الاثنين، 26 سبتمبر، 2011

آر(R) ... الحلقة 14 والاخيرة

الحلقة 14 والاخيرة
وخرجت رباب من المستشفى بعد تحسن حالتها وكانت المفاجأة ان الدكتور قال انها ممكن تاخد منه معاها وتتعامل معاها كأى طفلة طبيعية كاملة النمو

يوم السبت الصبح راح هانى على المنطقة التعليمية التابعة لها مدرسة النصر الابتدائية وسأل عن مكان المدرسة بعد مااتنقلت لمكان تانى
وعرف مكان المدرسة الجديدة...بعد ماراح المدرسة الجديدة كان اغلب العاملين فى المدرسة عملوا بها من 20 سنة على اقصى تقدير...وسأل هانى عن ملفات الطلبة فى العام اللى حصلت فيه الحادثة...وموصلش لاى نتيجة لان اقصى كشوف موجودة من 10 سنين... وراح وزارة التربية والتعليم وسأل فى الارشيف... وكان رد الموظف
"احنا عندنا اسماء الاطفال اللى اتخرجوا من المدرسة...انما كشف الاطفال اللى كانوا فى سنة اولى وحولوا خلال السنة...مش موجودين عندى"
وخرج هانى وحسام من الوزارة وهانى على وشه علامات خيبة الامل
"ايه يا باشا...مفيش قدامنا غير اننا نقيدها ضد مجهول...واضح ان فيه حاجة غير منطقية فى الموضوع"
"انا خايف ياحسام"
"هانى باشا يخاف...من ايه؟"
"خايف اسمع عن جثة طفلة مخنوقة لتالت مرة وانا واقف كده متكتف ومعملتش اى حاجة"
"ماهو ياباشا افرض روح البنت الرابعة بتنتقم...هنقبض على روح"
"اكيد البنت عاشت وبتنتقم دلوقتى"
"عاشت ازاى وتانى يوم الباب كان مقفول وهى فى الدور التانى ومفيش اى باب ولا مخرج من الشقة"
"مش عارف بس معنديش تفسير تانى... ومش هينفع افضل ساكت كده وممكن حياة بنت تكون معرضة للخطر"
"هتعمل ايه بس ياباشا"
"هروح ارشيف الوزارة عندنا... ومن تاريخ الحادثة اجيب المحضر واكيد فيه اسماء البنات كلهم واعرف اسم البنت اللى بندور عليها"
"وبعدين؟؟"
"ومن الاسم ندور فى السجل المدنى على عنوانها وان شاءالله هنوصل"
"ان شاءالله...يالا بينا"

وفى ارشيف الوزارة وبعد ساعات من البحث على المحضر المنشود... مسك هانى المحضر بايديه وهو بيقول لحسام
"اخيرا ياحسام هنوصل"
وفتح هانى المحضر علشان يقراه...كانت الحادثة زى ما رشا وروز حكوا بالظبط... وبدأ يدور على اسماء البنات...وقرأ
رشا... روز... رباب... ودقق هانى وقرب الورقة من وشه وكأنه بيتأكد من الاسم... رباب عبد الباقى
"مالك ياهانى باشا"
"رباب مراتى...هى اللى بندور عليها"
وجرى هانى على عربيته ووراه حسام
"متقلقش ياباشا ...اطمن"
واتصل هانى برباب علشان يحذرها بهدوء لانه عارف قد ايه هى بتخاف ...اكيد خوفها الدائم ده من اثر الحادثة
وبدأ تليفون رباب يرن

فى بيت هانى...رباب لابسة ومعاها منه
وجرس الباب بيضرب والموبايل بيرن
وفى لحظات حيرة بين الرد على الموبايل وفتح الباب...حسمت رباب الحيرة بانها فتحت الباب
"اهلا ياهدى...تعالى انا جاهزة"
"طيب يالا علشان الساعة داخلة على 2"
"هجيب التليفون بس وننزل على طول"

