الحلقة 20
ماجدة اخدت هديل عندها...وحازم دخل عند شريف
هديل منهارة وبتعيط ومش مصدقة اللى حصل... وحكت اللى حصل بالظبط لماجدة
"معلش ياهديل ياحبيبتى متزعليش هو بس تلاقيه اتضايق ولا اتحرج لما سيبتيه وقومتى"
"يعنى انا غلطانة ياطنط....مقرتش اشوف ابنى تعبان واقعد ساكتة... غير المسخرة اللى كان عاملها متكلمتش وسكت"
"انا مقلتلكيش انتى غلطتى...بس اهدى شوية وان شاءالله كل حاجة تتحل"
"والنبى ياطنط عايزة اخد هدومى وهدوم سيف واروح عند بابا"
"اهدى بس وادخلى خدى سيف فى حضنك وارتاحى شوية والصباح رباح..بس قوليلى محتاجة دوا لسيف من جوه لحد الصبح"
"لا اخد ادويته خلاص وكان نايم ...ماصدقت انه نام وده جه من بره زى التور الهايج"
"معلش انا هروح له واخدلك حقك"
حازم متنرفز جدا على شريف ونفسه يقطع له ايده اللى ضرب بيها هديل وبيحاول يمسك نفسه قبل ما شعوره يفضحه
"انت ايه اللى هببته ده انت مجنون"
"ياعم بلاش فقر"
"تصدق انت مش وش نعمة...انت مش حاسس بالنعمة اللى انت فيها"
"نعمة ايه يابنى انت مشفتش البنات اللى تفرح القلب وتسر العين ودى قاعدة زى الست العجوزة وماسكة ابنها ومنكدة عليا"
"وهو كان ابنها لوحدها مش ابنك انت كمان...وبعدين عايزها تفضل تتنطط وترقص وتسيب ده يمسكها وده يحضنها زى البنات اللى كنت فى وسطهم...وترمى مراتك كده قدام الناس...تصدق انت معندكش نخوة"
"جرى ايه ياحازم انت المحامى بتاعها"
"ايوه المحامى بتاعها..واياك تزعلها تانى يا شريف"
"وده من ايه ان شاءالله...ايه الحمقة اللى انت فيها دى"
وخاف حازم عصبيته تنطق باللى فى قلبه
"ياشريف الموقف ده لو مع سالى ولا اى واحدة تانية كنت هقول نفس الكلام"
لما دخلت هديل اوضة ماجدة زى ماقالت لها حطت سيف على السرير وبصت فى المراية ... وشها كان بيوجعها وشافت مكان ايد شريف على خدها ودماغها كمان بتوجعها مكان ماشدها من شعرها
كانت موجوعة بس فكرت انها لازم تروح الصبح عند باباها ومترجعش تانى ابدا..."ياترى ماما هتتحمل تشوفنى كده من غير ماتتعب... ولما اروح هناك مين هيصرف عليا وعلى سيف... مش مهم انا انزل اشتغل وسيف يقعد مع ماما... مش هخلى حد يشيل همى...انما مش هرجع لشريف تانى"
وحطت ايدها على اماكن الوجع... وراحت جنب سيف
لما خلص حازم جملته الباب خبط...فتح كانت ماجدة
"ايه يا شريف اللى انت عملته ده"
"عصبتنى ياطنط"
"انت حرام عليك تعمل كده فى البنت ...والله ماشفت فى ادبها ولا عقلها كنت عايز واحدة قوية وقليلة الادب كانت عرفت تتعامل معاك وتوقفك عند حدك"
كلام ماجدة كان جامد بس العلاقة تسمح انها تقوله كده
حازم كان مبسوط اوى من كلام مامته..وحس انها بتاخد حق هديل
"خلاص بقى ياطنط...هو انا قلت حاجة"
"انت قلت حاجات وجرحتها كتير... تعرف لو اى واحدة مكانها وشافت اللى كنت بتعمله فى الفرح كان طربقته على دماغك انما هى عاقلة وسكتت ومقامتش غير لما سيادتك مرضيتش تودى ابنك للدكتور علشان تفضل تتدلع وتتزفت"
