الأربعاء، 1 أكتوبر 2014

بلاتوه




دخل مصطفى في منطقة شعبية.. ومن شارع لشارع متفرع آخر.. وكلما توغل في المنطقة ازدادت مظاهر الفقر على البيوت والمحال حتى وجوه الناس التي تعبر بجوارها وتنظر للسيارة الفارهة بتعجب.
كانت لميس تراقب كل ما حولها بصمت.. حتى توقف مصطفى خارج أحد الحارات وهمس بإحراج يحاول إخفاءه:
-وصلنا.
ترجلت لميس من السيارة.. وسألته:
-فين البيت؟

أجابها مصطفى وهو يشاور لداخل الحارة:
-العربية مش هينفع تدخل جوَّه.. مش هتمشي كتير تالت بيت ع اليمين.
سارا معًا داخل الحارة.. كم رأت من مشاهد تعبر عن حال الفقراء في شاشات التليفزيون، ولكنها لم تتقابل معها وجهًا لوجه من قبل، البيوت المتصدعة التي لا تعرف كيف يعيش فيها أهلها رآتها عن قُرب.. الأطفال الذين يلهون في الحارة ورغم برودة الجو نسبيًا إلا أن منهم من يرتدي -نُص كم.
بِركة صغيرة من ماء يبدو أنها متبقية من آخر موجة ممطرة يلهو فيها الأطفال بعضهم حُفاة، شعرت بالاشمئزاز ورغمًا عنها علَّقت:
-دول يعيوا كده.. المياه دي أكيد مليانة جراثيم.
ضحك مصطفى:
-لا عادي.. متعودين على كده.
كلمته تكررت في أذنها: "هل كان هو أيضًا أحد هؤلاء الأطفال في فترة مضت".
-تعالي اتفضلي.
وقف مصطفى أمام المنزل وهو يفسح لها الطريق، نظرت للسلم المظلم رغم ضوء النهار.. خافت:
-اطلع انت قدامي.. السلم يخوف أوي.
-متخافيش.. تعالي.
تقدمها بخطوات ومدَّ يده يمسك يدها:
-خلي بالك عشان فيه سلالم مكسرة.. إوعي تقعي.
رددت في سرها: "يادي النيلة".
أمسكت به خوفًا أن تُزَّل قدمها.. صعدا للدور الثاني، ووقف مصطفى أمام واحدة من الشقتين المفتوحان بابهما، نادى للداخل:
-مامااا.. تعالي.
لم يكن الحال في الداخل أحسن من خارج البيت بكثير.. فالحائط الذي كان يواجه باب الشقة.. أي في مواجهة لميس يقسمه تشققا مائلًا جعل لميس تتخيل للحظة ماذا لو تهدَّم المنزل كله فوق رأسهم جميعًا.. وإذا عُثِر على جثتها بين الأنقاض كيف سيفسر والديها وجودها في هذا المكان.. كيف سيفسران وجود جثتها مع جثة مصطفى؟
لم يحن لها وقت للإجابة فقد أتت والدة مصطفى ترحب بها، احتضنتها بشدة تعبيرًا عن فرحتها بقدومها.. رائحة ممتزجة من العرق وروائح شُبِّهَت لها أنها ثوم أو بصل.. لم تستطع تمييزها بدقة.
كانت ما تزال واقفة على مدخل الشقة..
-اتفضلى يا حبيبتي.. يا ألف خطوة عزيزة.
قال مصطفى مرحِّبًا:
-اتفضلي يا لميس.
نظرت لميس.. أين ستتفضل بالجلوس، وجدت أن الصالة الضيقة التي لا تتجاوز مساحتها 9 متر مربع تحتوي على كنبة كبيرة وسرير وتتوسط الصالة طبلية مُعدّ عليها الطعام.. لم تنظر لميس بدقة.. فقد كان الجو العام يثير اشمئزازها، أما ما زاد الطين بلة.. حين سأل مصطفى والدته:
-أومال اخواتي فين؟
-نزلوا يملوا مياه من الجامع.
-أنا شايف البستلة مليانة الصبح قبل ما اروح الشغل.
-كلها خلصت وانا بطبخ.
علقت أم مصطفى موجهه حديثها للميس:
-أصل المياه مقطوعة على طول مبتجيش غير يدوب كام ساعة بالليل.. وعلى طول بنملا مياه من الجامع اللي ف الشارع الرئيسي لما متكفيناش المياه اللي مليناها بالليل.
ترددت الكلمات مرة أخرى في رأسها وهي تربطها بعضها ببعض: "بستلة.. بتطبخ.. مياه من الجامع اللي في الشارع الرئيسي.. يعني الأكل ده معمول بمياه في بستلة وأكيد مكشوفة ويمكن وقع فيها أي حشرة.. احتمال وارد".
وقتها تأكدت لميس انها أن نجت من تهدم البيت فوق رأسها لن تنجو من تسمم محقق
.


