الجمعة، 23 مايو 2014

ابغض الحلال - الجزء الثانى - الحلقة 4

الحلقة 4

بعدما تناولت نسمة الغداء مع سمير... اعدت الشاى وذهبت للجلوس معه...ناولته كوب الشاى
"البيت فِضى علينا ياحاج"
"آه والله... الواد صبرى كان عامل لنا حِس فى البيت"
"يالا ان شاءالله هو والبيبى اللى جاى يملوا عليك البيت يا بابا جدو"
"وعقبال ما اشيل ولادك انتى كمان"
"لا سيبك من ولادى دلوقتى وخليك فى امهم علشان فيه موضوع خطير عايزة احكيهولك"
انتبه سمير وهو يحثها على تكملة الحديث
"خير يا نسمة؟"
وقصت عليه نسمة ما حدث منذ أن سأل عليها دكتور حشاد يوم الخميس حتى مقابلتها له فى مكتبه اليوم... بعد ان انتهت سألها سمير
"هو متابعك من السنة اللى فاتت؟"
"ايوه"
"والدكتور ده سنه كام؟"
"معرفش كام بالظبط بس راجل كبير"
"وسمعته؟"
"محترم جدا ... يابابا هو لو مش كويس انا كنت فكرت فى كلامه"
"انتى بتفكرى؟"
"ايوه"
"طيب انتى بتسألينى ولا بتحكى لى عادى؟"
"انا قلتله انى مش هعمل حاجة الا لما استأذن بابا الاول... وطبعا مش هعمل حاجة غير بموافقتك وفى نفس الوقت لو رغبتى اشتغل اكيد مش هتمنعنى"
ابتسم وهو يقول
"وجايبة الثقة دى منين"
ردت ضاحكة
"متهيألى احنا عايشين مع بعض من زمان"
"انا رأيي تستنى لما تتخرجى وبعدين تبقى تشوفى الشغل اللى يناسبك...انما الدراسة مع البيت مع الشغل هيبقى كتير عليكى اوى"
"انا بقول اجرب ولو لقيت نفسى مش قادرة او مستوايا الدراسى قل يبقى اوقف شغل وخلينى على قد الدراسة"
"كتير يا نسمة... هيبقى ضغط عليكى من كله"
"بس فرصة واخاف اضيعها متتعوضش تانى"
"الفرص ارزاق وكل واحد بياخد نصيبه"
"ايوه طبعا... بس حاليا اللى متخرجين ومنهم بتقديرات عالية مش لاقيين شغل وانا جاتلى الفرصة دى من السما...اضيعها ليه؟"
"يعنى عايزة توافقى؟"
"اه"
"طيب عايز اشوف الراجل ده والمكان اللى هتشتغلى فيه ...لو حسيت بأى قلق بلاش منه الشغل ده"
صمتت نسمة لحظات
"انا معايا الكارت بتاع مركز الترجمة... اتصل بيه واقوله بابا عايز يقابلك؟"
"تمام كده...وبعدها نقرر"

                       ********************

فى المساء...فى مكتب يحيي
اتصل بعبير... وبمجرد ان سمعت صوته
"يحيي... ابن حلال كنت لسه فى سيرتك"
"خير...مع مين؟"
"كنت بتكلم مع هانى من شوية وقلت له انه مش فاضل غيرك يرد عليا"
"كلهم وافقوا؟"
"اكيد... وانت ايه الاخبار؟"
"موافق"
"مبروك... تحب تشوف المكتب امتى؟"
"اى وقت"
"خلاص هبقى اكلمك اقولك تيجى تشوفه امتى...بس طبعا الديكورات هتتغير تماما يعنى اللى هتشوفه بس المكان والمساحة سيبك من اى حاجة تانية"
"ماشى يا عبير ...هستنى منك تليفون فى اقرب وقت"

                      ********************

حدد دكتور حشاد مع نسمة موعد فى مركز الترجمة كما طلبت منه... وأخبرته ان والدها يريد مقابلته حتى يأذن لها بالعمل

