الأربعاء، 30 يناير 2013

الحب على كفة ميزان... الحلقة 18 والأخيرة

الحلقة 18 والاخيرة
فى بيت علا... المأذون قاعد فى مكانه
علا مش ثابتة ف مكان...تقعد وتقوم تبص من البلكونة وترجع تقعد تانى دقايق وتقوم تبص من البلكونة
داليا لتانى مرة بتقدم شاى للموجودين
عصام خرج البلكونة يشرب سيجارة
احمد بيروح يقف مع عصام شوية ويرجع يقعد مع المأذون شوية
ليلى قاعدة مكانها حاولت تقول لعلا اى كلام...ملقتش سكتت
كل واحد من الموجودين جواه كلام كتير ومحدش فيهم بيتكلم

لم المأذون اوراقه وهو بيقول بصوت واطى
"لا حول ولا قوة الا بالله"
علا"قايم ليه؟؟"
المأذون"معلش يابنتى العريس اتأخر وانا مش هينفع افضل قاعد كده"
علا"معلش زمانه جاى...هو قال جاى"
المأذون"احنا قاعدين كده بقالنا ساعة ونص ومجاش"
احمد اتدخل فى الكلام
"ماشى يا مولانا... اتفضل حضرتك ولما العريس ييجى هنجيلك المكتب لو ملحقناش النهاردة يبقى بكرة"
مشى المأذون
ليلى بإحراج وحزن على علا
"عصااام... يالا احنا"
عصام"ماشى يالا"
علا"رايحين فين...مش هتستنوا حسام"
احمد وداليا بيبصوا لبعض وعارفين ان اكيد حسام مش جاى
داليا"علا...لو حسام كان جاى كان زمانه جه او حتى اتصل"
علا"اه صح.... اتصل بيه اشوفه اتأخر ليه"
واتصلت علا بحسام... وكل الموجودين عينيهم متعلقة على علا
لحظات بتمر زى الساعات... علا ماسكة الموبايل وكلها امل ان حسام يرد عليها
الاتصال فصل... كررت علا الاتصال تانى
وكل الموجودين فهموا ان حسام مبيردش عليها
واتضايقت ليلى من موقف حسام اللى مضايقها من زمان
ليلى"حسام مش هيرد ياعلا"
راحت داليا وقفت قصاد علا...بصت لها علا
داليا"خلاص ياعلا... اللى حصل حصل ...كل شئ نصيب"
قالتها داليا وصوتها بيتخنق
نظرات علا وداليا والاتنين دموعهم بدأت تنزل
اخدتها داليا فى حضنها وعيطوا
ليلى قربت منهم وطبطبت على علا
ليلى"ماتتصل بيه على البيت ياعصام... خليه يقطع عرق ويسيح دم مش يسيبنا ويجرى كده ...على الاقل علا تعرف جاى ولا مش جاى"
واتصل عصام بالفيلا عند حسام

كامل بيتسند على الحيط...خبطت حورية حسام فى دراعه وهو واقف
"اسند ابوك لحد تحت"
اتقدم حسام ناحية باباه... مد له ايده ببرود
ومد الاب ايده لحسام بدموع محبوسة ف عينيه
                             ***************
منيرة وحورية بيبصوا لبعض مستغربين
حورية"ابوك مات وانت هتروح تخطب؟؟!!!"
حسام"اه...انا رايح اعزى زى اى حد غريب وراجع...لا هقف اخد عزاه ولا انا زعلان انه مات...ابويا مات من زمان مش النهاردة بس... الله يرحمه ويغفر له اللى عمله... هحضر الجنازة وارجع نروح لعلا"
حسام بيفتح عينيه... نايم على سرير فى مستشفى
دموعه نازلة وهو بيفتكر احساسه ناحية باباه
صدره عارى ومتصل بأجهزة...كلها تصدر صوت عالى مع اضطرابه
تدخل ممرضة بسرعة...تبص على الاجهزة...تخرد تنادى الدكتور
الدكتور يدخل... يشوف الاجهزة ويكتب للممرضة حقنة لحسام
الدكتور"مينفعش تفكر فى اى حاجة ممكن توترك علشان الازمة المرة دى كانت شديدة... لو الحلة استقرت للصبح هننقلك على غرفة عادية...لو فضلت تفكر وتنفعل ممكن الحالة تتأزم اكتر"
"مين جابنى هنا... احنا النهاردة ايه"
"الاسعاف جابك والنهاردة الجمعة"
"محدش سأل عليا...ولا ولادى؟؟"
بص له الدكتور وهو متردد
"متفكرش فى حاجة غير صحتك...الزيارة ممنوعة...المهدئ ده هينيمك ...شد حيلك علشان تتحسن ونسمح بالزيارة"

علا داخلة المستشفى... طالعة للدور اللى فيه حسام
شافت الممرضة
"مساء الخير يا صفاء"
"مساء النور يا استاذة...عندى ليكى خبر حلو"
"خير...يارب حسام يكون اتحسن"
"اتحسن واتنقل غرفة عادية... ربنا يشفيه ان شاءالله"
طلعت علا فلوس من شنطتها
"خدى يا صفاء...حلاوة الخبر الحلو ده"
"تسلمى يا استاذة... اتفضلى اوريكى اوضته"