"عايزانى اعمل ايه دلوقتى"
"لا مش دلوقتى..هديل هتفضل عندى للصبح وهتيجى الصبح تراضيها وتصالحها واللى هى تقول عليه انت تمشيه"
"حاضر ياطنط... علشان خاطرك"
"لا مش علشان خاطرى علشان خاطر مراتك اللى مش هتلاقى زيها وابنك ... وانت ياحازم خليك هنا للصبح"
لما ماجدة رجعت بيتها كانت هديل لسه صاحية وقعدت تتكلم معاها
"بصى ياهديل انا بهدلت شريف بما فيه الكفاية وانا بقولك اللى حصل ده مش هيتكرر تانى ولو اتكرر قوليلى وانا هتصرف"
"ياطنط انا بجد بخاف منه ده جه فجأة يتخانق ويضربنى غير كلامه الجارح ليا اللى قلتهولك"
"ياهديل انتى عاقلة وكل البيوت فيها مشاكل هتخربى بيتك علشان خناقة... وابنك ده لازم يتربى معاكوا.. استهدى بالله ومتخربيش بيتك بايدك وصدقينى الواحدة مش بترتاح غير فى بيتها"
"انا عارفة والله ياطنط بس هو زودها اوى"
"وهييجى يصالحك ويعتذر لك... ولو نفسك فى حاجة اطلبيها ومش هيقولك لأ...فرصة يابت متضيعيهاش"
وضحكت ماجدة واخدت هديل فى حضنها وقالت لها
"والله ياهديل انا بحبك كأنك بنتى ولو بنتى فى نفس الموقف كنت هقول نفس الكلام...ربنا يهديهولك ياحبيبتى"
بعدها بساعات لما النهار طلع... راح شريف وحازم عند ماجدة
واعتذر لها شريف قدام حازم وماجدة... وكانت هديل مهيأة لقبول الاعتذار لان فعلا زى ما ماجدة قالت...مرتاحتش فى بيت حد وملقيتش الراحة غير لما استقرت فى بيتها... وفكرت اكتر انها مضطرة تستحمل شريف بحلوه ومره واهو كل الحكاية شهرين فى السنة وباقى الوقت تقعد فى بيتها وتربى ابنها... وزى ماقال هيبعتلها مصروف مكنتش تحلم بيه... تستحمل وتعيش وخلاص
ورجعت معاه البيت... رجعت بلا اى مشاعر ناحيته غير انه ابو ابنها ومضطرة تعيش معاه.. بس اول حاجة قالتها
"طنط ماجدة قالت لى انى اطلب منك اى حاجة وهتنفذها زى ماقلتط
"وانا عند وعدى...عايزانى اجيبلك ايه"
"عايزاك تعاملنى كويس ...مش عايزة اكتر من كده"
"حاضر"
فى نفس اليوم اتصلت بيه فايزة وزى ماسمعت هديل من ردوده ان فايزة كانت بتتخانق معاه لما عرفت اللى حصل من ماجدة... وسمعته بيقول"خلاص والله ياماما مش همد ايدى عليها تانى"
خلصت الاجازة..وهديل جواها احساس بيتمنى ان الاجازة تخلص بسرعة... لان حتى كلام شريف العادى لا يخلو من كلمة بايخة يرميها يمين...كلمة سخيفة يرميها شمال
ده غير ان اللحظات الحميمة اللى كانت بتبقى مجبرة فيها نفسيا انها تكون بين ايديه...كانت بتفتكر كلامه لما قارن بينها وبين باقى البنات والستات ... فكانت له جسد بلا مشاعر ولا احساس
وده كان اكتر شعور فوق احتمالها... وارتاحت لما ركب الطيارة وسافر...ورجعت بيتها مع سيف وهى فى قمة السعادة
سعادة انها اتخلصت من وجود شريف فى حياتها لمدة سنة
بجد مقرف مش قادره اوصف قد ايه قرفانه منه
ردحذف......... ميرا
ميرا
ردحذفماهو النهاردة كان كويس اهو
