وانا لسه بتكلم مع اسماء رن تليفون البيت ولقيت اللى بتتصل سناء زميلتى"خالة ندى"لقيتها بتقولى...
"ازيك ياايمان عاملة ايه؟؟"
"الحمدلله ياسناء ...اهو عايشين فى نكد بسبب الخطوبة السعيدة"
"بصى قبل ماتتكلمى فى اى حاجة ممكن تستقبلينا عندك "
انا اتفاجأت بالزيارة...وبصيغة الجمع اللى بتتكلم بيها
"اهلا وسهلا بس تقصدى مين جاى؟؟"
"انا واختى وندى ومش هنتكلم فى حاجة الا لما نيجى"
"اهلا وسهلا فى انتظاركم"
قمت قلت لاسماء على المكالمة وقلتلها غريبة اوى الحكاية دى ياترى جايين ليه؟؟؟
قالتلى"ياماما كلها شوية وهنعرف بس لو كان احمد معاه تليفونه كنا كلمناه يبقى موجود"
"معاكى حق...اما نشوف الجاية دى وراها ايه"
شوية والزوار وصلوا...ندى ومامتها وخالتها سناء
لقيت ندى بتترمى فى حضنى وبتعيط وبتقوللى
"انا اسفة ياماما...متزعليش منى وقوللى لاحمد مايزعلش منى"
"وانا ازعل منك ليه؟؟انا اصلا معرفتش ان حصل حاجة بينكم الا لما انتى اتصلتى من شوية"
لقيت البنت استغربت واتلعثمت
"يعنى احمد محاكاش حاجة"
قامت ام لسان زالف قالتلها
"احمد ماحاكاش لماما حاجة بس هو قاللى على حكاية القايمة وانا قلتلها بعد اتصالك"
طبعا واضح من كلامها ان الموضوع اكبر من القايمة وكانت فاكرانى عارفة...واللى غايظنى فى الموضوع كله ان امها مش بتتكلم الا كلام بسيط كده وبخوف بمعنى اصح مالهاش شخصية جنب بنتها...لقيت البنت بتكمل
"ياماما بعد مااحمد نزل انا اتخانقت مع بابا ازاى يطلب كده من احمد وقلتله انى راضية باحمد من غير اى حاجة"
بتقولى ماما ومن شوية كنت طنط...وماله...انا كنت ظالمة البنت دى ولا ايه؟؟؟ اهى شارية ابنى وبتحبه وانا هعوز ايه اكتر من كده
"طيب ياندى خلاص يابنتى حصل خير وانا لمااحمد ييجى هكلمه ان ينسى كلام باباكى ويعتبره محصلش"
لسه مخلصتش لقيت احمد داخل من باب الشقة واتفاجئ بوجودهم وقال السلام عليكم ودخل اوضته
لقيت ندى بتقولى "ممكن ياماما ادخل لاحمد اتكلم معاه وتيجى معايا تقوليله كلمتين"
"تعالى"
دخلت لاحمد الاوضة ولسه هيقوللى ايه اللى جابهم...لقى ندى ورايا
وقلتله"ندى جاية تعتذر عن كلام باباها وهو خلاص شال موضوع القايمة من دماغه"
"وكلامها هى؟؟؟"
"كلام ايه؟؟"
لقيت ندى جريت على احمد وطبطبت عليه
"خلاص بقى يااحمد انا اسفة وجيت اعتذرت لماما وبعتذر لك كمان...حصل خير وميبقاش قلبك اسود كده"
لقيته ضحك وحسيت الفرحة على وشه ففرحت لفرحتهم
وقلتله قوم بقى علشان تسلم على حماتك واختها وبكرة تنزل تحجز مكان كتب الكتاب علشان تلحقوا تجهزوا ونلحق نعزم الناس.
وقفلت الموضوع خالص ومتكلمتش فيه
تانى يوم حجز بعد 5ايام والايام كانت مليانة يدوب كل يوم بينزل هو وندى يشوفوا لبسهم ويحجزوا الاستوديو ويعزموا معارفهم وانا كمان يدوب انا واسماء بقينا ننزل نشوف فستان لاسماء وحجزت الكوافير هى وندى واعزم معارفى.....خلاااااااااااااااص بكرة كتب الكتاب
يارب تحصل حاجه قبل كتب الكتاب وما يتعملش ههههههههههه
ردحذفهههههههههههههههههههه
ردحذفيا عاااااااااااالم؟؟؟
نورتينى يا قمر
ابقى طولى شويه يادينا بلاش بخل :))
ردحذفبس سؤال اهبل معلش هى امتى قالتلك يا طنط احسن انا هتحول والله هههههههه
هبه
ردحذفانا بخاف من التطويل علشان الناس متزهقش
او لما حد يشوف البوست طويل هيخاف يقراه
بصى ياستى"سؤالك مش اهبل"لان هى قالت ياطنط فى مكالمة التليفون اللى كانت بتعيط فيها
فى البوست اللى فات مش ده بس باعتبار ان الكلام كله حصل فى يوم واحدعلشان كده قلت من شوية كنت طنط ودلوقتى ماما
ونورتينى يا هوبااااا
يا دينا انا عايزة اعرف برده البت اللي تضرب دي قالت ايه انا متغاظه منها جداااااا
ردحذفعاجبك كده اديني طلعت غير معروف ههههههههههههههههههه
ردحذفهههههههههههههههههههههههههه
ردحذفمش قادرة من الضحك هههههههه
ماهو لو مشتركة هتطلعى باسمك
مش مشتركة هتطلعى غير معروف
وابقى اكتبى اسمك المعروف
هههههههههههههههههههههههه
نورتى يانوسة
الله يخليكي يا دندن ان شاء الله اشترك بدل الناس ما تتخض
ردحذفايناس ((( غير معروف )))
هههههههههههههههههههه
ردحذفان شاء الله واشتراكك طبعا يسعدنى
اهم حاجة تكون المدونة عاجباكى
اوحش حاجة انها مفتحتش الموضوع تانى
ردحذفكنت حاسة انها لو اتكلمت ف الموضوع
هتعرف حاجة تفركش الجوازه دى
انتي بتكلمي وكإنه حصل معايا في خطوبة ابني الأولانية بالضبط ..تحياتي يا قمر ..ماما زيزي
ردحذفربنا يستر
ردحذف