مروة فى اوضتها...بتعيط وهى بتلم باقى الهدوم بتاعتها فى شنطة
دخلت عليها حورية... قعدت جنبها على السرير
طبطبت عليها وخدتها ف حضنها
مروة بتعيط فى حضنها
"متعيطيش يا مروة... انا حاسة بيكى وعارفة احساسك ايه دلوقتى... بس فكرى بعقل شوية"
"عقل... عقلت كتير قبل كده وكانت النتيجة ايه"
"يا بنتى اسمعينى...انتى ليه تسيبيهولها وهو جوزك انتى... هى ايه اللى يربطها بيه علشان تبعدى انتى وتسيبى الطريق قدامها"
"انا مش هحارب حرب خسرانة...حسام عايزها وده اللى مقويها"
"انتى لسه سمعتى رأى حسام... وبعدين الست الاصيلة تقف جنب جوزها ف ازمته مش تسيبه"
"متخافيش عليه هو مش لوحده"
"غصب عنى لازم اخاف عليه علشان هو ابنى وانتى بنتى وولادكم دول يابنتى ايه ذنبهم انهم يكرهوا ابوهم اللى روحه فيهم"
"ذنبهم انه فكر فى نفسه ومفكرش فيهم ولا فيا... انتى بتغلطينى انا ياخالتى وكل حاجة على يدك"
"مش بغلطك ولا حاجة... انا بس مش عايزاكى تتسرعى"
"متسرعتش ...انا بعت الشغالة نضفت الشقة هناك والنهاردة هكمل باقى الحاجات اللى محتاجاها من هنا...وانتى ياخالتى ملكيش دعوة باللى حصل...انتى امى وانا مقدرش اسيبك...انتى تعالى عيشى معانا...معتقدش العروسة الجديدة هيكون عندها وقت تراعيكى ولا انتى هترتاحى معاها"
"وانتى تمشى من بيتك ليه... ده بيتك وبيت عيالك... انا بس عايزاكى تودينى لحسام...عايزة اطمن عليه"
"اروح تانى بعد اللى حصل فى المستشفى... ترضيهالى"
"يعنى مش عايزة تطمنى على جوزك"
"هموت واطمن عليه... بس بعد اللى حصل فى المستشفى خلاص مش عايزاه ولا عايزة حاجة تربطنى بيه"
"والعيال يامروة؟"
"مالوش عيال عندى...يروح يخلف من الهانم بتاعته ويسيبنى انا وعيالى ف حالنا"
واتكلمت حورية وصوتها مخنوق بالدموع
"انا مش قادرة مروحلوش...انتى ام وعارفة...ومقدرش اروح لوحدى"
طبطبت عليها مروة
"هقوم اصلى المغرب واوديكى لحد المستشفى واستناكى فى التاكسى واخلى حد من اللى بيشتغلوا فى المستشفى يطلعك وينزلك لما تطمنى على حسام... اكتر من كده مش هقدر"
عيطت حورية...من قلة الحيلة

علا داخلة اوضة حسام
"ازيك ياحبيبى"
اتعدل حسام
"علا... هو انا محدش بيجيلى ليه...انا من الصبح وانا هنا لوحدى...فين مروة وماما وولادى....محدش بيسأل عليا ليه"
"مروة!!! انا جاية اطمن عليك الاقيك بتسأل على مروة"
"انا عايز افهم...هما فين؟؟انتى تعرفى حاجة"
"مش مروة قالت لك مش عايزة تعيش معاك...خلاص ياحسام هى اللى طلبت وهى اللى قالت...انت مظلمتهاش"
وبنرفزة اتكلم حسام
"فهمينى ايه اللى حصل من يوم كتب الكتاب"
"يومها انت اتأخرت...عصام اتصل بالفيلا عندك وعرفنا انك تعبت ونقلوك على هنا"
"مروة كانت معايا"
بصت له علا بغيرة وغل
"مروة مروة مروة.... انت عايز منها ايه...خلاص انا عرفتها كل حاجة"
"عرفتيها ايه ياعلا...واتقابلتوا امتى واتكلمتوا ف ايه"
"لما جيت لك هنا ولقيتها هى وابنك الكبير... زعقت لى وبتقولى انى السبب...رديت عليها وقلتلها انك عمرك ما حبيتها وانك كنت مستحملها السنين اللى فاتت دى كلها علشان ولادك بس وانى مش هسيبك بعد مارجعنا لبعض"
"ليه ياعلا...ليه قلتى لها كده حرام عليكى"
"حرام عليا...حرام عليا ايه؟؟ انت عايز ايه بالظبط...عايز مين فينا"
"مش عايز ولادى يكرهونى....مش عايز وانا تعبان ملاقيهومش جنبى... مش عايز لما اموت مياخدوش عزايا ...مش عايز اكون انا روحى فيهم ومش فارق معاهم...مش عايز احساس ولادى ناحيتى يبقى زى احساسى زمان ناحية ابويا...فاكرة ياعلا ولا نسيتى...فاكرة انه يوم مامات انا جيت اخطبك ومحضرتش عزاه"
وردت علا بحسرة
"وانا ذنبى ايه ف كل ده"
"وولادى مالهمش ذنب يتحرموا منى بارادتى"
قامت علا
"خلاص ياحسام...فهمت... قد ايه انا كنت غبية وساذجة لما مشيت ورا قلبى وعشت على وهم حبك طول السنين اللى فاتت دى...انا كنت بالنسبة لك الحب والحلم اللى فضل حلو علشان بس محققتهوش... انما مروة كانت هى الحب اللى ف حياتك مهما حاولت تنكر او حتى لو مكنتش حاسس بده"
"والله بحبك ياعلا...بحبك ومش ممكن احب حد زيك"
"كنت بتحبنى"
"وهفضل احبك"
"يعنى انا ولا مراتك ياحسام"
سكت حسام
"اياك يا حسام تظهر فى حياتى تانى... الحمدلله انى اكتشفت الحقيقة دى قبل ما نتجوز والا كنت هتسيبنى اول ما مراتك تعرف... تانى مرة تختارها وتسيبنى... بكرهك وبكره الايام اللى عشتها ف وهم حبك"
نزلت علا من عند حسام... ولاول مرة حست انها حرة
اتحررت من حب حسام بموقفه الاخير معاها
مش حزينة...بالهكس حست انها فرحانة انها فهمت الحقيقة قبل ما تتجوزه وتخسر اكتر من اللى خسرته
وهى خارجة من باب المستشفى...شافت حورية نازلة من التاكسى ومروة معاها
تجاهلتهم ومشيت... خطوات ورجعت لهم تانى