ذهب سمير ونسمة فى الموعد المحدد... المركز عبارة عن شقة فى عمارة قديمة فى وسط البلد
مجموعة من الغرف مفتوحة الابواب بكل غرفة ثلاثة مكاتب... وغرفة مستقلة بها سكرتارية ومنها لمكتب دكتور حشاد

خرجت السكرتيرة من مكتب حشاد
"اتفضلوا... الدكتور فى انتظاركم"
دخلا ... استقبلهم دكتور حشاد بترحاب شديد... جلسا امامه فبدأ كلماته
"نورتنى يا افندم"
"متشكر... انا حبيت اتعرف بحضرتك لما نسمة قالتلى على عرض الشغل هنا"
"حقك طبعا انك تطمن على بنتك... الشغل هنا زى ما حضرتك شايف مركز ترجمة وفيه عندى ولاد وبنات خريجين ألسن وتربية وآداب والشغل بيبقى فترتين وطبعا علشان نسمة بتدرس فهتشتغل بالليل بس وفى الصيف تبقى تختار براحتها لو تفضل بالليل بس او تغير وتبقى الصبح"
كان سمير يستمع وهو يلاحظ كل ماحوله حتى يطمئن... فقبل دخوله لاحظ انهماك الموجودين فى العمل وكثرة المترددين على المركز... كما لاحظ مجموعة من الصور على جدار المكتب فى الجهة المقابلة لبعض الشهادات وشهادات التقدير
فى احدى الصور حسين مع سيدة اجنبية تقاربه فى العمر... وفى صورة اخرى شابة وزوجها وطفلين...فاستنتج انها اما صورة ابنه وزوجته او ابنته وزوجها... والطفلين احفاده
تطرقا لموضوعات مختلفة سريعة ...ولم يشأ سمير ان يطيل فى لقاؤه حتى لا يسبب اى ازعاج
فأستأذن فى المغادرة... وسأله حسين
"يا ترى نسمة هتبقى معانا ولا ايه؟"
"اذا كانت هتقدر توفق من غير ما مستواها يتأثر فأنا معنديش مانع...كفاية انها تبقى مع حضرتك"
"متشكر يا استاذ سمير... ها يا نسمة...معانا ؟"
"ان شاءالله يادكتور"
"خلاص من اول الشهر تيجى الساعة 6 ومعادك ل 10 ونص ان شاءالله"

انتهت المقابلة... وخرجت نسمة تتأبط ذراع سمير
تمشيا فى وسط البلد... وقفا امام بعد المحال واشترى لها جاكيت دون ان تطلب... تعشيا معا... آكلا آيس كريم وعادا للمنزل بعد منتصف الليل بقليل
قبل ان تدخل نسمة غرفتها...اقتربت من سمير وتعلقت برقبته وهى تقبله من وجنتيه ثم يده
"حبيبى ...شكرا على الفسحة الحلوة دى"
"المهم تكونى اتبسطتى"
"طول ما احنا مع بعض انا مبسوطة"
"ودى اكتر حاجة تسعدنى.. لما بشوفك انتى واخواتك مبسوطين"
"ربنا يخليك لينا يا احن أب فى الدنيا"
"ويخليكوا ليا... ليا عندك طلب"
"اؤمرنى يا حبيبى"
"اى حاجة تضايقك فى الشغل الجديد تقوليلى... وبلاش تقولى لحد بالظروف اللى مريتى بيها قبل كده... مش كل الناس كويسين"
"حاضر... متقلقش عليا"
                    