حسام سايق عربية هانى بأقصى سرعة فى اتجاه البيت...واتصل باللاسلكى لتحضير قوة فى ثياب مدنية لمحاصرة البيت
"ردت ياباشا"
"لا...بتصل تانى"
"انا اتصلت وهنعمل كمين عند البيت علشان لما القاتل ييجى فى اى وقت نكون متربصين له"
"سوق بسرعة ياحسام لازم اكون معاهم...مش هقدر احكى حاجة لرباب فى التليفون...ومش عارف تليفونها بقى مشغول ليه"

لما رباب شافت رقم هانى وكان الاتصال فصل...اتصلت تانى وكان التليفون مشغول
"يالا بقى يارباب"
"جاية اهو"
وحطت رباب التليفون فى شنطتها وحطت منه فى الشنطة الخاصة بيها...وسمعت الموبايل بيرن تانى
"ايه يارباب مش بتردى ليه"
"كنت بفتح الباب وبعدين لما جيت ارد لقيته فصل اتصلت بيك كنت مشغول"
"بتفتحى الباب لمين"
"دى هدى علشان نازلين"
"هدى مين؟؟ورايحة فين"
"ايه ياهانى التحقيقات دى...دى هدى جارتنا الجديدة ...وهى كتر خيرها قالتلى ان فيه حملة تطعيم ليوم واحد بس وهتيجى معايا نطعم منه"
"متنزليش معاها"
"ليه"
"مفيش...اسمعى الكلام واستنى...انا كلها دقايق وهكون عندك"
"قلقتنى ...قولى فيه ايه"
"خلى بالك من نفسك ومن منه لحد مااجى سلام"
بعد ماقفلت رباب...وقفت قلقانة ومش عارفة تتصرف وحست بايد على كتفها..اتفضت من الخضة
"اتأخرنا يارباب...يالا"
"هنستنى شوية علشان هانى جاى وقالى استناه"

واتصل هانى بوزارة الصحة يسأل عن اى حملات تطعيم... وكانت الاجابة ان مفيش اى حملات نهائى
"رباب ومنه فى خطر...سوق اسرع شوية ياحسام"

قعدت رباب مع هدى وهى قلقانة ومش عارفة فى ايه
عيطت منه...قامت رباب دخلت الاوضة
وبهدوء فتحت هدى شنطتها...ورشت اسبراى على منديل معاها
ودخلت الاوضة ورا رباب...وشممتها المنديل
وقعت رباب على السرير متخدرة...وبكل هدوء وبرود اعصاب اخدت هدى منه من على السرير...وراحت على الباب بسرعة
فى اللحظة اللى كان هانى بيفتح بيها الباب بالمفتاح
خطف هانى بنته من ايد هدى بسرعة...ومسكها حسام
وجرى هانى يطمن على رباب