مروة شايفاها جاية عليها..
"عايزة ايه تانى...متخافيش مش طالعة له"
"انا بعتذر لك عن كل اللى قلتهولك اول امبارح"
مروة مستغربة وبتبص لخالتها...
"انا كنت فاهمة غلط... حسام بيحبك انتى واول ما فاق سأل عليكى انتى ... وخلاص مفيش اى حاجة ممكن تجمعنى انا وهو بعد كده"
مروة مش عارفة تضحك من الفرحة ولا تكمل فى زعلها من حسام
"انا جيت اعتذرلك علشان ابقى خلصت ضميرى من ناحيتك"
مشيت علا وراحت ناحية عربيتها

حورية واقفة
"هااا...هتطلعى معايا لجوزك ولا لأ"
"مجروحة منه اوى"
"ماهى قالت لك انه اول ما فاق سأل عليكى انتى وهى مشيت ... العتاب بقى يبقى لما يخف"
نزلت معاها مروة... ومسكتها من دراعها ودخلوا المستشفى مع بعض

علا بعد ما خلصت الحلقة
دخلها احمد ف الاستوديو
"مالك ياعلا...ملحقتش اسألك قبل الحلقة"
"مالى يا احمد"
"مش عارف بس متغيرة"
"فرحانة"
"فرحانة؟؟"
"ايوه...عارف احساس الاعمى لما بيفتح ويبدأ يكتشف كل حاجة من اول جديد"
"لا بصراحة معرفوش"
"انا بقى عرفته النهاردة... المهم انت مروح ولا ايه"
"اه شوية كده ومروح"
"طيب انا جاية ابات عندكم النهاردة...ممكن"
"يا سلام ...احنا نطول..ده انتى تنورى...بس مش قادر مسألكيش ليه"
"عندى كلام كتيييير اوى عايزة احكيه لداليا...عايزة اقولها كنتى صح ف كل كلمة وحرف كنتى بتقوليها على حسام"
"لالالا كده بقى الموضوع كبير وعايز اعرف انا كمان"
"لما نروح هحكيلكم اللى حصل النهاردة... يوم الإفراج"

حسام داخل الفيلا بيتسند على مروة وسيف
جت رحمة تجرى عليه
"وحشتنى يا بابا"
وطا لها وحضنها...وجه معاذ جرى عليه وحضنه
مروة"استنوا لما باباكم يطلع فوق علشان تعبان"
حسام"طول ما انا وسط ولادى ببقى مرتاح"
                   ********************
حسام على السرير... ومروة خارجة من الاوضة
"مروة"
"نعم"
"شكرا"
"على ايه"
"انك مسيبتنيش"
رجعت مروة وقعدت جنبه
"نفسى تقدر ياحسام انى بحبك...وانى فعلا استحملت حاجات كتير منك ومكنتش بحسسك انى متضايقة واقول لنفسى كفاية انك جنبى...بس فى النهاية الاقيك بتخوننى...احساس الخيانة وحش اوى ياحسام"
"سامحينى يامروة... انا مبحسش بالراحة غير معاكم"
"وعلا؟؟"
"علا ماضى مش عايزين نتكلم فيه... احنا حاضرنا ومستقبلنا مع بعض وده الاهم...ارجوكى متفتحيش معايا موضوع علا تانى"
"هحاول يا حسام... وكله بايدك انت... لو انت نسيتها اكيد انا كمان هنساها"
"هننساها يامروة"

علا الصبح بتلبس فى اوضة منه ...دخلت عليها داليا
"انتى لبستى...انا كنت جاية اصحيكى"
"لا صحيت ولبست وهنزل قبل ما اتأخر"
"انا فرحانة اوى يالولو انك واجهتى اللى حصل بالقوة دى"
"الحمدلله انى فوقت ف الوقت المناسب"
"الحمدلله...يالا علشان تفطرى قبل ماتنزلى"
"حاضر يا مدلعانى"

علا داخلة مكتبها فى الجورنال... اتفاجئت
"وحييييييد"
"مرضيتش اكلمك وقلت افاجئك"
"مفاجئة حلوة اوى...حمدالله ع السلامة جيت امتى"
"امبارح بالليل"
"تامر عامل ايه"
"الحمدلله ... العملية نجحت ورجع يشوف تانى"
"الف الف مبروك"
"الله يبارك فيكى... مش هعطلك عن شغلك بس جيت اسلم وعليكى واقولك اى وقت فاضية فيه انا موجود ...علشان اعرف الموضوع المهم اللى كنتى عايزانى فيه قبل ما اسافر"
"اممم طيب النهاردة بعد الحلقة ممكن نتقابل ونتعشا مع بعض"
"تمام...هجيلك الاستوديو"
"اتفقنا"