                      ********************

جلس رامى مع نوال على العشاء...بدا مترددا شاردا
فسألته نوال
"مالك يارامى... بتسرح كتير ليه النهاردة؟"
"مش عاجبنى الوضع اللى احنا فيه"
"وضع ايه؟"
"انك مقاطعة امى يانوال... بقالنا 5 شهور راجعين مفكرتيش حتى انك تزوريها"
"بقولك ايه يارامى... احنا عايشين كويسن ...انت كويس مع مامتك وكويس معايا... خلينا بقى كويسين على طول وانا ومامتك بعيد عن بعض"
"بس انا مش عاجبنى الوضع ده"
"مش عاجبك انت ولا مش عاجب مامتك؟"
"الوضع ده ميعجبش حد... مش معقول اخواتى واجوازهم وولادهم بيروحوا لها وانا اللى بروح لوحدى او انا وابنى لوحدنا...ميصحش كده ابدا"
"يصح اللى كانت بتعمله فيا"
"انتى قلبك اسود ليه... ما انتى ابوكى دخلنى المحكمة ومع ذلك بروح عنده عادى"
"لو قلبى اسود صحيح مكنتش رجعتلك بعد اللى عملتوه فيا... لو قلبى اسود صحيح مكنتش استحملت يتقفل علينا باب واحد بعد ما فقدت الامان معاك فى بيت اهلك... لو قلبى اسود صحيح مكنتش وافقت ان ابنى يروح عند اللى ظلمتنى وبهدلتنى وبهدلت اهلى"
نهضت نوال... ذهبت لغرفة صبرى تبكى بعدما تذكرت الايام السوداء التى عاشتها فى منزل اهل رامى
ظل رامى مكانه يفكر ... هل يصمم على طلبه منها العودة لزيارة والدته...ام يتركها كما تشاء ويكتفى بذهابه مع صبرى
مضت نصف ساعة وهو مكانه...بعدها ذهب يبحث عنها فى غرفتها فلم يجدها...ذهب لغرفة صبرى فوجدها جالسة بعيونها الدامعة بجوار صبرى الذى استيقظ من صوت بكائها
جلس على طرف السرير قبالتها
"انتى كل ده بتعيطى؟"
"انت مش عايزنا نعيش كويسين مع بعض ليه... احنا طول الفترة اللى فاتت عايشين مبسوطين ومفيش بيننا مشاكل...ليه عايزنا نرجع للمشاكل تانى"
"امى مشاكل يا نوال"
"يا سيدى امك على بلسم بس خلينا بعيد عن بعض"
"انتى كده بترتكبى ذنب... بتقطعى صلة رحم"
"انا لا منعتك ولا منعت ابنى منها... انا مش قادرة اروحلها ولا عايزة اتعامل معاها...ارجوك يارامى ارحمنى بقى من السيرة دى"
رد مستسلما
"طيب يانوال... انتى حرة"
تركها... وقبّل صبرى قبل ان يغادر الغرفة وهو يقول
"انا داخل انام...تصبحوا على خير"

                       *********************

على مدى الشهور الماضية استطاعت نسمة ان توفق بين دراستها وعملها...ساعدتها عمتها كثيرا فى تحمل مسئولية البيت بدلا منها دون ان تطلب... نجحت بتفوق فى الترم الاول مما طمأن سمير ... كما اطمأن من بعد مقابلته لحسين حشاد مع الاطمئنان الدائم من نسمة على عملها ودراستها

أما يحيي فقد تابع مع عبير وزملاؤه اعادة تأسيس المكتب مما اخذ شهورا طويلة ...واقترب موعد الافتتاح وبدء العمل مع اقتراب موعد ولادة نادية

                      ********************

فى احدى زيارات المتابعة فى الشهر تاسع لنادية
وبعد توقيع الكشف... والسونار
جلس الطبيب امامها وتكلم بكل هدوء
"وضع الجنين معكوس... والمياه بتقل"
ارتعبت نادية فسألته بقلق...فى نفس الوقت الذى سأل يحيي
"يعنى ايه؟"
رد الطبيب بنفس هدوءه
"ولا حاجة... بكرة الصبح ان شاءالله تيجى لى تولد قيصرى"
نادية"هنا؟؟؟"
الطبيب"اه هنا"
صرخت نادية"لا طبعا...انا لازم اولد فى مستشفى كبيرة ومُجهزة"
رد يحيي محاولا التخفيف من وقع عصبية نادية
"يعنى يادكتور بنقول لو مستشفى مُجهز يكون افضل من العيادة هنا"
مطّ الطبيب شفتيه وهو يرد
"انا عندى هنا غرفة عمليات مجهزة... والمدام مفيش عندها حاجة تقلق"
نظر يحيي لنادية فرأى شحوب وجهها...فقال
"معلش يا دكتور... لو ممكن فى مستشفى كبير يكون احسن"
الطبيب" مفيش مشكلة... انا بتعامل مع اكتر من مستشفى اختاروا منهم اللى تريحكوا... بس هتبقى مصاريف اكبر من هنا"
يحيي" مش مهم المصاريف... المهم تقوم بالسلامة"

