الخميس، 16 يونيو، 2011

هام لكل من تابع قصة تحت سقف واحد

اصدقائى الاعزاء زوار المدونة
اتمنى ان تكون قصة "تحت سقف واحد" قد حازت اعجابكم
وانا هنا لسماع كافة ملاحظاتكم على القصة
وارائكم فيها
ومناقشة كل ما تريدونه
نورتونى
وانتظر متابعتكم فى القصة القادمة
ان شاءالله

هناك 63 تعليقًا:

  1. هَقولك ايه ولا ايه بسْ ؟
    القِصه بكل بساطه .. جَميله جداً ..
    ..
    بَس الفصل الأخير اتكروت كده مش عارفه ليه ! :DD
    وكان قصير كمان .. :)
    ..
    دِينـآ .. إبقي اكتبِي واحدَه تانيه بقى ..
    لحسن شَكلي ادمنتْ .. :DD

    ردحذف
  2. حباية بندول
    ميرسى ياجميل
    حرام عليكى فين الكروتة دى ههههههههه

    وان شاءالله بفكر فى قصة جديدة
    بس عاملة تصويت عن تصنيف القصة
    رومانسى... اجتماعى... بوليسى...كل ماسبق
    اختارى علشان اضم صوتك للتصويت قبل القرار

    شفتى الديمقراطية هههههههههههه
    نورتينى ياجميل

    ردحذف
  3. القصه رااااااائعه جدا واستمتعت بيها جدا يمكن اكتر من يوميات حماة كمان
    ملحوظتي الوحيده هي طريقة جواز شيرين وياسر لان بصراحة كده حاسه انها اتكروتت , يعني بعد حسام العريس الحسب والنسب ازاي اهلها يخطبوها ويجوزوها من غير حتي ما يسالو عليه ولا على عيلته؟؟؟
    يعني حسيت انها جوازه غريبه خصوصا ان اهلها مش عارفين الاتفاق وفاهمين انه جواز عادي فازاي ماسالوش عليه واتجوزو بكروته كده حتي لو عشان السفر
    غير كده بجد بجد بجد بجد القصه روووووووووووووعة جدا وبجد شدتني ليها اوي
    ربنا يوفقك ياااااااارب ونشوفك اكتر كاتبه في الدنيا بس اوعي تنسيني يا دوودوووو

    ردحذف
  4. انا ماكنتش متابعاكى من الاول
    بس قرأت القصه دلوقتى
    انا بردو حسيت ان اخر جزء ده خلص بسرعه
    بس يمكن عشان الواحد يوصل للنهايه السعيده على طول بقى بعد التعب ده كله :))
    بس القصه جميله جدا بجد
    تسلم ايدك عليها
    ومستنين القصه الجديده ان شاء الله :))

    ردحذف
  5. القصه هايله يا دينا بجد عجبتني اكتر من يوميات حماة بس الحلقات كانت قليله اوي المهم بالنسبه بقى للقصه الجديده ياريت تبقى بوليسيه عشان نبقى قرينا كل انواع القصص معاكي وبالتوفيق يا دندن

    ردحذف
  6. القصة بجد حلوة اووووووى وتسلم ايدك يا دينا وبجد كانت نهايه غير متوقعه تماااماااا يارب القصة الجديدة تبقى قريب ويارب بالتوفيق ديما يا قمر

    ردحذف
  7. شذى
    ملحوظة مهمة بس انا جاوبتها بين السطور
    "يعنى موضحتهاش "
    بصى لما سابت حسام بكل اقتناع مامتها كانت مستغربة ورافضة وقعدت تقولها نفسى افرح بيكى
    فلما بعدها بايام جه ياسر وقالت انها تعرفه من فترة
    مامتها اعتقدت انها بتحبه وسابت حسام علشانه
    اما السؤال فهى الشخصية المسئولة عن الاسرة ومفيش حد ليهم غير خالها الكبير"فى حاله"
    وشخصيتها المسئولة دى هى اللى خليتها تتحمل مسئولية زياد لوحدها عادى