حسام بيفطر ... مروة بتصب له الشاى
"خدت الدوا ياحسام"
"ايوه"
"الجرايد عندك جنب الشنطة لو عايز تاخدهم معاك"
"ماشى يامروة"
خلص حسام فطاره...دخل المكتب ياخد شنطته
مروة مشيت وراه...بصت عليه من بعيد
مسك الجرايد وقبل ما يحطها فى الشنطة
لفت نظره ان الجرايد اتفتحت واتطبقت على صفحة داخلية مش الاولى...مسك الجورنال وشاف خبر بصورة كانوا محطوطين قدامه

"تهنئة من اسرة الجريدة بزواج الزميلين
وحيد محفوظ وعلا صالح
مع تمنياتنا بالسعادة
اسرة التحرير"
بص حسام على صورة زفاف علا ووحيد...وساب الجرايد تانى
اخد شنطته وراح ناحية الباب ...ولما وصل لمروة
"شفت الخبر يامروة...مش اتفقنا اننا هننساها"
ردت مروة وهى حاسة بالاطمئنان
"اتفقنا"

بعد سنة...علا فى مكتبها بتشتغل
ودخل لها شاب من المحررين
"استاذة علا لو سمحتى ..."
بصت له علا بفزع وصرررررخت
اتخض الشاب وهو واقف
"فى ايه يا استاذة...انا عملت حاجة خوفتك"
"ناديلى وحيد بسررررررعة.... انا شكلى بولد"
صراخ متواصل من علا.... وحيد جه يجرى
"علا...مالك"
"تعبانة يا وحيد... بولد باين...اتصلى بداليا بسرعة"

حسام ومروة داخلين مستشفى د.فؤاد صابر للمتابعة
وهما واقفين قدام الاسانسير...اتفتح الاسانسير
واتواجه مروة وحسام...مع علا ووحيد وداليا اللى كانت شايلة البيبى
وحيد"دكتور...دكتور حسام مش كده"
سلم عليه وحيد... واضطروا كلهم يسلموا على بعض
ومروة بتسلم على علا
علا"احمد ابنى...عنده يومين"
بص له حسام...وابتسم
"مبروك ياعلا...ربنا يخليهولك...مبروك يا استاذ وحيد"
وحيد"الله يبارك فيك...فرصة سعيدة يادكتور"
ركبوا حسام ومروة وايديهم فى ايدين بعض
ومشيوا علا ووحيد وايديهم فى ايدين بعض
واتقفل الاسانسير وكل واحد فى اتجاه

                       النهااااااااااااااااااااااية

هناك 108 تعليقات:

  1. حلوه جدااااااااااا
    وهو ده اللى كان لازم يحصل من الاول

    ردحذف
  2. نهايه جامده جدا"
    بجد حسام عمره ما كان هايقدر يحترم ويقدر شخصية علا

    ردحذف
  3. m3 en 3'arepa en 3ola fag2a kda fa2t bl shakl da !bs m3dya ya dina bgd like ;) :D :D

    ردحذف
  4. والله انا قلبي وجعني من القصه دي :'(

    ردحذف
    الردود
    1. wana kman :((((((((((((((((99

      حذف
    2. وانا كمان انا عيني ورمت منالعياط بس بجد جامدة :(

      yoka

      حذف
    3. وانا كمان والله انا فقدت الامل فى الحب من كتر الروايات اللى فشل فيها الحب

      حذف
  5. جميييييييييييييييييييييييييييييييييييييييييييييله اووووووووووووووووووووووي

    ردحذف
  6. كده رضيتي كل الاطراف يا دندن بس احب اقولك ( ويبقي الحب ) برده هههههههههههههههههههههههههههه

    Asmaa Tarek

    ردحذف
    الردود
    1. هههههههههه الحب لاينتهى مهاما طال البعد بس لازم كل واحد يعيش حياته مكانش ينفع يسيب مراته والاولاد

      حذف
  7. حلوة جداااااااااااا جدااااااااااااااا وحب العشرة لازم يعيش مش ممكن يموت ابدا

    ردحذف
  8. ايوه كده يا دندن
    كويس ان انهم فاقوا دول كانوا نقطتنى
    والنهاية كمان جامدة

    ردحذف
  9. حلوة جداً
    شابوه يا دينا بجد :)

    ردحذف
  10. ممممممممممم حللوة بس كان نفسي حسام ياخد جزائه لانو ندل جدااا

    ردحذف
  11. والله نهااية جااااااامدة جدااااااااا ومرضية اجميع الاطراف بجد
    تسلم ايدك يا قمرى
    amira slama

    ردحذف
  12. قشطه جامده انا متوقعتش النهايه ديه بسرعه بقى اللى وراها انا خلصت المدونه كلها ف اسبوع فبسرعه بقى عشان باين عليا بقيت مدمنه ولا ايه aya

    ردحذف
  13. ذؤؤؤؤؤؤؤؤؤؤؤء ي دينا ‏CI BA

    ردحذف
  14. حلوة يادينا

    ردحذف
  15. احلى نهاااااااية بجد :)

    ردحذف
  16. لجدددددددددددددد روعه وعنيا دمعت تسلم ايدك

    ردحذف
  17. Gamila ya Dina teslam eidek !!