                  ************************

فى السيارة وبعد نزول يحيي ونادية من عيادة الطبيب... ظلت نادية شاردة صامتة لا تتكلم اطلاقا...فقط شحب وجهها فجأة ولم يعد كما كان قبل زيارة الطبيب... فجأة قالت
"عايزة اروح لبابا"
نظر يحيي فى ساعته...فوجدها الحادية عشرة
"دلوقتى يا نادية؟؟"
هزت رأسها ولم تجب...فأكمل يحيي
"لما نروح نبقى نكلمه فى التليفون يقابلنا فى المستشفى الصبح"
سالت دموع نادية على وجنتيها
"ودينى دلوقتى يا يحيي... علشان خاطرى عايزة اروح لبابا"
لم يتحمل يحيي مقدار الالم والخوف الذى بدا فى صوتها
"حاضر"

                        *******************

ارتمت نادية بين ذراعى والدها وهى تبكى بمجرد ان فتح لها الباب
فسأل بقلق
"مالكم؟؟ انتوا متخانقين ولا ايه؟"
رد يحيي وهو محرج
"ابدا والله... احنا كنا عند الدكتور ونادية صممت انها تيجى دلوقتى"
سمير"بتعيطى ليه يا نادية... مالك؟"
ردت وهى تمسح دموعها وتحاول ان تبتسم
"مفيش... حبيت اجى اقعد معاكم شوية...هى نسمة مش هنا؟"
"لسه راجعة...بتغير هدومها"
ردت نادية بسرعة"انا داخلة لها"
دخلت نادية وجلس يحيي مع سمير... الذى سأله متأكدا عم حدث فحكى له يحيي تفاصيل كلام الطبيب وماحدث بالضبط حتى وصلا.

فوجئت نسمة بنادية تدخل عليها الغرفة
"ايه ده؟؟ جيتى امتى؟؟ مالك انتى معيطة"
حضنت نسمة وقبلتها وهى تطمئنها...ثم امسكت يدها وجلست بجوارها على طرف السرير
"نسمة... انا عايزة اقولك كلمتين بس اسمعينى ومتقاطعينيش"
ردت نسمة بقلق بالغ
"فيه ايه يانادية؟"
"انا رايحة اولد بكرة"
"مبروك ياحبيبتى"
"نسمة... انا خايفة ومش مطمنة... لو حصل لى حاجة اوعدينى انك تخلى بالك من بنتى"
ردت نسمة بدموعها التى سالت مع دموع اختها
"ايه اللى بتقوليه ده... ان شاءالله تقومى بالسلامة وتربى بنتك انتى وباباها"
"اوعدينى يا نسمة... انا عارفة انك احن واحدة ممكن تكون ام لبنتى... اوعى تسيبيها... انا متكلمتش مع يحيي بس هوصيه انى لو جرالى حاجة يسيبلك البنت من غير مشاكل...علشان لو حب يتجوز"
ولم تستطع ان تكمل... زاد بكائها...حضنتها نسمة وهى تبكى معها

                         ********************

كل لحظة تمر امام باب غرفة العمليات... تزيد من توتر وقلق الموجودين
تناهى الى مسامعهم صوت بكاء الطفلة... وانفتح باب غرفة العمليات
اقتربوا جميعا من الممرضة التى تحمل الطفلة... اخذتها نسمة وهى تبتسم فى وجهها الملائكى
لم تنظر لسمير ويحيي...فقط سمعتهما يسألا الممرضة عن الام
جاءت كلمات الممرضة باردة قاسية
"البقاء لله"
ارتفعت عيون نسمة مع وقع الكلمة فى اذنيها...فوجدت سمير وهو يسقط مغشيا عليه ودموع يحيي تغرق وجهه وهو يحاول ان يسند سمير... فضمت الطفلة وهى تبكى وتصرخ
"نااااااادية"




هناك 63 تعليقًا:

