنت عايزنى ف ايه؟"
"بجد انا خرجت من القضية... الحمدلله... طيب يبقى اللى كانت عايزك فيه مالوش لزوم"
"اللى هو ايه اللى كنت عايزنى فيه؟؟"
"انا افتكرت حاجة بخصوص البت اللى اتقتلت"
"انت كنت تعرفها؟؟"
"معرفهاش اوى... شفتها كام مرة بس... هى فعلا على اسمى"
"ازاى؟؟"
"من كام سنة كده مش فاكر قد ايه...يمكن 7يمكن 8 يجوز10 مش عارف بالظبط كنت بشتغل بواب ف عمارة فى المهندسين...مشونى منها ساعتها مكنتش بلاقى مكان انام فيه ولا معايا فلوس... كنت بشحت وقتها لانى كنت ببقى محتاج فلوس وانا بخاف اسرق او لو يمكن كنت بعرف كنت سرقت...المهم كانوا اصحاب المحلات اللى جنب العمارة اللى كنت فيها عارفيننى فكانوا اللى عايزنى اغسله عربية مثلا ولا اجيبله حاجة وكانوا بيراضونى بزيادة.... ف يوم جالى السواق بتاع الست زيزى وقال انها عايزانى ف حاجة مهمة وهتدينى منها مبلغ كبير"
"ثوانى...مين الست زيزى دى؟"
"دى عندها محل كوافير حريمى كبير هناك وكنت بشوفها وساعات بتدينى فلوس او تبعت لى أكل"
"وبعدين...كانت عايزاك ف ايه"
"روحت لها معاه المكتب بتاعها فى المحل... انا اول مرة ادخل هناك يا باشا...لقيت ستات اشكال والوان وبنات كتير بيشتغلوا ...قلت بس جايبالى شغل ولما لقيت كله ستات استغربت قلت وانا هشتغل ايه وسط الستات دى كلها"
"وبعدين"
"قابلتها... جابت لى اكل وانا باكل قعدت تتكلم معايا شوية عن الناس الغلابة والظروف الصعبة اللى بتمر بالناس وانها ازاى بتحب تساعد الغلابة...استغربت ان واحدة زيها ربنا كارمها كده وحاسة بالغلابة بس قلت ف سرى الناس الطيبة كتير"
"كل ده ايه علاقته بسناء"
"ما انا جاى لسعادتك اهو فى الكلام... لقيتها بتقول ان البنات اللى بيشتغلوا عندها دول اكترهم غلابة  وانها محتاجة لى فى مساعدة بنت غلبانة...ضحكت وقلت لها وانا حيلتى ايه علشان اساعد ده انا محتاج اللى يساعدنى"
"كانت عايزة تجوزك ولا ايه؟"
"لا... قالتلى ان فيه بنت بتشتغل عندها ومالهاش اهل واخدتها من الشارع وعطفت عليها والبنت دى مالهاش اى اوراق وانها عايزة تطلع لها شهادة ميلاد وبطاقة علشان تقدر تعيش حياتها عادى زى اى حد"
"آآآآآه... والمطلوب انك تكتبها على اسمك"
"تمام يا باشا... بس ساعتها انا قلتلها انى متجوزتش ولا اعرف اعمل اوراق ولا حاجات من دى...قالت لى ان السواق هو اللى هيكون معايا ويخلص كل حاجة هما بس محتاجين انى اعمل ابوها علشان لازم شهادة ميلاد الاول وبعدين البطاقة"
"وعملت كده؟"
"انا قلقت ف الاول بس لما قالتلى هتدينى 10 الاف جنيه وانا مكنش معايا ربع جنيه اتلغى اى تفكير ووافقت على طول"
"وطلعتوا الاوراق؟"
"السواق بتاعها كان معايا خطوة بخطوة او انا اللى كنت معاه وكان بيمشى كل حاجة سواء بالفلوس او بمعارف الست ... انا لا فاكر البنت كان اسمها ايه ولا حتى فاكر شكلها...الحكاية كلها كام يوم واخدت الفلوس وروحت اخدت الاوضة اللى انا عايش فيها دلوقتى ونسيت خالص الموضوع ده واول ما افتكرته طلبت اقابل حضرتك"
نهض مراد من جواره... وهو يشكره
"شكرا يا عم على... وحمدالله على سلامتك"
                          *********************