    ردحذف
  18. تحفه الفصه يا دينا للاسف انا عيشت تجربت علا

    ردحذف
  19. gamda el kesa we 5ltny a3yat kteer we 7ossam tel3 waty awyy

    nada

    ردحذف
  20. صدقيني انا قلبي وجعني من القصه دي.. اسلوبك فظيع خلاني اعيش كل كلمة وكل احساس ف القصه... كانت دموعي بتنزل غصب عني لما الاقي علا بتعيط وكنت ببتسم لما اشوفها مرتاحة ومبسوطة.. اللي يشوفني وانا عاماله اعيط واضحك كده يقول عليا مجنونة :) تسلم ايدك بجد يادينا

    ردحذف
  21. نهاااااااااااااااااااااااية جمييييييييييييييييييلة :) :) :)

    ردحذف
  22. رووووووووووووووعه وتجنن وجمييييييله اوووي اوووي تسلم الاياادي دايما مبدعه ما شاء الله

    ردحذف
  23. حرااااااااام انا مش بقدر لازم تخليني اعيييط في نهاية كل قصة

    ردحذف
  24. روووووووووووووووووووووووووووووعة تسلم الايادي و النهاية جميلة جدا بس كان نفسي حسام يرجع لعلا بس برضو حلو قصصك رووووعة

    ردحذف
  25. ووووووووووووووواووووووووووو

    انا مبسوطة وفرحانة اوووووووووووووووووي لعلا

    بجد نهاية سعيدة وحلوة أوووووووووووووووي

    ردحذف
  26. حلوه اوي

    ردحذف
  27. الله على النهايه الجامده دى
    ماكنتش متوقعه يا دودو انها ممكن تبقى بالنهايه الرووووووووعه دى
    تسلم ايدك

    ردحذف
  28. روووووووووووووووعه يادندن تسلم ايديك اللى بعده فى السريع

    ردحذف
  29. نـــــــــهــــــــــــــــايــــــــــــــــــة جمــــــــــيـــــــــــــلة

    تــــســــلمى يا ديـــــــــــــــــــنـــــــــــــــا


    ◕__◕◕__◕ (◕ ◡ ◕)◕__◕◕__◕

    ردحذف
  30. ايييييوة صح كدة
    حلوة بجد

    ردحذف
  31. بجد نهااااااااااااااااااااايه جميييييييييييييييييييييييييييييله جدا جدا جدا

    ردحذف
  32. الصراحة انا اول مرة اكتب تعليق لكن انا معجبة صامتة انا قرأت كل قصصك وعجبتنى اوووووووووووووووووى وعجبتنى طريقة كتابة القصص بجد انتى موهوبة اووى وانا معجبة جدا بكل قصصك والقصة دى حلووووة اووى ونهايتها تحفة وفعلا دا نصيب و حسام و علا مكنوش نصيب بعض وكانت نهاية حلوة وسعيدة للأتنين فى انتظار القصة القادمة اللى اكيد هتبقى حلوة زى كل اللى فات ... اسفة للأطالة

    ردحذف
  33. نهاية جميلة جداااااااا نهايتها فعلا عجبتنى وكان نفسى فعلا دة اللى يحصل لان دة اللى كان مفروض يحصل

    ردحذف
  34. 7lwaaaa Gdn Tegnn Bgd :D

    ردحذف
  35. حلوه اوي اوي اوي اووووووووووووي بجد انتي فنانه ومبسوطه جدا من النهايه دي تحفففففففففففففففه

    تسلم ايدك
    موجا

    ردحذف
  36. القصة حلوة اوى ونهاية غير متوقعة فعلا برافو عليكى الواقع احيانا بيكون اقوى من الحب بصدقه

    ردحذف
  37. wahmya w bgd nehaya 7lwa awee y dodo w motw23a
    mstneen el 2saa el gdeda b2a ;)
    keep going :):)

    ردحذف
  38. قصة رائعة جداااااااا

    ردحذف
  39. ana koont 3aishaaa m3 3ola t2rebaaaaaaaaaan bgd tslm 2eeedk

    ردحذف
  40. هو مفيش قصة تانية :'(

    ردحذف
  41. bgd to7faaa gdn gdn bass sha5syet 7ossam m3gbtnesh 5ales w howa nadl asln bass el nhaya 7elwa awi bgd :)

    ردحذف
  42. أنا سهرانة مخصوص عشان اكمل قصتك وماما رايحة جاية و جدتي صدعوني بس ما اقدرتش اسيبها يا ديدي تسلم ايك و النهاية رائعة تستاهل

    ردحذف
  43. بس مكنتش أتمنى تكون النهاية كدة , كان الأفضل انه يصارح مروة بإنه ظلم علا و انه مينفعش يكمل حياته على ظلم واحدة , و إن هو أصلا بيحبها , و لو هي بتحبه و باقية عليه تتقبل ان علا تكون زوجة تانية , لأنه مش هيعمل حاجة غلط , بالعكس دة هيصلح غلْطة ظُلمُه لعلا , و أقدر أستنتج من خلال تعامله مع مروة و من انه باقي عليها و على أولاده انه قد مسئولية العدل بين زوجتين , أحسن ما يتسبب في ظلم واحدة بالشكل اللي ظلم بيه علا ,, و فيه حاجة كمان , مروة مكانش من حقها تبوظ الجوازة , لأنها مجتش لاقيتهم في وضع مخل و لا حاجة , دي جت لاقت المأذون و المعازيم يبقى بأي حق تتسبب في مأساة واحدة تانية بالطريقة دي ؟؟
    كنت أتمنى يكون فيه قصص تخلي المجتمع يتقبل وضع الزوجة التانية بسلاسة و ميبصش للجوانب السلبية و بس , لأن أنا متخيلة ان القصة كانت ممكن تمشي في مجرى تاني و تبقى النهاية أسعد من كدة , ايه اللي كان يمنع اننا نقول انه اتجوز علا برضا مروة و عاشوا حياة مثالية في تقبل الآخر و العدل ؟؟
    دي كانت ملاحظتي بس
    و بجد الأسلوب مشوق و جميل :)