    وميرسى على رأيك ومتابعتك الدائمة
    وبستنى كومنتك يوميا على فكرة

    ردحذف
  8. بنت من الزمن ده
    ربنا يخليكى وان شاءالله القصة الجديدة قريباااااا
    بس فين النهاية اللى بسرعة
    قصدك بين مشهد الدكتور ومشهد النهاية
    انا قصدت انط السنة الفرق دى علشان يعنى يبان انهم رجعوا لبعض وعايشين مبسوطين بدون ذكر تفاصيل

    ردحذف
  9. ايناس
    ربنا يخليكى يارب رغم انى كنت متخيلة العكسان يوميات حماة احلى لقيت الكل بيقولى دى احلى
    ربنا يقدرنى والجاية تكون احلى واحلى
    ياااااااااااااااااااااااارب

    ردحذف
  10. ايه
    ربنا يخليكى ياحبيبتى على كلامك الجميل ده
    وان شاءالله القصة قريبا بس استقر على الفكرة

    ردحذف
  11. بصراحة مجهود رائع تشكرى عليه يا دينا وان شاء الله المجهود ده ربنا هيجزيكى عنه خير .......استمرى وان شاء الله تمتعينا دائما بقصصك الشيقة
    بالنسبة للملاحظات : انا مش لاقى حاجة بصراحة اعلق عليها خاصة انى عارف ان فى حاجات كتير مستلهمة من الواقع.....ربنا يوفقك

    ردحذف
  12. بالنسبة للقصة القادمة ....اتمنى انها تكون اجتماعية وتكون متعددة الابطال ....يعنى مش مركزة على بطل او اتنين

    ردحذف
  13. احنا وراك يامعلم
    ربنا يوسع عليكى وتفضلى تتحفينا كده

    نوسه القاضى

    ردحذف
  14. كريم
    ربنا يخليك وانا مش قد الكلام ده
    متحرمش منك... وبالنسبة للملحوظة انت سيد العارفين بقى ههههههه
    وبالنسبة للقصة الجاية ان شاءالله هشوف الاغلبية بما انى مؤلفة ديمقراطية

    ردحذف
  15. نوسة
    هههههههههه يالا اشطات نبدأ المهمة
    ربنا يخليكى يانوسةومتحرمش من المتابعة

    ردحذف
  16. القصة جميلة جداااااااااااااا وبسيطة جدااااااااااا ومن غير تكلف بجد تسلم ايديك..وانا اتمني القصة الجاية تناقش موضوع مهم وهو :نا نفسي تكون عن الحب الي علي النت والتعارف والكلام ده لان ده واقع وبيحصل حاليا وتناقشي فيها المشاكل الي بتحصل وهل الجواز الي علي النت بينفع ولا لا؟ والكلام ده.ياريت تكون عن كدة..
    واشكرك علي مجهودك

    ردحذف
  17. كنوز
    ميرسى ياجميل ويارب كتاباتى دايما تعجبك
    وبالنسبة للفكرة اللى اقترحتيها انا جبنها بصورة عابرة فى قصة يوميات حماة وان شاءالله هحاول اتكلم عنها ولو انى اخاف اتكلم عنها بشكل عام لان بيبقى لكل حالة ظروفها

    ردحذف
  18. دوندون
    وحشتينى والله ...معلش انا اتاخرت حبه
    القصة جملة بجد حلوة جدااااااااا ...بس مش عارفة انا رايى يعنى ان كان فى حاجات كتيرة ممكن توضيحها اكتر للقراء وبتفصيل بسيط عشان الصورة تبقى واضحة
    مثلا...مجبتيش سيرة خالص عن عيلة ياسر وازاى استقبلوا الخبر؟؟ حسيت شوية انك تعبتى وعاوزة تخلصى الحلقة والقصة كلها..كمان ازاى والدة شيرين واختها يسمعوا كلامها وميبلغوش جوزها انها ولدت ...بعيييييييييييدة اوى دى
    بس مجمل الموضوع ان القصة بجد حلوة اوى ..ومتضايقيش من رايى لانها مجرد وجهة نظرى ...ويارب ديما فى نجاح وتقدم