وفى التحقيقات...هانى وحسام بيستجوبوا هدى كانت ردودها كلها هادية ومرتاحة وعلامات الرضا واضحة عليها
"انتى مين؟؟وقتلتى البنات ليه"
"قتلت البنات علشان انتقم لى ولامى"
"انتى مين بالظبط وايه علاقتك بالحادثة القديمة"
"انا ريم"
واتفاجئ هانى وحسام بردها
"انتى عايشة؟؟ازاى ؟؟وكنتى فين طول ال30 سنة اللى فاتوا"
وحكت ريم كل الحكاية زى ماحكوها رشا وروز...ولما وصلت للجزء الاخير...كملت
"انا قعدت اصرخ واحاول افتح الباب...هما كمان حاولوا يفتحوه بس من خوفى اغمى عليا...لما فقت كان الوقت بقى ليل والمكان كله ضلمة ...ناديت عليهم محدش رد...خفت...اترعبت...جريت على البلكونة اللى كانت بتبص على فصلنا...كان منظر المدرسة بالليل هوكمان مخيف... ومفيش حد ماشى فى الشارع ينجدنى..فكرت ارمى نفسى واموت ارحم من الرعب ده...حاولت ارمى نفسى...خفت..لقيت حبل قلت امسكه وانزل بيه...طبعا الحبل متحملنيش ووقعت على الارض...بعدها صحيت لقيت نفسى فى مستشفى وعرفت انى كنت فى غيبوبة 4شهور...سألونى عن اسمى...صوتى مخرجش لان الغيبوبة اثرت على النطق
واخدتنى ست كبيرة كانت غنية ومش بتخلف وقالت هتتكفل بعلاجى
بعد سنة عرفت اتكلم وقلت على اسم المدرسة واسمى...واخدتنى الست الطيبة دى وعرفت اللى حصل لامى وانها ماتت بعد مااتجننت من اللى حصلى...ورجعت مع الست الطيبة دى وربتنى وعلمتنى لحد ماماتت من 10 سنين وكتبتلى كل املاكها...وبدأت ادور على البنات اللى دمروا حياتى...عرفت كل حاجة عن حياتهم من سنتين بس...ولما رباب حملت بدأت انفذ خطة الانتقام من واحدة ورا التانية"
"وازاى اخدتنى البنات"
"كنت بتعرف على الام باى حجة وطبعا البنت كانت تعرفنى فكان سهل جدا استدراج البنات"
"وهانت عليكى البنات الصغيرين"
"مكنتش بقدر اموتهم بايدى علشان كده كنت بخنقهم بالايشارب... وكنت جايبة لكل بنت سلسلة بحرف R علشان يفتكروا اللى عملوه زمان ويتعذبوا طول عمرهم"
"وهما ذنبهم ايه؟"
"سابونى لوحدى...كان ممكن يبلغوا اى حد يلحقنى مش يسيبونى وكل واحدة ترجع بيتها وكأن مفيش حاجة حصلت"
"يعنى رشا وروز مش صعبانين عليكى"
"امى هى اللى صعبانة عليا...وياخسارة مقدرتش اكمل خطتى للاخر وانت افسدتها عليا"
"مش ندمانة"
"بالعكس...انا مرتاحة جدا"

                   النهااااااااااااااااااااااااااية

هناك 89 تعليقًا:

  1. بجد انتى فظيعه وحلقه تحفه عاشت ايديكى

    ردحذف
  2. زى ماتوقعت امبارح الحمد لله انها هى

    كتباتك حلوه ومنتظرين المزيد

    بس ليا تعقيب انتى كان ممكن تخلى الجزء بتاع الحكاوى روز ورشا وخطف منه فى حلقه واحده عشان مانتوقعش الى هيحصل لان حلقه امبارح كانت مبينه اوى الى هيحصل النهارده

    بس فعلااا انى رائعه فى انتظار المزيد انا توتا الى علقت على اللينك امبارح

    ردحذف
  3. جاااااااااامدة جدددا تسلم ايييدك ودى مش حاجة غريبة عليكى انتى فعلا فنانة ما شاء الله انا من اول اما قريت ذكرى سارة وانا مش عايزة قصصك تخلص بجد ما شاء الله .. هدى

    ردحذف
  4. بسكوتة
    ميرسى ياقمر كلك ذوق

    ردحذف
  5. توتا
    توقعك امبارح كان صح طبعا
    وموضوع الحكاوى دى اخدت 3 حلقات
    وحلقة النهاردة لوحدها تعادل حلقة ونص فى الكم
    فكان مستحيل انهم ينزلوا فى حلقة واحدة
    وبالنسبة للتوقع...انا عارفة ان حلقة امبارح كانت كاشفة الموضوع كله بس مكنش ينفع اضمها على حلقة النهاردة
    نوتيييييييييييييييينى واتمنى تتابعينى دايما ان شاءالله

    ردحذف
  6. هدى
    منورانى يا جميل
    ومتابعتك تسعدنى
    وان شاءالله القصة الجديدة قريبااااااا