ماجد جالسا امام مكتب مراد ... يدق على المكتب باصابعه فى صمت...بينما ينظر له مراد منتظرا تعليقا

كف ماجد عن دقاته المتتالية واعتدل فى جلسته راجعا للخلف
"وبعدين؟"
"خلاص...دى كل الحكاية"
"ماشى يعنى... ايه علاقتها بقضيتنا"
"مش شايف اى علاقة"
"لا الحقيقة مش شايف"
"سناء واضح ان وراها اسرار مستخبية"
"واحنا مالنا... احنا لينا قضيتنا اللى شغالين فيها والقاتل لقيناه الحمدلله وشغلنا خلص"
"فيه حاجة جوايا بتقولى ان وليد صادق رغم ان كل الادلة ضده بس مش عارف ليه مصدقه"
"مراد باشا قدوتى واللى بتعلم منه بيعتمد على احساس؟؟"
"متنساش برضه ان ظابط المباحث ليه نظرة... وليد ده شكله اخيب من انه يقتل... انا اول ما جيت المكتب راجعت الملف تانى...بيان المكالمات مفيش اى علاقة بينهم غير قبل الحادثة بيوم واحد...تفتكر ايه الدافع اللى هيخليه يقتل واحدة عرفها يوم واحد"
"يمكن اختلفوا على فلوس... يمكن زى ماقلت خايب وهددته بالفضيحة وخاف...يمكن اختلفوا على اى حاجة"
"ماشى...وارد يختلفوا...ساعتها القتل هييجى غصب عنه بسكينة المطبخ مثلا او مقص من البيت... او ضرب وشد وجذب زى اى خناقة... القتيلة متعرضتش لاى اعتداء جسدى...يعنى لو اختلفوا مش معقول واحد من اول خلاف هيدبح اللى قدامه... سناء اتقتلت قتل عمد يا ماجد"
"وده معناه؟؟"
"ان القاتل عنده دافع قوى ورايح متعمد انه يقتلها"
"انا عارف انها قضية متعبة م الاول... طيب ثوانى بقى... بصمات وليد الموجودة على جرس الباب"
"ايه المشكلة انه يكون تواجد فى وقت ومكان الجريمة... ده مش معناه انه القاتل"
"يعنى هتفرج عنه؟"
"لا طبعا مينفعش... كل الادلة ضده وهو الجانى بالادلة وشهادة الشاهدة"
"لأ مش فاهم... منين سعادتك بتدافع عنه ومنين بتقول هو الجانى"
"دفاعى عنه شكوك... ممكن يكون هو القاتل فعلا وممكن يكون لأ... انا بس عايز ادور ورا القتيلة واشوف مين عنده دافع انه يقتلها...ساعتها لو لقينا القاتل وليد يبقى برئ... ملقيناش القاتل وكل الادلة ضد وليد يبقى احساسى ونظرتى واستنتاجى غلط ومفيش غير التسليم بالادلة المنطقية"
"تمام... المطلوب منى طبعا تحريات عن صاحبة محل الكوافير بتاع المهندسين"
"التحريات هعملها معاك بنفسى"
"عدم ثقة يا باشا؟؟"
"لا طبعا يا ماجد...انت ظابط كُفء ...انا بس بقى عندى فضول ناحية القضية دى"
                            ********************