    ردحذف
  19. هنودة
    انتى كمان وحشتينى والله
    ربنا يخليكى يارب على كلامك الجميل ده
    بصى يا ستى انا حسيت ان الحلقة الاخيرة كان اللى بيقراها قلبه يطلع وينزل مع الاحداث فقلت بعد الصدفة الحلوة بتاعة الدكتور مش ناقصين نكد
    اما موضوع اهل شيرين هما ميعرفوش وسائل اتصال بيه
    اما اهل ياسر فتركتها لخيال القارئ
    علشان نوصل للنهاية السعيدة بسرعة
    وانا مش ممكن اتضايق من ارائكم ابدا
    لان كلها ملاحظات لازم اخدها فى اعتبارى
    نورتينى وانتظرى القصة الجديدة

    ردحذف
  20. ماشى يا جميل بس متتاخريش علينا

    ردحذف
  21. يا خبر يا خبر يا خبر
    بتستني كومنتاتي انا ... ده شرف كبير ليا اوي لا استحقه يا كاتبتنا الكبيره
    بس بجد ربنا يحميكي ماشاء الله اسلوبك مبدع في الكتابه
    ومتشوقه جدا للقصه الجديده

    ردحذف
  22. انا مش بحب القراه عامه بس مش قدرت مكملهاش قبل ما انام بجد روووعه واتاثرت بيها جدا
    تسلم ايدك

    ردحذف
  23. عجبتنى اوى يا دينا بجد اسلوبك جميل وشيق بس الفصل الاخير كان عايز يبقى اطول شوية بس بجد حلوة اوى عجبتنى موت عارفة بتفكرينى يايا زمان لما كنت مدمنة روايات عبير بقيت مدمنة روايات دينا قاعدة طول اليوم اقرى القصص لما خلاص بش قادرة بجد ربنا يوفقك وتنزلى الحجات دى فى كتاب بقى وتبقى من الكتاب المعروفين ربنا يوفقك

    ردحذف
  24. بجد كانت قصة حلوة اوى فى الحقيقة قصصك جميله جدا اتمنى انى اقر حاجات حلوة تانيه

    ردحذف
  25. ana lsa arya el story gamda awi bas ya reeet el storyes ely gaia tkon akbar ya3ny 60 7l2a fema fo2 balash el nhyat el sare3a deh we kol 7agatk we ktbatk 7elwa awi :)

    ردحذف
  26. سارة
    انا اول مرة اعلق احب اهنيكى على اسلوبك فى الكتابة لانة شيق جدا
    بجدالقصة جميلة جدا انا قرتها كلها فى يوم واحد لانها شدتنى بس برضة الفصل الاخير المفروض كان يطول شوية وازاى اهل ياسر وافقوا ان يكون ليهم حفيد وهما ميعرفوش اى حاجة عن شرين او الاتفاق ازاى يقبلوا شخص جديد فى حياتهم كان المفروض تتكلمى عن الجزء دة سورى طولت عليكى ياريت تقبلى نقدى وفى انتظار قصة جديدة

    ردحذف
  27. جامده جدا قصة تحت سقف واحد اعجبت بيها اوووووووووووووووي


    ونشرت الرابط

    ردحذف
  28. انا بصراحة لحد الجزء الثالث منها و نا بقول دي مش طريقة حياتنا و لا دي حياة واقعية...وازاي تجيب حد من الشارع وتقول هتجوزه و الدنيا تخلص؟؟ فين السؤال علي اهله محدش شاف خاله عمه كده يعني..بس بعد كده انتي قلتي انها تعتبر مسئولة عن البيت بعد وفاة والدها..فالي حد ما صدقتها...و مش فاهمة هي سايت خطيبها عشان كذاب و بعد كده هي كذبت هل كنتي تقصدي حاجة معينة من الجزئية دي و لا ملهاش معني؟؟؟و النهاية بصراحة مفتعلة سنة بسيطة اوي اد الفتفوتة..حتة انها عايزة تسيبه و تعيش مع مامتها..كان ممكن تطلب منه ان مامتها تيجي تعيش معاهم مثلا..لان صعب في ظروفها انها تسيب عريس حلو معاها وحنين عليها...انا عجبني اوي اسلوب حياتهم وطريقتهم هو وشيرين مع بعض بجد قصتهم تحفة واكتر من تحفة و القصة كانت مشوقة لدرجة اني مقمتش من الجهاز غير لما خلصتها بس قلت اقولك الكومنت بتاعي و اتمني انه ميكونش دايقك..انا النهاردة اول يوم اقرأ لرواياتك و صديقة ليا هي اللي رشحتلي مدونتك عشان عارفاني بحب القصص والروايات جدا..قرأتلك في يوم واحد بس "الحب الملعون" قصة حلوة عجبتني خلتني عايزة اقرألك تاني بعدها قرأت "شبح الماضي" القصة بجد كانت اكتر من رائعة عجبني واقعيتها و رقتها و اسلوبها بجد قصة تحححححححححححفة واخرهم "تحت سقف واحد" وبردو شدتني و عجبتني مقدرتش اقف الا لما اكملها...ديناʚɞ