    ردحذف
  7. هااااااااااااااااااااايلة يا دينا ... بس لو قريتى تعليقى ع الحلقة 12 ....هتلاقينى فقستها ...من ساعة حرف (ر)....ههههههههههههههههههههههه...انا طلع عندى حس بوليسى هايل
    بس بجد القصة حلوة اوووووى ...الى الامام

    ردحذف
  8. هنودة
    ههههههههههههه طبعا انتى فقستينى بس مكنش ينقع اقولك انتى صح
    يا حسك البوليسى الجاااااااااااامد
    ههههههه مش حسد ده قر طبعا

    ردحذف
  9. dina, ana 2rait 5 qesas f a2l mn youmain w ana msh awel wa7da ht2olk ank msA katba ra23a w msA btktby f kol 7aga bolisi w romancy w ro3b w 7sk l fokahy gamed awiiii
    ana 7bait a3l2 3la l qesa d l2nha a5r wa7da 2rtha w lesa hkml l ba2y ;) w 3shan ana l wa7eda mn l 4 bnat l mmotsh f l a5r hehehe 
    mstnya b2a ashgan t5ls 3shan a2raha kolha mara wa7da w rbna m3aky w mn tqdom l tqdom isA w yarab tgelk forca zay noha w qessk tb2a msh-hora bs mt3mlesh zayha w t7by l momsl l msh-hor :p:p
    rbna m3aky ya 2ammar :)
    menna

    ردحذف
  10. جااااااااااااااااااااااااااااااامدة بجد القصة
    اكتر من رائعة وتسلم ايدك وفي تقدم دايما ياااااااارب

    ردحذف
  11. جااااااااااااااامدة اوووووووووووى بس انا كنت بدأت اشك فعلا انها هى اللى كانت بتقتل وانها ما ماتتش

    نودى

    ردحذف
  12. بجد القصص بتاعتك كلها حـــــــــلوه اووووووووووووي استمري

    ردحذف
  13. حلوة اوى اقترحيلى حاجة تانية افراها بس بلاش رعب و النبى ..... انا قريت تحت سقف واحد و فوق احتمالى و ار و بين نارين و شبح الماضى


    تغريد

    ردحذف
  14. جامده جد ا يا حينا تسلم ليحك ودماغك وبرده غير متوقعت


    مونه

    ردحذف
  15. تسلم ايدك يا دينا بجد قصصك حلوه اوي
    الحمد لله اني عرفت النهايه انا كنت هترعب من اول حلقه
    ايه الرعب ده
    بس جميله اوي تسلم ايدك وتسلم دماغك

    ردحذف
  16. 7lwaa bs m3rfnash 3amlo feha eeeh?
    Tu2aa

    ردحذف
  17. بجد انا جسمى طول الحلقات كلها كان بيقشعر وبعيط بجد
    بجد القصه مش عارفه اقوله ايه اكتر منها انها ابداع لا حدود ليه بجد بجد احيكى جدا جدا جدا
    واسمى رودينا على فكره

    ردحذف
  18. بجد قصة رائعة جدا جدا جدا .. هيا اه ممكن تكون بتبان انها هيا القاتله .. بس مش مشكله .. محدش كان عارف ماتت او لا .. او مماتتش ازاى .. بس قصة جميلة جدا و تسلم ايدك و بالتوفيق دايما ان شاء الله

    مصطفى :)

    ردحذف
  19. بجد ماشاء الله على حضرتك
    قصة رائعة جدا جداااااااااااااااااااااااا ومختلفة تماما عن بقيت القصص

    ماشاء الله علي حضرتك وربنا يوفقك وننتظر المزيد
    dina salah

    ردحذف
  20. بصى هى كلمة واحدة بس هقولهالك يا دينا
















    جااااااااااامدة

    ردحذف
  21. مافيش ناس كده
    انا كنت خوفت اوى ...
    بس بجد قصة جامدة

    ردحذف
  22. wooooooooooooooooow bgd to7fa awi y dina w kolha ta4oyek w kant gamda kter

    ردحذف
  23. really really bgd enty gaMda mOOOOoooOOOt w kol rwayatk gamella rbna yof2k bgd <3

    ردحذف
  24. بجد كل قصصك خلوة جدا

    ردحذف
  25. ياااااااااااااااااااااااااااااا ربى قسما بالله انا ما قريت قصص فى حياتى بالروعة دى :)))))))))))))

    ردحذف
  26. القصة تحفة جداً .