  1. :( الحلقة حلوة بس موت نادية وحش اوي

    ردحذف
  2. جميله قوي القصه بجد انتي مبدعه

    ردحذف
  3. :'( Ya 2albe :'(

    ردحذف
  4. يااارب يكوون حلم :'(

    ردحذف
  5. ليييييييه نادية تمووت .... ده اللي كانت خايفة منه في الجزء الاول :(

    ردحذف
  6. ليه ماتت حرام ده كانت خايفة اصلا

    ردحذف
  7. ليييييييه كده ياريت متكونش ماتت وتطلع بتحلم

    ردحذف
  8. الحلقة جامدة

    ردحذف
  9. ليه كده يا دندن بس عندي احساس انه حلم مش هعيط وهستني الحلقه الجايه (ام ياسين)

    ردحذف
  10. لا ليه كدا يا دينا ليه قلبى وجعنى يعنى كل اللى كانت حاسة بيه من اول الجواز طلع صح ؟
    منار

    ردحذف
  11. leh leh lej mknsh lazem tmout !

    ردحذف
  12. Gamelaaa awiiii ♥

    ردحذف
  13. ماااااااتت حرام بقا دلوقت يحيي ييأيس وعبير تعرف تقوم مستترجاه عشان يتجوزها ويدخل في مشاكل مع نسمه عشان البيبي

    ردحذف
  14. حلقه تحفه جدا بس اتمنى ان نسمه تكون بتحلم حاولى يا دينا تخليها بتحلم و تكون ناديه كويسه :( :(

    ردحذف
  15. لــيــــــه بس كده؟؟؟ حرام نادية تموت .. بس اتوقع انه بإذن الله تطلع نسمة بتحلم :)

    ردحذف
  16. يارييييييييييييت ميكونش ده حصل فعلا وتكون مماتتش :( :(

    ردحذف
  17. والله حرام بجد انا اعصابي تعبت لما قريت موت ناديه كنت هنام طيرت النوم من عيني

    ردحذف
  18. ممممممممممممم اعتقد انها ولو ماتت وماطلعش حلم
    يبقا نسمه هتتجوز يحيى عشان خاطر بنته متترباش من غير ام

    ردحذف
  19. ليه كده لا حرااااااااااام ناديه تموت

    ردحذف
  20. ليه يادينا حرام كله الا دينا ويحيي حرام تموت

    ردحذف
  21. سوري ناديه

    ردحذف
  22. لييييييييييييييييييييييييييييييييييييييييييييييييييييييييييييييييييه ليه موتى ناااديه ليه ده انا كنت من حلقتين بقر عليهم :( :(

    ردحذف
  23. يا عيني عليها مشافتش حتى بنتها :( ؛( :( ؛( :( ؛(
    كان قلبها حاسس
    Merna

    ردحذف
  24. المفروض مش تمووت لالالا

    ردحذف
  25. اللى عاشت خايفة منة حصل لها

    ردحذف
  26. لالالا يارب يطلع حد فيهم بيحلم
    هى خايفة من الولادة من الجزء الاول المفروض بقى مايحصلهاش حاجة حرام :(

    (gigi)

    ردحذف
  27. :O :O ناديه تمووت !!! لأ ليه كده ..لو ناديه ماتت يبقى كده مش حلو خالص واللي هيحصل بعد كده مشاكل معتاده حتى لو يحيى اتجوز نسمه برضه معتاد