    ردحذف
  29. انا نزلت القصه وقريتها وقريت قصه اشجان قبل كده قصصك حلوه اوي بس لحد ما بلاحظ انك مش بتكتبي تفاصيل كتير فالقصه هي ممكن تكون ميزه وعيب ربنا يوفقك انا هتابعك علي طول وربنايوفقك

    ردحذف
  30. ريحانة الخير12 يوليو، 2012 5:13 م

    عزيزتي
    أحييك من كل قلبي على روايتك الأكثر من رائعة
    لم تطيلي ولم تقصري بل كانت مثالية الكتابة
    لن اخفي عليكى لقد قراتها كاملة من احد المنتديات لكن كاتبتها وضحت انها تخصك فبحثت عنك بعد ما شكرتها على النقل وقررت ان اشكرك واعطيك حقك فكما قال الرسول " انزلوا الناس منازلهم " فأحييكي للمرة الثانية غاليتي وأتمنى لو تتشرفى على برأيك الأدبي فى أحد كتاباتي ولو موافقة أرسلها لك على ملف ورد وسيسعدني كثيرا ان ويشرفني ان اتابعك من اليوم ودائما
    تحياتي ,,,

    ردحذف
  31. ريحانة الخير12 يوليو، 2012 5:28 م

    ردا على من يقول ان القصة ليست واقعية
    بل هى واقعية هناك عقول مثل هذه الشخصيات وتتصرف مثلهم هناك وجود للام الطيبة التى توافق على تصرفات ابنتها فمهما كانت الحقائق فالتصرفات امام الام صحيحة فهذا خاطب لابنتها ويحبها وتحبه فباركت زيجتهم
    اما الاخت فموقفها يكون دائما فى مصلحة اختها لانها تحب مرضاتها ظنا منها ان هذا هو الصحيح
    اما الخاطب " ياسر " فالظروف هى من حكمت عليه
    و" شيرين " فمن البداية وظهرت هذه الصفة وتفهمناها وهي الكبر والغرور وانها لا يقف شئ امامها فى سبيل طموحها ومن هم على هذه الشاكلة لا يخافون من احد فلهذا لم تخف هى ان تعيش فى بيت واحد مع رجل غريب شخصا لكن قريب شرعا فهى فى اعتقادها وتفكيرها المترفع لن يغصبها احد على شئ ولن يستطيع ان يقرب احد منها
    ما كان ردي هذا الا لاوضح ان هذه الامثلة موجودة فى مجتمعنا بالفعل
    وتحياتي للجميع

    ردحذف
  32. القصة اكتر من رائعة و دى مش اول قصة اقراءها ليكى و تعجبنى اوى كده بجد انا بحيكى على كتباتك الجاميلة و الرائعة و القصص الخيالية اللى بتخترعيها و انا بس عندى ملاحظة و اقتراح انا كتير اوى بتلغبط ف الحلقات بسبب ان اوقات الاسامى بتكون متغيرة بالغلط فاتمنى انك تراجعى عليها قبل متنزلها و شكرا ليكى على مجهودك الرائع :)

    ردحذف
  33. بجد القصة دى جميلة جدا زى كل قصصك طبعا بس النهاية كانت صغيرة او يمكن انا حسيت دا لانى كنت عايشة مع القصة فمكنتش عاوزاها تخلص وبرده لو كانت كبيرة كنت هقولك صغيرة بسرعة ههههههههههههههههه