    ردحذف
  27. gamdaaaaaaaaaaaaaaaa awiiiiiiiiiiii keep up

    ردحذف
  28. جميله جدا وفكرتها حلوة اوى :)

    ردحذف
  29. دي مريضه جدا جدا وتستاهل الموت اكتر من مرة حتى ولو كانت ظروفها ايه واحلي حاجه يادينا انك متختمتهاش باشباح زي ماكنا متوقعين بس بجد انتى هايله اوى ف كل قصصك وكتاباتك وبجد بمووووووووت فيكي ربنا يوفقك
    ميروو

    ردحذف
  30. تحففففففففففففففففففففففففففففه بجد.......جى جى

    ردحذف
  31. رووووووووووووووووووووووووووووووووووووووووووعه ^_^

    ردحذف
  32. بجد رووووووووووووووعه جداا

    ردحذف
  33. اهئ اهئ حراااام انا بخخخااااااااااف وبترعب من اقل حاجة :(
    مش كنتى تقولى من الاول انها فيها رعب :/
    هيا جامدة طبعا بس ده ميمنعش انى خفت وافتكرت حاجة كده زى الحوار ده شوفتها زمان :(
    وااااااااااااااااء انا خفت اوى

    ردحذف
  34. GamDaaaaaaaaaaaa aWiiiiiiii Bgd <3 <3

    ردحذف
  35. وااو بجد حلوه اووى وكاتباتك روعه وان شاء الله متابعه حاجات تانيه ....وتحفففه ومشوقه جداااااااوى (

    (ريري )

    ردحذف
  36. تحفففففففففففففففففففه مع اني ف الحلقة اللي فاتت دي اترعب شوية :D بس بجد انتي فناااااااااااااااااااااااااااااااااااانة

    ردحذف
  37. بجد تسلم ايدك يادينا روووووعه قصصك

    ردحذف
  38. اووووووووووف
    جباره يا دينا بجد خانت كل التوقعات اللي في البدايه
    تسلم دماغك يا فنانه

    ردحذف
  39. اووووووووووووف بقى جامدددددددددددددددددددددده جدا يادندن
    بس انا هموت من الرعب :D
    pinky




    ردحذف
  40. بجد القصه دى تحفه .. اكتر من رائعه

    ردحذف
  41. deena ana l7d dlw2tii msh 3rfa 22lk eah . l2n mhma 2olt msh hykfii 3likii ..:) tslmmmmmm eiiiiiiiiiiiiiiiiidkkkkkk <3<3

    ردحذف
  42. روعة كعادتك يا دينا

    ردحذف
  43. m4 la2ya comment ylee2 b el rw3a de bgd ksa to7faa mosera gdn w nhaya 8er mtwk3a b el mra bgd enti f3ln dma8 twzn bld ;) w tslm dma8k 3la el ksa elle klmt to7faa 2olyla 3leha :D

    ردحذف
  44. جميلة اوى اوى اوى اوى اوى تحفة بجد روعه تسلمى يا دودو وتسلم إيديكى

    ردحذف
  45. دي توحفه بجد انا عماله اعيط لغايت دلوقت
    دندونه ما شاء الله عليكي هايله في توصيل الاحساس # may

    ردحذف
  46. انا كنت قربت اصدق موضوع الاشباح :D بس بجد حلقه تجنن وكل قصصك تجنن

    ردحذف
  47. تـــــــــــــــــــحفه بجد انتي رائعه با أ/دينا بجد
    قصه معبره وجميله ومشوقه ونهايتها مؤثره تسلم ايدك
    ـــــــــــــــــــــــــــــــــــــــــــــــــــــــــــــــــ
    Rawan