    ردحذف
    الردود
    1. انا زعلانه من دينا انهم متجوزوش مش ممكن يكون ده جزاء علا بعد كل السنين دى صح حب العشره قوى بس مش اقوى من اول حب مهما كان ومينفعش علا 14 سنه بتحبه وتفوق من لحظه زعلانه منك دينا ومن النهايه دى

      حذف
    2. مروه بني ادمه مش ملاك
      مين ست تقدر تستحمل شعور الغيره وكمان برضي!!!!!!

      حذف
  44. انا كنت متغاظة من شخصية حسام اوي وكان نفسي ان علا عمرها ماترجع لحسام بس بجد النهاية حلوة جدااااااااااااااااااااااااااااااااااا انا تعليقي متاخر يعني القصة مكتوبة من فترة وانا لسه كاتبة التعليق بس انا بستنى لما تحطي كل حلقات القصة علشان اقرأها كلها مره واحده علشان مابقدرش اقرا حلقة وافضل متعلقة اصل بجد بتبقى حلوة ومشوقة فما بقدرش استنى فمن الاول بستنى تنزلي كل الحلقات

    ردحذف
  45. وانا فضلت سهرانة كتيييييييييير مخصوص علشان اكمل القصة ماقدرتش اقوم انام واسيبها :)

    ردحذف
  46. انا بعيط بقي بجد كتير والله مخنوقه جداا ومش مرتاحه للنهايه
    بس بجد انتى ممتااااازه اوووووى ربنا يوفقك


    دودي

    ردحذف
  47. انتي فنااااااااااااااااانة و مبدعة بس انا بقيت اخاف اقراء قصصك ديماا الي بيحبو بعض بتفرقييييهم اصلي انا بداااايق اوي من كدة احنا عاوزيين قصة رومانسية و سعييييييدة ويا ريت تدققي في التفااااصيل اكتلر زي السن و الملامح و كدة ربنااااااا يوفقك

    ردحذف
  48. انتي بجد قصصك روعه جميله جدا متعرفيش انا عيط اد ايه انتي بجد موهوبه وتسلم ايدك اوووووووووووووووووووووووي

    ردحذف
  49. بصى بصراحه...انتى رهيبه بجد ومش ليكى حل الصراحه
    كلامك وقصصك فوق الوصف والله...انتى بجد تستحقى كل التقدير على قصصك الجميله دى
    وان شا الله على طول لااادام..ونلاقيكى كده حاجه كبيره وتاخدى نوبل كمان :)

    ردحذف
  50. القصة حلوة اوى
    واحلى ما فيها نهايتها

    ردحذف
  51. Valuable info. Lucκy me I found your site by сhance, and I'm stunned why this twist of fate did not happened earlier! I bookmarked it.

    my web site: payday loans

    ردحذف
  52. 7elwa awee el nhaya w 7osam kda 3aml el sa7 fel a5er 3shan my7slsh fe wlado el 7sl feh
    BTW ana b3sh2 kssek ya Sina msha2allah rbna ywf2k Best wishes =)) .
    Norhan

    ردحذف
  53. نهاية مش حلوة كان نفسى الحب ينتصر ويكمل ويكملوا حياتهم سوا

    ردحذف
  54. انا قلبي وجعنى من القصة دى .... ياااااااااه عل نصييييييييب !!!!

    ردحذف
  55. Quаlity articles or revіеws is the secret to be a focus for the viewerѕ to go to see thе
    website, that's what this site is providing.

    my webpage payday loans

    ردحذف
  56. تحفه وروعه فعلا العشره الطيبه تغلب

    ردحذف
  57. نهااااااااااااااااايه جامده والحمد لله انه فاق قبل ما يتورط اكتر من كده وفعلا القصه بتقول اننا لازم نرضي بالنصيب لانه اختيار ربنا واكيد احسن بكتير من اللى احنا بنختاره تسلمى ع القصه يا دينا

    ردحذف
  58. لو قولتلك ان قصتك دى انقذتنى من انى اكون زوجه تانيه مش هتصدقينى انا حبى الاول بيعمل اللى حسام كان بيعمله دا بالظبط وهو متجوز ومخلف وعارف انى لسه عايشه على زكراه بجد انا مش عارفه اشكرك ازاى انتى بتقصتك دى خلتينى اعيد النظر فى كل اللى جوايا

    ردحذف
  59. ana 3iit .. :( entii ezzaii ktabtk keda bgd .. bgd MA'SHAA'ALLAH 3likii 5iifa a7sdk bgd .. :D

    ردحذف
  60. rw3aaaaaaaaaaaaaaaaaaaa bgd <3 <3 <3

    ردحذف
  61. هيا حلوه اوووووووووووووووووي بس كانت هتعجبني اكتر لو حسام وعلا اجوزوا وفضلت علاقه حسام ومروه كويسه كأب وأم بس

    ردحذف
  62. راااااااائعة نهايتها حلووة وواقعية جداا

    ردحذف
  63. تسلم ايديك يا دينا
    نهايه جميله و واقعيه
    nemo

    ردحذف
  64. انا قلبي وجعني من القصه دي والله وكنت هعيط بجد تحفه تسلم ايدك يا أ/ دينا
    ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
    rawan

    ردحذف
  65. تسلم ايدك يا دودو بجد انت فنانة بس مش عارفة الاول حسيت انها مملة بس كنت عايزة اتابع الاحداث بس في للاخر طلعت حلوة شوفي هي مش بدرجة الروايات الفاتو بس ده ما يمنعش انها حلوة شكرا جديييييييي.