    ردحذف
  34. ما شاء الله عندك موهبه مميزة ... انا قرات قصتين بس و كل واحدة اروع من التانية في طريقة السرد و وصف الموقف ( كل كلمة بتبقى في مكنها و معبرة جدا عن الموقف ) لدرجة اني بحس فعلا اني بتفرج على مسلسل و ببقا متشوقة بعد كل حلقة للي بعدها اكتر من المسلسلات .. و كمان افكار قصصك جديدة،، و مع ان فيها نسبة من الخيال شوية بس بحس انها واقعية اوي و بتاثر بيها جامد

    تعليقي الوحيد على " تحت سقف واحد " ان في حاجات كتير في جواز شرين من ياسر لا تتوافق مع ديننا الاسلام .. يعني مثلا حرام ان واحدة تتجوز و هيا مخططة انها تتطلق بعد فترة معينة لان المطلوب من الزواج هو استدامة العشرة طول العمر الا اذا حصلت مشاكل و اتطلقت .. يعني فكرة جواز المصلحة دي غلط من الاساس ................ انا عرفة انك هتقولي انها قصة مش حقيقية، و ان القصة كلها مبنية عالجوازة دي و بدونها مش هتبقى قصة و انها اكتر حاجة بتجذب الانتباه فالقصة ، و ان الفكرة جديدةو انا بقول ان قصصك بيقراها ناس كتير و اكيد بتاثر فيهم و ممكن تخليهم يحسو انها حاجة عادية ( الزواج المؤقت ) مع انه زواج باطل و حرام

    بصراحة قصص عجباااااااااااااااااااااني اوي اوي و اتاثرت بيها جامد

    ردحذف
  35. القصة حلوة اوى اوى اوى وتسلم اديك على الابداع فى القصة

    ردحذف
  36. ياريت تعملى جزء تانى

    ردحذف
  37. قصصك جميله بجد
    خليكى شغاله كتير في رومانسي لانى احساسك جميل اوى

    بس تفتكرى هنلاقي الحب ده الى نفسنا فيه ولا في روايات وبس



    وعد

    ردحذف
  38. جامدة جدااااا بجد .. اسيتمري على كدة :)))

    ردحذف
  39. amazing amazing amazing dina bgd enti mesh m7taga r2i ay 7d enti bgd tu7faaaaa
    keep going bgd :)

    ردحذف
  40. جامدة جدى انا باه مواريش غيرك يا دندونةا
    بحب قصصك جداااااا وطول الوقت قعدة على الكمبيوتر
    ومفوتش ولا قصة ليك لان بحبك جدا يادندونة ياقمر
    امضاء\
    صاحبة القلب المجروح

    ردحذف
  41. بجد القصة تحفه حلوه قوووووووووووى بجد

    ردحذف
  42. الله عليكى يادنيا انا قراتلك تحت سقف واحد واقوى حب وفوق احتمالى وشبح الماضى وار ويوميات حماه وبتابع معاكى الخائنه
    تقريبا معظم قصصك بصراحه تسلم ايك

    ردحذف
  43. دندونة الرائعة ..تسلم الإيدين ..وادينا داخلين على القصة الجديدة عشان نستمتع ..تحياتي بس انا لي ملحوظة صغيرة قلتها قبل كده وقريتها تاني من احدى متابعاتك ان موضوع الجواز المؤقت ده مش مضبوط دينياً اصلاً ..وياريت بس في القصص الجاية نتلافى الحاجات اللي زي كده ولكي جزيل الشكر وفي انتظار المزيد ..