    ردحذف
  48. تجنن يا دينا بجد تسلم ايدك وتسلم دماغك

    ردحذف
  49. نهااااااية اية فين النهاية فيين النهاية المفروض تاخد براءة و يطلق رباب و يتجوزها و يعيشوا فى نبات و ستات و يخلفوا ظباط و نبات

    ردحذف
    الردود
    1. ليه يطلق رباب

      حذف
  50. انا قريت يوميات حماه الجزء الاول والتانى وتحت سقف واحد و ذكرى سارة وحكم القلب وليست عذراء ومتابعة هل يشفع الحب حلقة بحلقة
    وكلهم جامديين جدا وحضرتك كاتبة رائعة جدا
    لكن القصة دى اجمد قصة قريتها
    حضرتك فلا كاتبة كبيرة ورائعة جدا
    ونفسى اشوف اعمال كامسلسلات فى التلفزيون
    لانها هتحقق نجاح عالى وجامد جدا

    سما

    ردحذف
  51. روعه روعه كتاباتك و انتي كمان روعه
    افكارك مذهله =))

    merna sorour

    ردحذف
  52. بجد تحفه انتى ازاى بيجيلك الخيال ده فزيييييييييييييه
    تسلم ايدك بجد

    ردحذف
  53. تسلـــم ايدك يا استاذه دينا .. كالعاده رواياتك ملهـــاش زي :)


    ميس

    ردحذف
  54. بجد انتي مبدعه جدا انا قرأت القصه كلها مقدرتش مش اخلصها والاحداث مش مفقوسه خالص كل الاحداث تودي الشك لحاجه تانيه خالص غير اللي حصل وتسلم ايدك انابقرا كل قصصك وخلاص فاضلي كام واحده ويخلصو واحلي واحده واول واحده قرتهالك كانت تحت سقف واحد ودي بجد من اجمل القصص اللي قرأتها في حياتي …… هند

    ردحذف
  55. أول تعليق ليا في المدونة العظيمة ديه :D أنا قريت كل القصص اللي فاتت و أول كومنت اعمله ده عشان ديه أول قصة اتوقع نهايتها من أول ما روز حكت الحكاية و كنت بشك في حاجة قبلها في حرف الـ R اللي في اسماء الأمهات :D و توقعت إنها تلف و تيجي في هاني .. و في نقطة لازم يعرفها أي ظابط إنو لو كانوا قيدوا القضية ضد مجهول كان زمان بنت هاني الوحيدة ماتت و لو هاني مقمش بواجبه كان زمان بنته ضاعت منه ... و بجد أنتي مؤلفة عظيمة و عندك فكر رهيب :D

    ردحذف
  56. انا كنت خيفة و انا اعدة اقرا القصة لان اسمى بيبدء بحرف R لكن دلةقتى حسبيا اللة و نعم الوكيل فى الاسمها ريم دى

    ردحذف
  57. بس بجد قصة مشاء الله عليكى و مبروك على نهاية القصة و عبال القصة الجاية و بجد تسلم الايادى

    ردحذف
  58. شكرا جدا روووووعة تسلم ايديك بس منهم لله البنات الحرقوا القصة في الكومنتات بس عموما شكرا جدا

    مها

    ردحذف
  59. helwa awy w anty tare2t ktabtk moshaweka w ra23a msa

    ردحذف
  60. حلوة اوى اوى القصة دى بس مخطرش على بالى ابدا كل اللفة دى

    ردحذف
  61. hhhhhhhh ana kont 5oft bgd nty fze3a bs bgd gaaamda awy


    y

    ردحذف
  62. انا مش مقتنعه .. اللبنت لما وقعت من الحبل مين اللى وداها المستشفى و لما دخلت فى غيبوبه معقول محدش سأل المدرسه اللى جنب المكان اللى لقوها فيه .