    مها

    ردحذف
  66. القصه جميله والنهايه اجمل بكتييييييييييييير

    ردحذف

  67. يحيا العدل اهه هو ده اللى كان المفروض انه يحصل هو ملهوش غير مراته و ولاده و ينسى حب اختار مصيره بايده
    و هى تكمل حياتها و تعيشها من غير ما تخرب على حد
    احلى حلقة دى

    ردحذف
  68. حلووووووووة اوووى النهاايه دى :)
    بس كدة انا اتأكدت ان مفيش اى حب بيدوم مفيش حب بجد خلاص فقدت الامل ف الحب

    ردحذف
  69. روعه اوووووووووووووووووووووووووووووووووووووووووووووى

    ردحذف
  70. حلووووووووووووووه اكيد زى اللى حضرتك كتبتيهم غيرها وبجد مش قادرهخ اقولك انا النهارده قرأت تقريبا قصتين ومش قدرت اقوم من ع الجاز غير لما اخلصهم ودا لانى لسه مكتشفه المدونه قريب

    بس عندى تساؤل بسيط ليه فى كل روايه الحب مش بينتصر برغم قوته يعنى ليه مش يفترقوا بس تجمعهم صدفه تانيه من غير ماحد فيهم يظلم حد تانى مش ليه ذنب فى حبهم يعنى نفسى فى روايه تدينى امل ان الحب ممكن ينتصر فى النهايه رغم اى صعوبات او اى شئ

    ايــــــــات

    ردحذف
  71. جميلة جدا روعة فعلا اثرت فيا بس للاسف مابتديش امل في الحب

    ردحذف
  72. عارفة يا دينا ؟
    انا لحد امبارح قريت للحلقة 14 و قعدت ادعي ان النهاية متبقاش وحشة عشان قلبي واجعني اوي

    دلوقتي قريت النهاية و انا بعيط :"(
    ان الراجل دة فاق من الوهم اخيرا و مخربش بيته بايده و مبقاش اناني و يسمع كلام شيطانه !

    يا رب اهدي كل الراجل لمراته و املي عنيه بيها و بس !

    ردحذف
  73. جأاااااااااااااامده يأدينأ
    نهأيه رووووووووووووووووعه وده أللي مفروض حصل من أﻻول بس حسأم ده وحش ﻻنه سأبهأ فﻻول وخأن مرأته بعد لمأ أجوز
    كأن نفسي حسأم يجوز عﻻ بس لو مكنش هو أجوز أﻻول ده ندل
    بس كويس أنه فأق قبل فوأت أﻻوأن يأريت أللي فبألي كأن فأق زيه يﻻ ألحمد لله بس بجد أنأ قربت أخلص قرأه قصصك ومش عأرفه بعد كده هعمل أيه ملت عليأ حيأتي بجد ربنأ يخليكي وميحرمنيش من قصصك ألجميله♥♥♥♥♥♥
    حور

    ردحذف
  74. النهاية وحشة اوى وحزينة اوى كان نفسى حسام ميتخلاش عن حب عمره علا معجبتنيش شخصيته خالص حساه ندل اوى انا قلبى واجعنى والله :(

    ردحذف
  75. جميله جداً

    ردحذف
  76. يييياه ...... ! ! :O لييييه كده النهايه حزينه والاتنين بيحبوا بعض يريتهم كانوا فضلوا مع بعض هم الاتنين غلطوا ف حق نفسسسسهم ومش عرفوا يحفظوا ع حبهم :( :'( :'( :'( :'( :'(

    ردحذف
  77. مش كل اللى يحب يبقى محظوظ ومنهم انا

    ردحذف
  78. شكرا لنشر تعليقى

    ردحذف
  79. ياريت كل راجل يقدر مراتو ويخاف عليها ويبطلو يفكرو شوية في نفسهم

    ردحذف
  80. بجد انتى كاتبة خرافية وخطيرة
    انتى عيشتينى كل لحظة دينا عماد انا فخورة ان فى مصر فى حد زيك
    ربنا يحميكى يارب
    القصة مؤثرة للغاية وحقيقة

    ردحذف

  81. يا حبيبى كل شئ بقضاء
    ما بأيدينا خلقنا تعساء
    ربما تجمعنا أقدرانا
    ذات يوم بعدما عز اللقاء
    فإذا انكر خل خله
    وتلاقينا لقاء الغرباء
    ومضى كل الى غايته
    لا تقل شئنا فإن الحظ شاء