    ردحذف
  44. بجد القصة تحفــــــــــــــــــــــــــــــــة اوووووووووووى وتسلم ايديك وعلى فكرة انا حبيت قراية القصص بسبب قصصك لانها فعلاااا حلوة اووووووى وبتعيشنى فى حالة تانية خااااااااالص تسلم ايدك بجد

    ردحذف
  45. القصة دي قراتها اكتر م 10 مرات انتي بجد ابدعتي فيها جدااااااااااااااااااااا

    ردحذف
  46. قصه حلو قوى بس حاسه انى ده مش ممكن يتحقق فى الواقع

    ردحذف
  47. اولا تسلم ايدك على كتاباتك الجميله والاهم انها مستلهمه من الواقع في اطار الادب والاحترام ودفء الشارع المصري في سرد الاحداث
    يمكن الملحوظات هنا في القصه قليله كتير عن ملحوظات كنت كتبتهالك قبل كدا في قصه ابغض الحلال
    هي بس ملحوظه ان موضوع ياسر لما يجي مصر ويفضل في اعتقاده انها بتحب واحد تاني ده شيء في حد ذاته صعب لان بطبيعه الراجل الشرقي لما بيعرف ان في حد مراته او واحده بيحبها فكرت في راجل تاني بيبعد عنها تمام خصوصا ان ديه مراته وهو بيحبها هو كان بيناقض مشاعره ما بين انها بتحب واحد تاني وهو بيحبها بس هنا في القصه حبه طغى على تفكيره وفي مجتمعها ده شيء مش موجود انه يبقى عارف انها بتحب واحد تاني ووصلت لدرجه استضافه اللي بيتحط تحتها خطوط كتير وبعدها وهو مسافر يمسك راسها ويقولها وحشتيني ديه صعبه فكان ممكن الموضوع يتفهم وقتها بدل الشك ده كله او ان الموضوع هنا مش منطقي حبه
    وفي الاخر احب اقولك تسلم ايدك في كل كلمه وكل حرف كتبتيه وفي انتظار كل جديد

    ردحذف
  48. تحفه :)

    ردحذف
  49. بجد بجد انت فظيعة في وحدة صحبتي قالت لي ع اسم المدون وانا من سعتها وانا اعدة بقرا في القصص بتاعتك بجد شكرا شكرا شكرا دي الحاجة الوحيدة السليتني في الاجازة

    لارا

    ردحذف
  50. اذا اقعدت اتكلم من هنا للسنة اللي جاية مش هقدر أقولك كمية الجمال بتاعة الرواية و يا ريت تستمري في الروايات الرومانسية لأنها بتهديني جدا و بالي بيبقي رايق بتخليني في عالم ثاني بجد بس يا ريت الفهم الغلط بين الطرفين مدته تقل شوية لأني ببأه عايزة أشرحلهم الموقف علشان يرجعوا كويسين مع بعض ثاني و بصراحة انت محتاجة تتكرمي علي الروايات الرائعة دي :) :)

    ردحذف
  51. بصراحه القصه جميله جدا جدا جدا بس لو كان اسم ابنها ياسر كانت هتبقى احلى بكتير اوى بص المهم انها حلوى



    اسراء

    ردحذف
  52. تحفه اووووووووووووووووووووى بجد سلمت يداكى

    ايــــــــــــــات

    ردحذف
  53. بجد جـــــــــــامده اخــر10 ،20 ،30،40،.....& حــــاجــه تسلم ايدك بجد يا دندوووونا يا قمـرايه

    ردحذف
  54. كانت قصة رووووووووووووعه

    ردحذف
  55. بجد قصة فظيعة بكل معنى الكلمة

    ردحذف
  56. القصة روعة ومش دى وبس كل اللى قرأته جميل وعجبنى

    ردحذف
  57. القصه تحفه وجامده
    بس انا مبعرفش كل قصصها لو سمحتوا حد يقولي علي اسماء قصص ليها

    ردحذف
  58. قصة جميلة جدا جدا جدا

    ردحذف
  59. انا بجد مهما قريت القصه دى مش بزهق منها وتسلم ايدك عليها وعلى كل قصصك الجميلة

    ردحذف
  60. جميله جداااااااااااااااا وروعه اوووووووووووووووي بجد تسلم ايدك

    ردحذف
  61. خيالية

    ردحذف
  62. القصة بجد رووووووووووعة و حلوة قوووووووووووووي و أثرت فيا .. الفكرة عجبتني جدااااااا :)

    ردحذف

قول رأيك بلاش تقرا وتقفل من سكات...ارائكم تهمنى