هاجر انهت ارتداء ملابسها... تُعدل من حجابها وتنظر لنفسها ولعينيها التى ترك البكاء اثرهما عليها
تضع مزيدا من الكحل لعله يضئ عينيها الذابلة
يطرق والدها الباب طرقات خفيفة
"هاجر"
"اتفضل يابابا"
"لبستى؟"
"ايوه"
"انتى هتروحى الشغل؟"
"ان شاءالله"
جلس على حافة السرير
"طيب اقعدى عايز اتكلم معاكى كلمتين"
جلست بجواره...ضمها لصدره
"انا لما قلت عليه لأ زى مايكون كان قلبى حاسس...انتى اللى صممتى وانا وافقت علشان خاطرك... دلوقتى يا هاجر بأكد لك انه مينفعكيش... متتعلقيش بواحد مستنى اعدام ولا مؤبد"
"متقلقش يابابا انا مش عايزاه خلاص"
"وبتقوليها وانتى زعلانة ليه...يا بنتى ده مجرم وميتزعلش عليه احمدى ربنا انه نجاكى...بدل قتل يبقى يقدر يقتل اى حد"
ردت وهى تعود للخلف وتنظر له
"بابا... وليد مش معقول يقتل...اكيد فيه حاجة غلط"
"يعنى ايه...لسه عايزاه برضه"
"لا... اطمن...قرارى مش هرجع فيه"
"وعاملة ف نفسك كده ليه وبتقوليها وانتى زعلانة عليه اوى كده ليه"
"انا زعلانة على نفسى اكتر"
                         *********************

هاجر فى المكتب... وحدها تبكى حبها وحبيبها الذى فقدته
تسمع صوت اقتراب خطوات من الباب المفتوح... تمسح دموعها

يدخل زياد...يلاحظها وهى تمسح دموعها
يقف لحظات بعدما ألقى عليها التحية
يحاول جاهدا البحث عن كلمات...لا يجد...يكمل طريقه لمكتبه

دقائق وتلحقه هاجر ...وبخطوات مترددة وقلب حزين وصوت مختنق تسأله
"قابلت وليد؟"
تجلس فى انتظار رد
يرد بأسى "ايوه"
"واخبار القضية ايه؟"
"كويس ياهاجر انك فكرتى تانى... وليد بيقولك انه مقتلش...لما قلتله على موضوع فسخ الخطوبة حسيت انه هيتجنن... بيقولى انه عايز يقابلك وطبعا ده مينفعش فبيقولى اقولك انه برئ"
تنساب الدموع على وجنتى هاجر بغزارة... تستجمع قدرتها على الحديث
"انا مش عايزة اقابله ولا بفكر تانى... انا حبيت اطمن بس... هو ايه اللى حصل بالظبط وخلاهم يتهموه؟؟؟"
قص زياد على هاجر ما قصُه عليه وليد
نهضت لتغادر وهى تبكى...استوقفها نداء زياد
"استنى ياهاجر... انا مصدق ان وليد برئ... انا بس محتاج اقرا القضية كويس علشان اقدر اساعده وان شاءالله هقدر ولو حسيت انى مش هقدر هشوف له محامى كبير احسن منى يترافع عنه"
"ربنا ينجيه"
"يعنى انتى مصدقاه...هيفرح اوى لما يعرف"
"مصدقة انه مقتلش... بس ده ميغيرش حاجة ...وليد خاننى"
"محصلش حاجة...صدقينى حتى مقابلهاش"
"لولا انها اتقتلت كان خاننى عادى... انا كنت بموت علشانه وبتحدى اهلى وهو رايح يعرف واحدة زى دى ولا كأن فيه واحدة مبتفكرش فى حد غيره... انا كنت عبيطة اوى انى صدقت ان فيه حب واخلاص...وليد اثبت لى ان الاخلاص مش موجود فى ايامنا دى"
لم يستطع زياد... رغم عمله كمحامى... ان يدافع عن وليد فى قضية ابسط بكثير من القتل
الخيانة... جريمة بشعة وان كان لا يعاقب عليها القانون
                      ********************

وصل مراد بسيارته للعنوان الذى وصفه على سليمان
ترجل من السيارة بصحبة ماجد... ظل كل منهم يبحث بعينيه عن المكان المقصود
تقدم ماجد خطوات وسأل عامل بأحد المحلات التجارية
"فيه فى الشارع هنا كوافير صاحبته اسمها مدام زيزى"
شاور العامل على محل بدورين مغطى ويتم به اعمال للصيانة
"بيوتى سنتر مدام زيزى... اللى بيتوضب ده... مش عارف ازاى ليها عين تيجى تفتحه تانى"