    ردحذف
  28. لااااااااااااااااااااا بلاش تموت علشان خاطر البنوتة الصغيرة دى

    ردحذف
  29. قصه جميله بس مؤثره جدآ

    ردحذف
  30. لالالالالاالاللالالا ياريت يبقي حلم متموتيش ناديه

    ردحذف
  31. الحلقة حلوة جدا بس موت نادية دة صدمنى

    ردحذف
  32. سبحان الله هو فعلا الواحدة بتكون حاسة بنفسها كدة

    ردحذف
  33. سبحان الله هو فعلا الواحدة بتكون حاسة بنفسها كدة

    ردحذف
  34. لا يادينا مش موافقه :( ليه موتيها

    ردحذف
  35. لااااااااااااااااا هى ماتت بجد ولا بتهزرى الحلقه حلوه جدا

    ردحذف
    الردود
    1. يا ريت بتكون بتهزر ونسمة بتحلم

      حذف
  36. القصة حلوة اوي بس موت نادية بالقصة مش مناسب وياريت تكون نسمة بتحلم

    ردحذف
  37. القصة حلووووووه اوووووووي

    ردحذف
  38. ياحرااااااام يارب تكون بتحلم

    ردحذف
  39. انت موتيها ليييه يا دينا حرام عليكي انت غاوية وجع قلب اهئ اهئ يارب يكونوا بيحلمو والنبي متموتيهاااااش :'(:'(

    ردحذف
  40. يا قلبييييييي :'(

    ردحذف
  41. موتيهااااااااااااااااااااااا ليــــــــــــــــة انا كل لما اقرى حاجة انهاردة لازم حد يمووووووت ليه بتعملو كدا ..... مع انى لما بكتب لازم اوت حد و ممكن كلهم كمان ههههههههههههههههههههههههههههههههههههههه

    ردحذف
  42. ياااااااااااااااااارب يكووووووووون حلللللللللم ومش حقييييييييقه موضوع انها تمووووووت ده القصه جميله جدااااا الجزء الاول انتهى بحزن وماصدقنا في الجزء التاني ان الامور اتحسنت وكل الي فات هيتعوض يقوم يبتدي بنكد اكتر من حزن يعني طلعنا من حفره وقعنا في ضحضيره

    ردحذف
  43. انا قرأت الجزء الاول من تاني و مبسوطة انك بدأتي يا دينا كنت مفتقدة القصص دي بجد ❤️ ، و الجزء ده شكله هيبقى احلى من الاول بالتوفيق :)

    ردحذف
  44. الله يسمحك يا دينا يا رب يكون حلم والحلقة الجاية امتى من فضل ما تموتيهاش يا حبيبتي يا نادية

    ردحذف
  45. الله يخليكي لينا يا دينا , ودي القصة حلوة كتير بس موت نادية صعقني :( ويا ريت يكون حلم :) بتكون القصة احلى لو بالاخر الجميع يعيش ومحدش يكونو كلهم سعداء :* وكملي ,بالتوفيق

    ردحذف
  46. https://www.facebook.com/pages/%D8%A7%D8%A8%D8%AF%D8%A7%D8%B9%D8%A7%D8%AA/729988280346957?fref=nf

    ردحذف
  47. حررررررررررام لية موتى نادية انتى كدة خليتى الى كانت خايفة منة يحصل يارب يكون حلم

    ردحذف
  48. الحلقة الجديدة امتى بسرررررررررررررعة بليززززززززززززز

    ردحذف
  49. لالالالالالالالالالالالالالالالالالالالالالالالالالالالالالالا بقا تموووت لييييه حرااام كده والله انا مش عايزاه يحب عبير اوووووووووووووووف بقا

    ردحذف
  50. يااااااااااااااااه يارب يطلع حلم

    ردحذف
  51. طب ليه بس كدة ماكنا ماشين كويس
    بس الحلقه جامدة بجد

    ردحذف
  52. ليه كدا يادينا بس :(
    طب خليهم بيحلموا مثلا علشان القصه تكون حلوة

    ردحذف
  53. حلوه اوووي

    ردحذف
  54. ياجماعه الحلقه الجايه متي بالضبط انا كل يوم بدخل ابحث مش بشوفها

    ردحذف
  55. قصصك بجد وواو احسها احيانا خياليه شوي بس عن جد تسلم هاايدين

    ردحذف
  56. ع فكره اوول مره احب القراءه كده منك يادينا ومن قصصك رائعه الجمال وممكن حد يقولي الحلقه الجديده بتنزل متي او كل اد ايه تسلمو

    ردحذف
  57. لالالالالالالالالالالا مش معقول ليه كده يا دينا موتى الست لا حرام :'(

    ردحذف
  58. انا كنت متوقعة . وممكن يحيي يتزوج نسمة

    ردحذف

قول رأيك بلاش تقرا وتقفل من سكات...ارائكم تهمنى