    ردحذف
  82. الله حلوه اوى القصه بجد روعه حلوه اوووووووووووووووووووى

    ردحذف
  83. برافو بجد عليكى قصة جميلة ونهايه اجمل

    ردحذف
  84. مش عارفة اتكلم واقول ايه بس ياريت انا كمان انسى يلي بايعني او حتى اقدر اعيش من غيروا دا مش عاوز حتى يفكر فيا وفي حبي وبيجري ورا وحدة مش عوزاه اما انا بالنسباله البنت يلي بتحسسوا باهميتوا وجاذذبيته بس يارب ادعولي يا انساه او يحس بيا اصلي تعب وانا بقفل ابواب قلبي اقدام يلي بيحبوني وبتعب اوي لما افكر فيه بس في نفس الوقت مجرد اشوفه من بعيد او اسمع اي خبر عنوا بطير من الفرح صحيح انوا الحب اعمى ويارب يجمع كل حبيبين في الحلال وللابد قولو ااااااااااااااااااااااااااااااااااااامين انا اميرة حبيبة متحجر القلب زيزو

    ردحذف
  85. تابع اقوى المواضيع والفيديوهات على موقع النور والظلمة

    انضم وسجل فى موقعى وكون معنا اجمع اكبر عدد من الاصدقاء لك انشر مواضيع فى اى قسم تريدة ويكون موضوع منسق لان الموقع مربوط بالمواقع الاجتماعية وعيق على المواضيع المنشورة رابط الموقع
    http://www.alnor75.com/

    وهنا شرح التسجيل فى الموقع

    http://www.alnor75.com/t13329-topic#23748

    يوجد بالموقع غرفة دردشة تظهر لك فى اسفل الموقع بعد تسجيلك معنا

    كما يمكنك الاحتفاظ بالموقع على متصفحك حتى لا يغيب عنك ودة شرح الاحتفاظ بالموقع على متصفحك شرح الاحتفاظ بالمنتدى على متصفحك

    http://www.alnor75.com/t14832-topic

    ردحذف
  86. نهاية جميلة اوى...غير ماكنت متوقعاها

    ردحذف
  87. نهاااية جامدة جدى

    ردحذف
  88. بصراحه النهايه ضايقتني وخصوصا اخر مشهد واخر حلقتين كانوا متناقضين جدا ، القصه كانت حلوه جدا ايام ما كانوا مخطوبين بعد ما افترقوا توقعت انه هيرجع بعد كام سنه بس متوقعتش انه يتجوز وكمان بعد ما رجع وهي فضلت تحبه ورفضت تتجوز غيره هما الاتنين 14سنه لسه بيحبوا بعض وكمان كانوا هيتجوزوا تاني مع اني كنت معترضه ع طريقتهم بس مش منطقيه انه في الاخر يطلع بيحب مروه اكتر وهي تطلع مبتحبوش وبتحب وليد كمان بجد ضايقتني بعد العذاب دا كله وكمان هو كان قال دي حبه حياته الحقيقي انما مروه حب عشره سامحيني بس النهايه مش منظقيه ابدا وضايقتني اووي انا حتي قولت يمكن هي هتموت في الاخر وهو هيفضل ندمان طول عمره عليها وعلي انانيته ويرضي مراته تمام بعد كدا بس دي بجد مش منطقيه ، سامحيني بجد و من غير زعل اصلي بتآثر اوي بالقصص :') انا بحب قصصك كلها وبخلص القصه في يوم وكنت و بحب لسه بحب جدا وفضلت متآثره اسبوع :') وكمان كان حلو وتحت سقف واخد وابغض الحلال واقوي حب وكلهم كلهم حلووووووين خالص انتي كاتبه رائعه ربنا يباركلك :* <3

    ردحذف
  89. ياريتهم كانوا اتنازلوا وحد قبل من الاول يتنازل وحافظوا علي حبهم :'( زعلت اوووي

    ردحذف
  90. ياريت لو حد منهم اتنازل في الاول وكانوا حافظوا ع حبهم :'( زعلت اووووي

    ردحذف
  91. نهاية واقعية عقلانية...قصة جميلة
    رشا

    ردحذف
  92. جميلة جدا بجد بس كل واحد لي نصيب بس الطموح هى الاهم
    بجد جامدة يا دودو

    ردحذف
  93. النهاية غريبة ومختلفة وهجبتني جدا
    بس اتضايقت ان الحب اللى استمر اكتر من 15 سنة يروح بالسرعة دى وبالسهولة دى
    بس بردو مبدعة ��❤

    ردحذف
  94. جميلة جدا بجد استاذة دينا حضرتك كاتبة ممتازة

    ردحذف
  95. القصة دى تقريبا اغلب احداثها واقعية جدا ... الا انها ترفض الجواز علشان خاطر بتحبه ... حب ايه اللى يخليها تضيع حياتها علشان وهو اصلا راحل انانى وتفكيره غير تفكيرها خالص .... احلى حاجة عجبتنى ف القصة طموحها وثقتها في نفسها ....

    ردحذف
  96. اخواته فييييييييييييييين

    ردحذف
  97. بصراحه انا بقالي كتير مقراتش قصص حب وكدا
    خلاص الواحد كان اخد فعلا قرار يقفل ع حياته ونسي الكلامه دا
    بس انتي رجعتيني تاني
    وبصراحه مستمتعه جداااااااا بكل قصه ليكي
    تحياتي بجد ( اسلوب ... قصه ...نهايات جميله )
    اثرتي في مشاعري ... حركتي احاسيس كنت افتكرت انها ماتت

    ردحذف

قول رأيك بلاش تقرا وتقفل من سكات...ارائكم تهمنى