اماكن تواجد الرواية
مكتبات الشروق
القاهرة (وسط البلد): 1 ميدان طلعت حرب | تليفون:0223912480 - 0223930643
القاهرة (مصر الجديدة): 15 شارع بغداد - الكوربة | تليفون: 0224171945 - 0224171944
القاهرة (مدينة نصر): سيتى ستارز مول - الدور الأول - مدخل 7 | تليفون: 0224802544
القاهرة (الزمالك): 17 شارع حسن صبري
القاهرة (المطار): صالة سفر 2،1 و صالة وصول 2،1
الجيزة: فرست مول – 35 شارع الجيزة | تليفون: 0235735035 - 0235685187
الجيزة (المهندسين): 26 شارع محمد كامل مرسى | تليفون: 0233361707 - 0233361774
طريق القاهرة الإسكندرية الصحراوى: واحة عمر | تليفون: 0101633711
الاسكندرية: سان ستيفانو مول | تليفون: 034690370 – 
0101633685




مكتبات ديوان
ش جامعة القاهرة الجيزة , الجيزة, الجيزة علامة مميزة: داخل كلية التخطيط العمرانى - جامعة القاهرة

159 ش 26 يوليو الزمالك , الزمالك, القاهرة علامة مميزة: بجوار بنك الاسكندرية

ش بورسعيد الشاطبى , الشاطبى, الاسكندرية علامة مميزة: اسفل مكتبة الاسكندرية - محل رقم4

كم 6 - طريق الاسكندرية القاهرة الصحرا, طريق الاسكندرية القاهرة الصحراوى, الاسكندرية علامة مميزة: داخل الاسكندرية سيتى سنتر

مربع 1258ف - طريق الاوتوستراد مساكن شيراتون , مصر الجديدة, القاهرة علامة مميزة: داخل صن سيتى مول - الدور الاول - محل رقم 17ب

105 ش ابو بكر الصديق ميدان سفير , مصر الجديدة, القاهرة علامة مميزة: امام كوك دوور

طريق الغردقة سفاجا طريق القرى , طريق القرى, الغردقة علامة مميزة: داخل سنزو مول


مكتبات اخرى بالقاهرة

المعادى
مكتبات : الكتب خانة\ ايجى بوك ستور\ النهار

وسط البلد
مكتبات: عمر بوك ستور \ ليلى\ افاق \ العربى
الجيزة :الرسم بالكلمات فى كايرو مول الهرم


الاسكندرية
مكتبة روايات الشباب
67 ش مسلم بن الوليد - ترام صفر
ت \ 5759865

بورسعيد
كتابيكو تانى محل على الممشى من ناحية المعدية

الاسماعيلية
كتابيكو ش السلطان حسين ممر عبده هاشم امام فودافون

دمياط
معرض نادى المستقبل اخر شارع الصعيدى دمياط الجديدة

المنصورة
المكتبة العصرية المشاية السفلية بجوار مارشال


هناك 15 تعليقًا:

  1. القصه حلوه جدا بس هو انا مش عايشه ف مصر هقدر اقرء الكتاب ازاي؟!؟ :))
    بالتوفيق :)

    ردحذف
  2. هو الرواية هتنزل على الموقع ولا اشترى الكتاب ؟

    ردحذف
  3. انا قرات كل القصص الموجوده على الصقحه وبجد انتى كاتبه ومؤلفه رائعه جدا جدا جدا وياريت اقدر اتواصل معاكى على الفيس بوك واتمنالك النجاح والتوفيق وتقدم اكتر

    noor

    ردحذف
  4. http://am7kayaty.blogspot.com/ بعد ازن طبعا احسن كاتبة واكبر كاتبة دينا عماد انا مبتدئة ولسة اول يوم للمدونة رأيكوا بقا :]

    ردحذف
  5. قصص جميلة جدا ومن واقع حياتنا
    علشان كدا بتلمسنا من جوا
    بالتوفيق وكملى نجاحك

    ردحذف
  6. لية معنتيش بتنزلى قصص على المدونة من زماااان؟؟؟؟؟؟:'(:'(

    ردحذف
  7. هو خﻻص مش هيكون فى قصص فى المدونة تانى. ؟؟؟؟

    ردحذف
  8. هو مافيش امل تنزل بني سويف
    ولو هي فعلا نازلة فين اماكن تواجدها

    ردحذف
  9. قصه جميله
    http://mybrilliantstar.blogspot.com/

    ردحذف
  10. انا كمان عايشه بره مصر و نفسي اشوف القصه ممكن تنزيليها على النت

    ردحذف
  11. انا مش مصرية و صراحة عايزة اوصل لروايتك باي طريقة :( في امل ... ؟

    ردحذف
  12. طيب ياريت نعرف احنا الي متغربين ازاي نوصل للقصص بتتباع برا مصر ياريت تعرفيني

    ردحذف
  13. قلبى كدة بيقولى ان مدام دينا مش هتدخل المدونة دي تانى اصﻻ عشان ترد علينا :((

    ردحذف

قول رأيك بلاش تقرا وتقفل من سكات...ارائكم تهمنى