اتصدقى يا دينا انك بجد احبطتينى وحاسى انى ع7ايزة ارمى حاجة فى الحيط عشان الواطى دة مينفعش معاة الطيبة وهديل بش حتغلب حتى لو اشتغلت وربت ابنها وعلى فكرة يا دينا انا اخصائية اجتماعية يعنى عارفة ان دة بيحصل بس سيف اللى حيدفع التمن وبجد يا دينا ربنا يسامحك انا خبلاص بش طايقة نفسى دة حيوان ومينفعش يتسامح وبردة دة اوفر يا دينا بجد حرام يعنى فارد نفسة من اول القصة والنهاردة 20 اية يعنى القرف دة هى ناقصة دينا بجد كد=ة كتير اوى انا حاروح اتخمد احسن وعموما بردة سلم ايدك بس كتير بردة
ردحذفنونا احمد
اولا الحلقه قصيرة بس تسلم ايدك يا دندن واحسن حاجه انه غااار ف دهيه الاهى ميرجع
ردحذفنونا
ردحذفاهدى يابنتى اعصابك مش كده هههههههههه
مش هتغلب بس هى اقتنعت بكلام ماجدة
ومهما اشتغلت مش هتقدر تصرف عليه زى ابوه
وكمان البيت عند باباها مفيهوش مكان
يعنى معذورة
تسلميى يانونا
يخربيت كده برده رجعتله ..يا خساره شبابك
ردحذفوبرده مستني النهايه السوده يا عم شريف خساره فيك الاسم والله
معلومه ع الماشي ..مفيش بنات من نوع هدير دي انقرضووووووووووووووووو
راضي
غير معرف
ردحذفوالله ما قصيرة قد كل يوم
والحمدلله انه غاااااااااار طبعا
راضى
ردحذفرجعت له علشان مفدمهاش حل تانى
معلومة صغننة
البنات دى موجودين بس زى الجوهرة النادرة اللى فين وفين لما تلاقيها
والله اي كان اهون من الذل كله الا الكراااااااااامه
ردحذفلو فيه بنت كده هجري اتجوزها ههههههههههه
البنات قلبها جمد خلاااااص عمتن مش بعيد االف قصه فوق احتمالي للرجاله من ظلم البنات هههههههههههههه
راضي
دينا بصى الموضوع بش فلوس والطفل حيتطلع معقد نفسيا لما يكبر هى كدة بش بتنفعة كدة بتضرة صدقينى انا بشوف اطفال بترتكب مصايب والسبب اهل كدة ام مستسلمة واب جبروبت دة بش صح لا علم نفس ولا اجتماع وبعدين من امتى الفلوس هى اللى بتعمل حياة اتفرجى على الاقسام والمدمنين والبنات الضايعة حتلاقيها نتيجة اهل كدة دة ثقافة منتشرة غلط عايشة معاة عشان الولاد بجد دة مصيبة سودة وبعدين العيشة بش اتحملة عشان الفلوس انا مممكن ادى جوزى نور عينى بس شان بحبة وممكن ابوس رجلة كمان واشتغلة خدامة واديلة عمرى وحياتى بس بحب لكن نظام الجوارى دة مينفعش اللى يدفع يشيل ودة مودينى فى سكة سودة
ردحذفنونا احمد
انا قريت القصه بالكامل ودى اول مره اتابع فيها بس بجد القصه جميله جدا وتسلم الايادى اللى كتبت ومن نجاح لنجاح بإذن الرحمن
ردحذفومستنيه الحلقه اللى جآيه .. مع ان الحلقه دى شريف ده مقرف جدا ومستفز يعنى ربنا يعينها عليه ان شاء الله
هذيان قلب
ردحذفتسلميلى وميرسى على الكلام الحلو اوى ده
وان شاءالله تتابعينى دايما
نورتييييييييييييييييينى
تسلمي يا دينا هو فعلا زي التور الهايج ..بس الاحسن تكون بالطاء علشان تليق عليه اكتر احسن كدا رقيقة
ردحذفتسلم ايدك يا دينا
ردحذفدا راجل مقرف وهي المفروض حتي لو هتشحت مترجعلوش لوحتي فعلا ندمان وانا اشك اصلا
ردحذف