اقترب مراد مشاركا فى الحديث
"ليه...هو كان مقفول؟"
العامل"ايوه... اتقفل من ساعة ما اتقبض عليها"
مراد"اتقبض عليها ليه؟؟ وامتى"
العامل ينظر له بتشكك
"ليه حضرتك مين ؟"
رد ماجد بسرعة
"مب..."
قاطعه مراد وجذبه من ذراعه
"شكرا... احنا كنا سامعين انه بيتباع بس خلاص بقى مفيش نصيب"
ذهب مراد فى اتجاه سيارته... وماجد يتبعه
تتبعهما نظرات متشككة وغير مصدقة من العامل الذى سرعان ما اشاح بنظره عنهما قائلا فى سره
"وانا مالى"

ماجد سأل مراد
"ليه يا فندم مخلتنيش اقول اننا مباحث كان قال كل اللى يعرفه"
"وليه نقول والكلام يوصل اننا بنسأل عليها... خلينا نعرف بطريقتنا"
"يعنى هنكمل فى تحرياتنا سرا؟؟"
"حسب الموقف يا ماجد لسه مش محدد...يالا بينا"
"على فين؟"
"نعرف اتقبض عليها ليه... وبالتفصيل كمان"
                            *********************

مراد وماجد فى مكتب بمديرية الامن
يدخل احد الضباط يحمل ملفا
"اتفضل يا مراد"
مراد"متشكر اوى يا عمرو"
يفتح مراد الملف بلهفة... ويردد بصوت ليسمعه ماجد
"زينب فوزى عثمان... دعارة... بس شكلها مش غريب عليا"
يقترب ماجد لينظر فى الصورة
"اه فعلا... وشها مألوف.. هى ليها سوابق قبل كده"
قاطعهما عمرو شارحا ما بالملف
"زينب وشها مألوف بالنسبة لكم مش علشان ليها سابقة قبل دى... دى لانها سيدة مجتمع من اللى غاويين ظهور... عندها البيوتى سنتر وتلاقيها فى الاعمال الخيرية...يعنى يوم اليتيم لازم تعمل حفلة كبيرة ف دار ايتام كل سنة... موائد رحمن فى رمضان...يعنى بتبعد عن نفسها الشبهات وفعلا كانت بعيدة تماما عن الشبهات"
مراد"ووصلتوا لها ازاى"
عمرو"بلاغ"
مراد"من مجهول؟"
عمرو"لأ... بنت من اللى كانوا عندها هى اللى بلغت... ولما عملنا تحرياتنا وراقبنا فيلتها وتليفوناتها قدرنا فعلا نعرف انها بتدير شبكة دعارة بتستغل فيها بنات قُصَر علشان كده اخدت 5 سنين"
يبحث مراد فى الملف عن تفاصيل اكثر دقة
يردد ناظرا لماجد
"خرجت من شهرين"
ماجد يبتسم ويكمل
"قولى ان تخمينى صح وان اللى بلغت عنها سناء سليمان"


هناك 40 تعليقًا:

  1. واااااااو بجد تحفة كالعادة ربنا يوفقك انا مبسوطة ان ليا اول تعليق شكلها هتبقى قصة تحفة انا بجد بحب قصصك جدا ومتبعاها كلها انا نفسى احكيلك قصتى لانى بجد عاوزة ليها حل ومش لاقية حد ينفع احكيله واخد رايه

    ردحذف
  2. تحفة يا دينا بجد :)
    ENG MONA

    ردحذف
  3. رهيييييييييييييييييييييييييبة

    ردحذف
  4. تحفه اوي يا دينا بس يا رب هاجر تسامحه و تبقى النهايه سعيده ان شاء الله

    ردحذف
  5. حلووووووووووووووووووووه بجد مشوقه جدا

    ردحذف
  6. انتى موهوبة بجد وقصة جميلة وربنا يوفقك يادينا

    ردحذف
  7. ايووووووووووووووة بقي جامدة اووووووووووووووي المرة دي وليييييييد هيطلع منها اهوووووو....تسلم الايادي

    ردحذف
  8. جميله اوى بستمتع وانا بقرا قصصك

    ردحذف
  9. جميله اوى بستمتع وانا بقرا قصصك

    ردحذف
  10. توووووووووووووووووووحفة بجد جداااااااااااااااااااااااا

    ردحذف
  11. تحفففففففففففففففففففففففففففففففففففففففففففففففففففففة يا دينا جميلة جدااااااااااااااااااااااااا بس ياريت تنزلى الحلقة اللى بعدها بسررررعة انا نفسى اكملها