    ردحذف
  63. gamda gdddy ya dina

    ردحذف
  64. قصة جاااااااااااااااااااامده وجميله كعادتك..دمتي مبدعه يادينا

    ردحذف
  65. الله يخربيتك كتتي هتقتلي البت اللي حيلته

    ردحذف
  66. بجد انتي روووووووووووعه اذاي قدرتي تألفي قصه كده.... دي قصه تحفه بجد

    ردحذف
  67. حلوة اووووى اووووووى


    رقى

    ردحذف
  68. قصه تحفه بجد تسلم ايدك

    ردحذف
  69. علي فكره القصه تحفه مع اني خفت في الاول بس القصه جميله

    ردحذف
  70. تثدفى انى و الله خيفه اقوم من على السرير و مرعوبه

    ردحذف
  71. تحفة بجد انا جسمى أشعر جااامد منها

    ردحذف
  72. بجد انتي كاتبة جباااااااااااااااااااااااااااااارة

    ردحذف
  73. انا اه جديدة بس قريت كل قصصك تقريبا بس القصة دي روووووووووووووووووووووووووووووعة بجد حلوة اوي وكنت حاسة ان رباب هي البنت الثالثة الي اسمها يبدا بحرف ( ر ) وان ريم عايشة وهي الي بتنتقم

    بجد انا بحييكي على موهبتك وابداعك في التاليف ومستنية قصص اكتر واكتر

    الاء

    ردحذف
  74. قصه روووووووووووووووووووووووووووووووووووووووووووووووووووووووووووووعه بس مخيفه شويه

    ردحذف
  75. انا بستمتع جدا وانا بقرأ قصصك يا استاذه دينا بجد حاجه جميييييييييييييييييييييييييييييييييييييييييييييييييييييييله اوي

    ردحذف
  76. وانا هفضل اتبعك دايما باذن الله ياجميله ياسكره

    ردحذف
  77. انا لسه باتابع القصص الايام ده عشان مكنتش اعرف حاجه عنها قبل كده بس بجد تحفه وتسلم ايدك ودماغك اللى بتكتب الحاجات ده وباتمنالك التوفيق يارب

    ردحذف
  78. مش قادرة اقولك غير تسلم ايديك

    ردحذف
  79. بجد ما شاء الله عليكى تسلم ايدك و افكارك المتيقنه عشان تبدعى مثل هذا الشئ و ان شاء الله هحاول اعثر على الكتاب هو هيبقى صعب بالنسبالى عشان انا عايش بتركيا بس ان شاء الله هتوصله .

    ردحذف
  80. حلوة اوى اوى اوى تسلم ايديكى انتى فعلا فنانه انا اشك انك تعرفى حد ظابط او انتى ظابطه هههههههههههههه
    المهم القصه حلوة اوى انا توقعت فى الاول ان السلسله اول حرف من حرف القاتل بعد كده توقعت ان القاتل البنت الربعه بعد كده توقعت ان رباب هى اللى مستهدفه

    بس حرام على ريم دول كانوا فى الاول والاخر لسه صغيرين ميعرفوش حاجه

    ردحذف
  81. حلوة جدا يادينا
    مكنتش اصدق انى ريم هى اللى بتقتل
    وياحرام البنات اللى ماتوا دول
    ع العموم ربنا يوفقك وكتابتك كلها جميلة

    ردحذف
  82. حلوة اوى اوى اوى
    .
    .
    .
    .
    .
    .
    .كالعادة

    ردحذف
  83. ياربي قصة رهيبة ونهاية فظيعه ....
    بس انا توقعت ان اللى قتلتهم هى ريم وتوقعي طلع في محله . ...
    ميرسي على القصة التحفة دى .

    ردحذف
  84. دينا بجد بحب قصصك أوي وبحبك أوي ربنا يخليكي لينا

    ردحذف
  85. فى طريقه اقدر احمل بيها القصص دى على هيئه كتب على الغون

    ردحذف
  86. فى طريقه اقدر احمل بيها القصص دى على هيئه كتب على الغون

    ردحذف

قول رأيك بلاش تقرا وتقفل من سكات...ارائكم تهمنى