السبت، 28 مايو، 2011

تحت سقف واحد...الحلقة 5

وقفت شيرين مكانها وهى مش قادرة تتحرك بعد ماسابها ومشى ... ايه ده هى حتى متعرفش اسمه ازاى تقول حاجة زى كده ... وجابت الجرأة دى منين... حست ان الناس كلها شايفة احراجها ركبت عربيتها وجريت بسرعة علشان توصل البيت وتستخبى فى اوضتها
كان ماليها شعور بالندم على تسرعها ومقدرتش تحكى حاجة لمروة لانها اكيد هتقول عليها مجنونة... وقررت انها هتعتذر عن السفر مهما حصل ومش هتعرض نفسها لموقف شبيه بكده تانى ابدااا.


ياسر
الميكانيكى الشاب... مشى وهو مش مصدق اللى سمعه وتقريبا كان بيكلم نفسه وهو ماشى ... ايه الموقف الغريب ده... ايه الست دى وازاى تساومنى على وظيفة مقابل جواز... اكيد وراها مصيبة عايزة تلزقها فى اى حد ... لولا انها ست انا كنت... ايه.. مش عارف... هو فيه كده فى الدنيا ... انا مش مصدق ... مش مصدق
وصل للحارة الشعبية البسيطة اللى عايش فيها ولاحظ عليه ابراهيم صاحبه شروده وهمهماته وهو ماشى ... وقعدوا مع بعض على القهوة ولما ابراهيم سأله عن حاله...حكى كل اللى حصل وهو ما زال مش مصدق
"ياعم ياسر مالك مكبر الموضوع كده ... انا قلت في حاجة كبيرة"
"ودى مش حاجة كبيرة... الست زى ماتكون عايزة تستغلنى وانا مش مطمن ولا مرتاح ولا عارف هى عايزة تعمل كده ليه"
"هى ست كبيرة ولا ايه؟؟"
"معرفش سنها بالظبط ومفيش كلام كتير دار بينا... هى اول مافاجئتنى بكلامها سيبتها ومشيت"
"يعنى انت عاجبك حالك ده وحال ابوك وامك واخواتك .. اتجوزها وسافر وارجع بقرشين تبدأ بيهم حياتك... انت عندك 28 سنة ويدوب بتساعد فى مصاريف اخواتك ...تفتكر عايز كام سنة علشان تعرف تتجوز"
"لالالا الله الغنى على دى جوازة ... انا طالع البيت سلام"
"سلام بس فكر تانى وشوف حال اهلك"
دخل ياسر البيت وكانت كل حاجة كالمعتاد... ابوه قاعد بيسمع الراديو وامه قاعدة فى الحمام قدام تل غسيل واخته ياسمين الاصغر منه قاعدة تذاكر لمحمد ومصطفى ...ولما شافته قامت حضرت له الغدا  وقالت له
"بعد ماتتغدا ياياسر عايزاك فى كلمتين"
"خير عايزانى فى ايه قولى"
"حسن قالى انه جاى لابويا النهاردة"
فقالها وهو بيضحك
"ومن امتى خطيبك بياخد معاد وهو جاى... ماهو عندنا على طول"
"لا ياياسر ده جاى لابويا علشان ياخد منه كلمة... ونحدد معاد الجواز"
"مبروك ياستى ربنا يتمم بخير"
"طيب والنبى كلمتين لابوك علشان كل مابتيجى سيرة تحديد معاد الجواز بيقلب ومبيديلوش كلمة"
"اطمنى هكلمه ونفرح بيكوا قريب"
بعد ماياسر خلص اكل راح لباباه وقعد جنبه
"ازيك ياحاج... عايزين نفرح بالبت ياسمين بقى كفاية 4 سنين خطوبة "
"نفسى افرح بيها يابنى واطمن عليها انا مش شايل همكوا انتوا صبيان انا نفسى اطمن ع البت الوحيدة اللى عندى"
"طيب مااحنا عارفين حسن وهو راجل وجدع وبيحبها"
"عارف يابنى بس اعمل ايه"
ومسح ابو ياسر دمعتين نزلوا غصب عنه  واتفاجئ ياسر
"مالك ياحاج انت مش عايز تجوزها؟؟"
"انا مش عارف اجوزها... لولا ان امك بطلة وعارفة تمشى البيت بال450 جنيه المعاش اللى باخده كنا اتفضحنا يابنى وجوعنا"
"يعنى ايه"
"يعنى حتى لو اختك قعدت 10 سنين كمان هعمل ايه؟ ماباليد حيلة"
قام ياسر وهو مش عارف يرد على ابوه ودخل نام
صحى من النوم على صوت ياسمين بتعيط ولما سألها عن السبب
"حسن جه وكلم بابا علشان يحدد معاه معاد ونفس رد كل مرة استنى شوية ...وقريب هقولك وكلام من ده... وبعدها حسن اتخانق معايا وسابنى ونزل... انا عارفة انه زهق ومعاه حق"
وقعدت تكمل عياط... اخدها فى حضنه وطمنها
"متقلقيش كام يوم وانا هحدد معاد مع حسن ...متزعليش بقى"
نطت الفرحة فى عينين ياسمين المليانة بالدموع ... بص ياسر فى ساعته كانت 1بالليل
مسك تليفونه واتصل بشيرين
"الو... استاذة شيرين...انا ياسر الميكانيكى... انا اسف على اللى حصل النهاردة... انا تحت امرك وموافق على كل اللى انتى عايزاه"

هناك 18 تعليقًا:

  1. هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

    لا تعليييييييييييييييييييييييييييق خالص مالص

    ردحذف
  2. توتا
    ليه لا تعليق؟؟؟؟؟؟؟؟؟؟؟
    علقى براحتك خالص مالص

    ردحذف
  3. هههههههههههههههههههههههههههههههههههههههههههه
    لا حول ولا قوه الا بالله وهو ده حال الدنيااااااااا


    يويااااااااااااا

    ردحذف
  4. يويا
    هىىىىىىىىىى
    دنياااااااا
    ههههههههههه
    نورتينى

    ردحذف
  5. اممممممممممممممممم...رد منطقى جدا....

    ردحذف
  6. د.هنودة
    قصدك رد مين فيهم اللى منطقى؟؟؟

    ردحذف
  7. بجد شرين ده معتوه يعنى بما انها جوازة بجوازة تتجوز حسام مش المكانيكى

    سلمى

    ردحذف
  8. هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه يخربيت الجنان

    ردحذف
  9. البنت ااتجننت
    والولد طلع اجن منها
    انا مش عارفة اعلق اقول اى بس
    يا عيينى الولد متطر
    الحمد لله على حالنا
    رودى

    ردحذف
  10. هي دلوقتي اللي بقت في موقف محرج جداً ياترى حاتعمل ايه ..ياللا يادندونة ..ماما زيزي

    ردحذف
  11. yalahweeeeeeeeeeeee hattgwez mikaniki :D dy mamtha hataklha :D

    ردحذف
  12. طب كنتى خليتى سنها 28 سنه ولا كبرتيه شويه ازاى تكون اكبر منه شكلهم وحش

    ردحذف
  13. ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه الموضوع بقي مسخــــره =))))


    ميس

    ردحذف
  14. هي حلوة جدا مدام من ايدك يا استاذة دينا حضرتك مش متصورة انا حبيبتك اد ايه وغيرت فكرت كتاباتي تماما

    ردحذف
  15. هههههههههه

    ردحذف

قول رأيك بلاش تقرا وتقفل من سكات...ارائكم تهمنى