    ردحذف
  12. الحلقه روووووووووووعه يا دينا ميرسي ياقمر ع الحلقه

    ردحذف
  13. ياااااااااريت كتاباتك تتعمل مسلسلات بجد هتبقى هاااااااايلة

    ردحذف
  14. حــلوه اوووي كالعاده ف انتظار باقي الحلقات ^_^

    ردحذف
  15. انا حبيت القصة دى علشان الغموض اللى فيها دة وكل حلقة تظهر فيها تفاصيل جديدة تبين حاجات غريبة وجديدة خالص والغموض اللى بتبينة التفاصيل دة فى قمة الروعة وبيجذب اللى بيقرا انة يستنى الحلقة اللى بعد كدة بفارغ الصبر وانا متابعها بترقب شديد للحلقات وبتفكرنى بمسلسل رقم مجهول لما كان كل حلقة تظهر تفاصيل جديدة
    شكرا ايتها الكاتبة الرائعة
    شكرا دينا

    ردحذف
  16. حلوة اوي اوي بجد تسلم ايدك وفي انتظاررررر الحلقة القادمة ان شاء الله

    ردحذف
  17. جميله جيدا بس مش ممكن الحلقات تزيد شويه
    ضحى

    ردحذف
  18. حلووووووووووووووووووووووووووووووووووووووووووووووووووووو اووووووووووووووووووووووووووووووووووووى الجزء دة بس ياريت متغيبوش علينا بقا ويارب دايما فى تطور

    ردحذف
  19. روعه تسلم ايدك

    ردحذف
  20. جميلة جداااا و مستنية الحلقة اللي جاية بلهفة

    ردحذف
  21. انا اول مره اقراء قصه في وقت نزولها مش مصدقه اني هعرف استنه الهموخحلقه المجايه انا هموت ملفضون كده

    ردحذف
  22. جميله اوووووووى ومسليه جدااااااااااا

    ردحذف
  23. يا شباب ارجو الرد محدش يعرف مدونة قصص تانيه اصل انا خلصت كل القصص الي هنا

    ردحذف
  24. شركة نقل عفش بالمدينة المنورة
    لكل من يرغب في تغيير منزله وبالتالي عليه نقل العفش والاثاث مع ضمان عدم تعرضه للكسر او الخدش
    شركة فرسان الخليج توفر لكم أفضل خدمة في نقل العفش بالمدينة المنورة
    مع افضل خبراء متخصصين في عملية نقل العفش
    بداية من فك الاثاث الي اعاده ترتيبه وتركيبه بالمنزل الاخر
    واذا اتصلتم سوف تحصلون علي اسعار هائلة جدا
    للاتصال علي 0535106165
    شركة نقل اثاث بالمدينة المنورة
    http://www.forsan-elkhaleg.com/20/Moving-furniture-company-in-Madinah

    ردحذف
  25. شركة تنظيف خزانات بمكة
    من الضروريات القيام دائمة بتنظيف خزانات المياه حتى لا تتلوث المياه حيث أن ترك الخزانات بدون تنظيف يجعل بها أتربة و أوساخ متراكمة مما يلوث عالمياه و بالتالى يضر بصحتنا
    لذلك تقم لكم شركة صقر البشاير أفضل خدمة فى تنظيف خزانات بمكة
    فهى شركة متميزة فى خدمة تنظيف خزانات المياه لأانها خبرة 23 سنة
    ويقوم بعملية التنظيف فريق عمل محترفون يقوموا بسحب كافة المياه الموجودة فى الخزان ثم يقوموا بأزالة الأوساخ و الأتربة التى على جوانب الخزان و الأرضية
    ثم تطهير و تعقيم الخزانات جيدا
    شركة صقر البشاير تقدم أفضل اعروض و الخدمات لكم بأسعارمناسبة جدا
    تنظيف خزانات بمكة

    اتصل بنا على0500941566
    http://www.elbshayr.com/6/Cleaning-tanks


    ردحذف

  26. شركة تنظيف بالظهران
    شركة تنظيف بالقطيف
    شركة تنظيف ببقيق
    شركة تنظيف برأس تنورة
    اسرع شركة تنظيف بالباحه
    ابغى شركة تنظيف بالباحه
    اريد شركة تنظيف بالباحه
    ابى شركة تنظيف بالباحه
    شركات تنظيف بالباحه
    شركة تسليك مجارى بالباحه
    شركة مكافحة حشرات بالباحه
    https://www.surveymonkey.com/r/H338NM6
    افضل شركة تنظيف موكيت بالرياض
    افضل شركات تنظيف موكيت بالرياض
    تنظيف موكيت بالرياض
    شركات تنظيف الموكيت بالرياض
    خدمات تنظيف موكيت بالرياض
    شركة تنظيف موكيت
    شركة غسيل موكيت بالرياض
    افضل شركة تنظيف بالرياض
    اقوى شركة تنظيف بالرياض
    اسرع شركة تنظيف بالرياض
    ابغى شركة تنظيف بالرياض
    اريد شركة تنظيف بالرياض
    ابى شركة تنظيف بالرياض
    شركات تنظيف بالرياض
    افضل شركة تنظيف بالرياض
    اسعارالتنظيف بالرياض
    شركة تنظيف بالرياض
    شركة تنظيف مسابح بالرياض
    شركة تنظيف موكيت بالرياض
    شركة تنظيف بالرياض
    https://www.surveymonkey.com/r/HX5FHSV
    افضل شركة تنظيف منازل بالاحساء
    اريد شركة تنظيف منازل بالاحساء
    ابغى شركة تنظيف منازل بالاحساء
    اقوى شركة تنظيف منازل بالاحساء
    ابى شركة تنظيف منازل بالاحساء
    ممكن شركة تنظيف منازل بالاحساء
    شركات تنظيف منازل بالاحساء
    افضل شركات تنظيف موكيت بالاحساء

    ردحذف
  27. شركة تنظيف منازل بالطائف
    شركة تنظيف فلل بالطائف
    شركة تنظيف شقق بالدمام
    شركة تنظيف منازل بالدمام
    شركة شفط بيارات بالدمام
    شركة مكافحة النمل الابيض بالدمام
    شركة تنظيف خزانات بالدمام
    شركة كشف تسربات المياة بالدمام
    شركة تسليك مجارى بالدمام
    شركة نقل اثاث بالدمام
    شركة رش مبيدات بالدمام
    شركة مكافحة حشرات بالدمام
    شركة تنظيف بالدمام
    شركة تنظيف خزانات بالقطيف
    شركة نقل اثاث بالقطيف
    شركة تسليك مجارى بالقطيف
    شركة مكافحة النمل الابيض بالقطيف
    شركة رش مبيدات بالقطيف
    شركة مكافحة حشرات بالقطيف
    شركة تنظيف بالقطيف
    شركة شفط بيارات بسيهات
    شركة مكافحة النمل الابيض بسيهات
    شركة نقل اثاث بسيهات
    شركة كشف تسربات المياة بسيهات
    شركة رش مبيدات بسيهات
    شركة مكافحة حشرات بسيهات
    شركة تنظيف بسيهات
    شركة رش مبيدات بالطائف
    شركة مكافحة حشرات بالطائف
    شركة كشف تسربات المياه بالطائف
    شركة نقل عفش بالطائف
    شركة تنظيف مسابح بالطائف
    شركة تنظيف خزانات بالطائف
    شركة تنظيف بالطائف
    شركة عزل اسطح بتبوك
    شركة عزل خزانات بتبوك
    شركة شفط بيارات بتبوك
    شركة تسليك مجارى بتبوك
    شركة كشف تسربات المياة بتبوك
    شركة نقل عفش بتبوك
    شركة تنظيف خزانات بالرياض
    شركة تنظيف قصور بالرياض
    شركة تنظيف فلل بالرياض
    شركة تنظيف شقق بالرياض
    شركة تنظيف بالرياض
    شركة نقل اثاث بالرياض
    شركة شفط بيارات بالرياض

    ردحذف

قول رأيك بلاش تقرا وتقفل من سكات...ارائكم تهمنى